ഇന്ത്യൻ ക്രിക്കറ്റിൽ ഒരു പുതിയ കാലഘട്ടം തുടങ്ങാൻ പോവുകയാണ്. രോഹിത് ശർമ ടി20യിൽ ഫുൾ ടൈം ക്യാപ്റ്റൻസി ഏറ്റെടുക്കുന്ന, രാഹുൽ ദ്രാവിഡ് കോച്ചായെത്തുന്ന ആദ്യ മത്സരത്തിൽ ഇന്ത്യ ന്യൂസിലൻഡിനെ നേരിടാൻ ഒരുങ്ങുകയാണ്. മത്സരത്തിനുള്ള ഇന്ത്യയുടെ സാധ്യതാ ടീമിനെ പ്രഖ്യാപിച്ച് റോബിൻ ഉത്തപ്പ. ചില സർപ്രൈസ് താരങ്ങൾക്ക് ഉത്തപ്പ ടീമിൽ സ്ഥാനം നൽകിയിട്ടുണ്ട്. നിലവിലുള്ള ഓപ്പണിങ് സഖ്യം തന്നെ അടുത്ത ലോകകപ്പിലും ഇന്ത്യയുടെ ഓപ്പണർമാരാവണമെന്ന് ഉത്തപ്പ ഇഎസ്പിൻ ക്രിക് ഇൻഫോയിൽ പറഞ്ഞു. രോഹിത് ശർമയു ഉപനായകൻ കെഎൽ രാഹുലും തന്നെയാവും ഓപ്പണർമാർ. മധ്യനിരയിൽ മൂന്നാം നമ്പറിൽ യുവതാരം ഋതുരാജ് ഗെയ്ക്വാദ് വരണമെന്ന് ഉത്തപ്പ ആവശ്യപ്പെടുന്നു. ഐപിഎല്ലിലെ ഓറഞ്ച് ക്യാപ് ജേതാവായ ഗെയ്ക്വാദ് പ്രാദേശിക ക്രിക്കറ്റിലും തകർപ്പൻ ഫോമിലാണ്. ഈ ഘടകങ്ങൾ പരിഗണിക്കുമ്പോൾ യുവതാരം സ്ഥാനം അർഹിക്കുന്നുവെന്ന് ഉത്തപ്പ പറഞ്ഞു.
ശ്രേയസ്, സൂര്യ, റിഷഭ് പന്ത് എന്നിവരും മധ്യനിരയിലുണ്ടാവും. വരുന്ന ലോകകപ്പിൽ ഇന്ത്യയുടെ ഫിനിഷറാവേണ്ടത് റിഷഭ് പന്താണ്. അതിനാൽ ആറാം നമ്പറിലാണ് പന്തിന് സ്ഥാനം നൽകിയിരിക്കുന്നത്. യുവ ഓൾറൌണ്ടർ വെങ്കടേഷ് അയ്യരെ ഉത്തപ്പ പരിഗണിച്ചില്ല. ബോളിങ് നിരയിൽ സീനിയർ സ്പിന്നർമാപായ അശ്വിനും ചാഹലിനുമാണ് അവസരം. പേസർമാരായി ഹർഷലും ഭുവനേശ്വറും സിറാജും വേണമെന്നും ഉത്തപ്പ ആവശ്യപ്പെട്ടു.
റോബിൻ ഉത്തപ്പ പ്രവചിക്കുന്ന പ്ലേയിങ് ഇലവൻ: രോഹിത് ശർമ, കെഎൽ രാഹുൽ, ഋതുരാജ് ഗെയ്ക്വാദ്, ശ്രേയസ് അയ്യർ, സൂര്യകുമാർ യാദവ്, റിഷഭ് പന്ത്, ആർ അശ്വിൻ, ഹർഷൽ പട്ടേൽ, യുസ്വേന്ദ്ര ചാഹൽ, ഭുവനേശ്വർ കുമാർ, മുഹമ്മദ് സിറാജ്.
ശ്രേയസ്, സൂര്യ, റിഷഭ് പന്ത് എന്നിവരും മധ്യനിരയിലുണ്ടാവും. വരുന്ന ലോകകപ്പിൽ ഇന്ത്യയുടെ ഫിനിഷറാവേണ്ടത് റിഷഭ് പന്താണ്. അതിനാൽ ആറാം നമ്പറിലാണ് പന്തിന് സ്ഥാനം നൽകിയിരിക്കുന്നത്. യുവ ഓൾറൌണ്ടർ വെങ്കടേഷ് അയ്യരെ ഉത്തപ്പ പരിഗണിച്ചില്ല. ബോളിങ് നിരയിൽ സീനിയർ സ്പിന്നർമാപായ അശ്വിനും ചാഹലിനുമാണ് അവസരം. പേസർമാരായി ഹർഷലും ഭുവനേശ്വറും സിറാജും വേണമെന്നും ഉത്തപ്പ ആവശ്യപ്പെട്ടു.
റോബിൻ ഉത്തപ്പ പ്രവചിക്കുന്ന പ്ലേയിങ് ഇലവൻ: രോഹിത് ശർമ, കെഎൽ രാഹുൽ, ഋതുരാജ് ഗെയ്ക്വാദ്, ശ്രേയസ് അയ്യർ, സൂര്യകുമാർ യാദവ്, റിഷഭ് പന്ത്, ആർ അശ്വിൻ, ഹർഷൽ പട്ടേൽ, യുസ്വേന്ദ്ര ചാഹൽ, ഭുവനേശ്വർ കുമാർ, മുഹമ്മദ് സിറാജ്.