പാകിസ്ഥാന്‍ (Pakistan) പേസ് താരം ഷഹീന് ഷാ അഫ്രീദി (Shaheen Afridi) പരിക്കില്‍ നിന്നും മോചിതനായശേഷമാണ് ടി20 ലോകകപ്പിനെത്തിയത്. എന്നാല്‍, ഫൈനല്‍ മത്സരത്തിലെ പരിക്കോടെ താരം വീണ്ടും ചികിത്സയിലേക്ക് പോവുകയാണ്. ഞായറാഴ്ച മെല്‍ബണ്‍ ക്രിക്കറ്റ് ഗ്രൗണ്ടില്‍ ഇംഗ്ലണ്ടിനെതിരായ (England) ടി20 ലോകകപ്പ് (T20 world cup 2022) ഫൈനലില്‍ ഹാരി ബ്രൂക്കിനെ പുറത്താക്കാന്‍ ക്യാച്ച് എടുക്കുന്നതിനിടെയാണ് താരത്തിന്റെ കാല്‍മുട്ടില്‍ വീണ്ടും പരിക്കേറ്റത്.
താരത്തെ ലോകകപ്പില്‍ കളിപ്പിക്കാനുള്ള തീരുമാനം തെറ്റായിരുന്നെന്ന് മുന്‍ പാകിസ്ഥാന്‍ ക്രിക്കറ്റ് ബോര്‍ഡ് ചീഫ് മെഡിക്കല്‍ ഓഫീസര്‍ ഡോ. സൊഹൈല്‍ സലിം ഫൈനലിന് ശേഷം പറഞ്ഞു. ഷഹീന്റെ പരിക്ക് ചികിത്സിക്കുന്നതിനുള്ള സമീപനത്തില്‍ പിസിബി മെഡിക്കല്‍ പാനലിന് തെറ്റു പറ്റിയോ പോയോ എന്ന് കണ്ടെത്താന്‍ അന്വേഷണം നടത്തണമെന്നും സൊഹൈല്‍ ആവശ്യപ്പെട്ടു.
ഇപ്പോഴത്തെ പരിക്ക് കൂടുതല്‍ പരിക്കുകള്‍ക്ക് കാരണമാകുന്നില്ലെങ്കില്‍, ഷഹീന് സുഖം പ്രാപിക്കാന്‍ മൂന്ന് നാല് മാസമെടുക്കും. പിസിബിയുടെ മെഡിക്കല്‍ ബോര്‍ഡ് ശസ്ത്രക്രിയയിലൂടെ ചികിത്സിക്കാന്‍ തീരുമാനിക്കുകയാണെങ്കില്‍, ആറ്, ഏഴ് മാസത്തേക്ക് ഷഹീന് പുറത്തായിരിക്കുമെന്നും അദ്ദേഹം വ്യക്തമാക്കി. സൊഹൈലിന്റെ അഭിപ്രായത്തില്‍, ഇംഗ്ലണ്ടിനും ന്യൂസിലന്‍ഡിനുമെതിരായ വരാനിരിക്കുന്ന രണ്ട് നിര്‍ണായക ഹോം ടെസ്റ്റ് പരമ്പരകള്‍ ഷഹീന് നഷ്ടപ്പെടുമെന്ന് ഉറപ്പായിരിക്കുകയാണ്.
അതേസമയം, മുന്‍ പാകിസ്ഥാന്‍ താരം സര്‍ഫ്രാസ് നവാസ്, ഷഹീനെ തിടുക്കപ്പെട്ട് ലോകകപ്പില്‍ കളിപ്പിച്ചത് തെറ്റായെന്ന് അഭിപ്രായക്കാരനാണ്. മുന്‍കൂര്‍ മാച്ച് പരിശീലനം ലഭിക്കാതെ പേസറെ ലോകകപ്പ് ടീമില്‍ ഉള്‍പ്പെടുത്താനുള്ള പിസിബിയുടെ തീരുമാനം തെറ്റായിരുന്നു. ജൂലൈ മുതല്‍ ഒരു മത്സരവും കളിക്കാതെയാണ് ലോകകപ്പില്‍ ഉള്‍പ്പെടുത്തിയത്. ലോകകപ്പിന് മുമ്പ് ഒരു മത്സരം കളിച്ചിരുന്നെങ്കില്‍ അദ്ദേഹത്തിന്റെ ഫിറ്റ്‌നസ് നന്നായി വിലയിരുത്താമായിരുന്നു. അത് തെളിയിക്കാതെ അദ്ദേഹത്തെ തിരഞ്ഞെടുക്കാന്‍ പാടില്ലായിരുന്നെന്നും മുന്‍ താരം പറഞ്ഞു.
