റിസ്വാൻ ഐസിയുവിലായിരുന്നു
ടൂർണമെൻറിലുടനീളം ക്യാപ്റ്റൻ ബാബർ അസമിനൊപ്പം പാകിസ്ഥാൻെറ മുന്നണിപ്പോരാളിയായത് റിസ്വാനാണ്. സെമിയിൽ അർധശതകം നേടിയ താരം ടീമിൻെറ ടോപ് സ്കോററുമായി. എന്നാൽ സെമിക്ക് മുമ്പുള്ള രണ്ട് ദിവസം താരം ഐസിയുവിലായിരുന്നു. നെഞ്ചിൽ അണുബാധയെ തുടർന്നാണ് താരത്തെ ആശുപത്രിയിൽ പ്രവേശിപ്പിച്ചിരുന്നത്. ഓസീസിനെതിരെ റിസ്വാൻ കളിക്കുമെന്നും പ്രതീക്ഷയില്ലായിരുന്നു.
(AP/PTI)
ഇറങ്ങുമെന്ന് പ്രതീക്ഷിച്ചില്ല
മുഹമ്മദ് റിസ്വാനും ഷോയബ് മാലിക്കും ഇല്ലാതെയാവും പാകിസ്ഥാൻ സെമിക്ക് ഇറങ്ങുകയെന്നായിരുന്നു റിപ്പോർട്ടുകൾ. എന്നാൽ ഇരുവരും പ്ലേയിങ് ഇലവനിൽ ഇടംപിടിച്ചു. നവംബർ 9നാണ് റിസ്വാന് നെഞ്ചിൽ അണുബാധയുണ്ടെന്ന് വ്യക്തമായത്. പിന്നീട് താരത്തെ ഐസിയുവിൽ അഡ്മിറ്റ് ചെയ്തിരുന്നുവെന്ന് പാകിസ്ഥാൻ ടീമിൻെറ സപ്പോർട്ട് സ്റ്റാഫിലൊരാളാണ് വാർത്താസമ്മേളനത്തിൽ വ്യക്തമാക്കിയത്.
(AP/PTI)
Also Read: കംഗാരുക്കളുടെ ഉശിരൻ കളി, സെമിയിൽ പാകിസ്ഥാൻ മുട്ടുകുത്തി; ഓസ്ട്രേലിയ V/s ന്യൂസീലൻഡ് ഫൈനൽ
അസുഖം അതിജീവിച്ച് റിസ്വാൻ
അസുഖത്തെ അതിജീവിച്ചാണ് പാക് ഓപ്പണർ ഒടുവിൽ കളിക്കിറങ്ങിയത്. ക്യാപ്റ്റൻ ബാബർ അസമിനൊപ്പം ഒന്നാം വിക്കറ്റിൽ 71 റൺസ് കൂട്ടിച്ചേർക്കുകയും ചെയ്തു. എന്നാൽ മത്സരത്തിൽ പാകിസ്ഥാൻ തോൽക്കുകയാണ് ചെയ്തത്. മികച്ച സ്കോർ പടുത്തുയർത്തിയിട്ടും ഡെത്ത് ഓവറുകളിൽ പ്രതീക്ഷക്കൊത്ത ബോളിങ് പ്രകടനം നടത്താൻ സാധിക്കാതെ പോയതാണ് വിനയായത്.
AP/PTI)