ദുബായ്: പരിമിത ഓവര് ക്രിക്കറ്റില് ലോകത്തെ ഏറ്റവും മികച്ച ബൗളര്മാരിലൊരാണ് അഫ്ഗാനിസ്ഥാന് താരം റാഷിദ് ഖാന്. പന്ത് കൈയ്യിലെടുക്കുമ്പോഴെല്ലാം വിസ്മയം കാട്ടാറുള്ള താരം സമീപകാലത്ത് അഫ്ഗാനിസ്ഥാന് നേടിയ പല വിജയങ്ങള്ക്കും ചുക്കാന് പിടിച്ചിരുന്നു. ഐപിഎല്ലിലും ബൗളിങ് കരുത്ത് കാട്ടാറുള്ള റാഷിദ് ഖാന് തന്റെ ഫിറ്റ്നസ്, ബൗളിങ് രഹസ്യത്തെക്കുറിച്ച് തുറന്നുപറയുകയാണ്. ഐപിഎല്ലില് എത്തിയ ആദ്യ കാലങ്ങളില് തന്റെ പ്രകടനം നിലവാരമില്ലാത്തതായിരുന്നെന്ന് റാഷിദ് ഖാന് പറയുന്നു. 2017ന് മുന്പ് സ്ഥിരയോടെ പന്തെറിയാന് സാധിച്ചിരുന്നില്ല. ഫിറ്റ്നസ് ആയിരുന്നു പ്രധാന പ്രശ്നം. ഒന്നോ രണ്ടോ മത്സരം കളിക്കുമ്പോഴേക്കും തളര്ന്നുപോകും. അത് കളിയേയും ബാധിച്ചു. എന്നാല്, 2017ന് ശേഷം താന് ഫിറ്റ്നസ് മെച്ചപ്പെടുത്തുകയും അതിലൂടെ പ്രകടനമികവിലേക്ക് എത്തുകയും ചെയ്തെന്ന് റാഷിദ് ഖാന് പറഞ്ഞു.
ജിമ്മില് സ്ഥിരമായി പോവുക തന്റെ ശീലമല്ലായിരുന്നു. അഫ്ഗാനിസ്ഥാന് പോലെ അതിനുള്ള സാഹചര്യം കുറവുള്ള ഒരു രാജ്യത്തുനിന്നും വരുന്നയാളാണ് താന്. അതുകൊണ്ടുതന്നെ ഫിറ്റ്നസിന് വലിയ പ്രാധാന്യം നല്കിയിരുന്നില്ല. ശരിയായ ഭക്ഷണ ശീലവും തനിക്ക് ഉണ്ടായിരുന്നില്ല. ബിരിയാണിയും, മധുരപലഹാരങ്ങളും തിന്നുക പതിവായിരുന്നു. ഇവയെല്ലാം നിര്ത്തിയതോടെയാണ് തനിക്ക് കളിയില് ശ്രദ്ധപതിപ്പിക്കാന് സാധിച്ചതെന്നും അഫ്ഗാന് സ്പിന്നര് വെളിപ്പെടുത്തി.
ഗ്രില് ചെയ്ത ഭക്ഷണവും സാലഡുമാണ് ഇപ്പോള് പ്രധാനമായും കഴിക്കാറുള്ളത്. ബിരിയാണി പോലുള്ളവ മാസത്തില് ഒരു തവണയോ മറ്റോ കഴിക്കും. ഫിറ്റ്നസ് ആഗ്രഹിക്കുന്ന എല്ലാവരും ഭക്ഷണത്തില് ശ്രദ്ധകാട്ടണം. ഇപ്പോള് ജിമ്മില് സ്ഥിരമായി പോകുന്നു. ജിമ്മില് പോകാന് കഴിയാത്ത ദിവസങ്ങളില് ഭക്ഷണം കുറയ്ക്കുന്നു. ക്രിക്കറ്റാണ് നമ്മുടെ തൊഴില്. അതില് സ്വയം ഉത്തരവാദിത്വം കാട്ടണം. അങ്ങിനയെങ്കില് മികച്ച പ്രകടനം നടത്താന് സാധിക്കുമെന്നും റാഷിദ് ഖാന് ചൂണ്ടിക്കാട്ടി.
ജിമ്മില് സ്ഥിരമായി പോവുക തന്റെ ശീലമല്ലായിരുന്നു. അഫ്ഗാനിസ്ഥാന് പോലെ അതിനുള്ള സാഹചര്യം കുറവുള്ള ഒരു രാജ്യത്തുനിന്നും വരുന്നയാളാണ് താന്. അതുകൊണ്ടുതന്നെ ഫിറ്റ്നസിന് വലിയ പ്രാധാന്യം നല്കിയിരുന്നില്ല. ശരിയായ ഭക്ഷണ ശീലവും തനിക്ക് ഉണ്ടായിരുന്നില്ല. ബിരിയാണിയും, മധുരപലഹാരങ്ങളും തിന്നുക പതിവായിരുന്നു. ഇവയെല്ലാം നിര്ത്തിയതോടെയാണ് തനിക്ക് കളിയില് ശ്രദ്ധപതിപ്പിക്കാന് സാധിച്ചതെന്നും അഫ്ഗാന് സ്പിന്നര് വെളിപ്പെടുത്തി.
ഗ്രില് ചെയ്ത ഭക്ഷണവും സാലഡുമാണ് ഇപ്പോള് പ്രധാനമായും കഴിക്കാറുള്ളത്. ബിരിയാണി പോലുള്ളവ മാസത്തില് ഒരു തവണയോ മറ്റോ കഴിക്കും. ഫിറ്റ്നസ് ആഗ്രഹിക്കുന്ന എല്ലാവരും ഭക്ഷണത്തില് ശ്രദ്ധകാട്ടണം. ഇപ്പോള് ജിമ്മില് സ്ഥിരമായി പോകുന്നു. ജിമ്മില് പോകാന് കഴിയാത്ത ദിവസങ്ങളില് ഭക്ഷണം കുറയ്ക്കുന്നു. ക്രിക്കറ്റാണ് നമ്മുടെ തൊഴില്. അതില് സ്വയം ഉത്തരവാദിത്വം കാട്ടണം. അങ്ങിനയെങ്കില് മികച്ച പ്രകടനം നടത്താന് സാധിക്കുമെന്നും റാഷിദ് ഖാന് ചൂണ്ടിക്കാട്ടി.