Read Latest Sports News And Malayalam News
താരത്തെ ലോകകപ്പില്‍ കളിപ്പിക്കാനുള്ള തീരുമാനം തെറ്റായിരുന്നെന്ന് മുന്‍ പാകിസ്ഥാന്‍ ക്രിക്കറ്റ് ബോര്‍ഡ് ചീഫ് മെഡിക്കല്‍ ഓഫീസര്‍ ഡോ. സൊഹൈല്‍ സലിം ഫൈനലിന് ശേഷം പറഞ്ഞു. ഷഹീന്റെ പരിക്ക് ചികിത്സിക്കുന്നതിനുള്ള സമീപനത്തില്‍ പിസിബി മെഡിക്കല്‍ പാനലിന് തെറ്റു പറ്റിയോ പോയോ എന്ന് കണ്ടെത്താന്‍ അന്വേഷണം നടത്തണമെന്നും സൊഹൈല്‍ ആവശ്യപ്പെട്ടു.
ഇപ്പോഴത്തെ പരിക്ക് കൂടുതല്‍ പരിക്കുകള്‍ക്ക് കാരണമാകുന്നില്ലെങ്കില്‍, ഷഹീന് സുഖം പ്രാപിക്കാന്‍ മൂന്ന് നാല് മാസമെടുക്കും. പിസിബിയുടെ മെഡിക്കല്‍ ബോര്‍ഡ് ശസ്ത്രക്രിയയിലൂടെ ചികിത്സിക്കാന്‍ തീരുമാനിക്കുകയാണെങ്കില്‍, ആറ്, ഏഴ് മാസത്തേക്ക് ഷഹീന് പുറത്തായിരിക്കുമെന്നും അദ്ദേഹം വ്യക്തമാക്കി. സൊഹൈലിന്റെ അഭിപ്രായത്തില്‍, ഇംഗ്ലണ്ടിനും ന്യൂസിലന്‍ഡിനുമെതിരായ വരാനിരിക്കുന്ന രണ്ട് നിര്‍ണായക ഹോം ടെസ്റ്റ് പരമ്പരകള്‍ ഷഹീന് നഷ്ടപ്പെടുമെന്ന് ഉറപ്പായിരിക്കുകയാണ്.
അതേസമയം, മുന്‍ പാകിസ്ഥാന്‍ താരം സര്‍ഫ്രാസ് നവാസ്, ഷഹീനെ തിടുക്കപ്പെട്ട് ലോകകപ്പില്‍ കളിപ്പിച്ചത് തെറ്റായെന്ന് അഭിപ്രായക്കാരനാണ്. മുന്‍കൂര്‍ മാച്ച് പരിശീലനം ലഭിക്കാതെ പേസറെ ലോകകപ്പ് ടീമില്‍ ഉള്‍പ്പെടുത്താനുള്ള പിസിബിയുടെ തീരുമാനം തെറ്റായിരുന്നു. ജൂലൈ മുതല്‍ ഒരു മത്സരവും കളിക്കാതെയാണ് ലോകകപ്പില്‍ ഉള്‍പ്പെടുത്തിയത്. ലോകകപ്പിന് മുമ്പ് ഒരു മത്സരം കളിച്ചിരുന്നെങ്കില്‍ അദ്ദേഹത്തിന്റെ ഫിറ്റ്‌നസ് നന്നായി വിലയിരുത്താമായിരുന്നു. അത് തെളിയിക്കാതെ അദ്ദേഹത്തെ തിരഞ്ഞെടുക്കാന്‍ പാടില്ലായിരുന്നെന്നും മുന്‍ താരം പറഞ്ഞു.
Read Latest Sports News And Malayalam News