അഡ്ലെയ്ഡില് നടക്കുന്ന ടി20 ലോകകപ്പിന്റെ (T20 World Cup 2022) രണ്ടാം സെമിയില് ഇംഗ്ലണ്ടിനെ (England) നേരിടാനുള്ള ഒരുക്കത്തിലാണ് ഇന്ത്യന് (India) ടീം. നോക്കൗട്ട് മത്സരത്തിനായി ഇന്ത്യ തിങ്കളാഴ്ച സൗത്ത് ഓസ്ട്രേലിയയില് എത്തി. അതിനിടെ ഇന്ത്യന് ടീമിനും ആരാധകര്ക്കും ആശങ്കയായി പരിക്കിന്റെ വാര്ത്ത പുറത്തുവരികയാണ്. ഇംഗ്ലണ്ടിനെതിരെ കളിക്കാനിരിക്കെ ക്യാപ്റ്റന് രോഹിത് ശര്മയ്ക്കാണ് (Rohit Sharma) പരിശീലനത്തിനിടെ പരിക്കേറ്റത്. വലതു കൈത്തണ്ടയില് പരിക്കേറ്റ രോഹിത്തിനെ ഉടന് തന്നെ ഫിസിയോകള് പരിചരിച്ചു. പന്തുകള് നേരിടുന്നതിനിടെ പരിക്കേറ്റ് ഇരിക്കുന്ന രോഹിത്തിന്റെ ചിത്രങ്ങളാണ് വാര്ത്താ ഏജന്സിയായ എഎന്ഐ പങ്കുവെച്ചത്. രോഹിത്തിന്റെ കൈയ്യില് ഐസ് പായ്ക്ക് ഉണ്ടായിരുന്നു. കുറച്ച് മിനിറ്റുകള്ക്ക് ശേഷം അദ്ദേഹം ബാറ്റിങ്ങിന് മടങ്ങിയെങ്കിലും അല്പസമയത്തിനകം താരം തിരികെ പോവുകയായിരുന്നു.
ഒരു മണിക്കൂറിന് ശേഷം ഇന്ത്യന് നായകന് നെറ്റ്സില് തിരിച്ചെത്തി. രണ്ടാമത്തെ ഐസ് പാക്ക് രോഹിത്തിന് ഗുണം ചെയ്തെന്നുവേണം കരുതാന്. നെറ്റ്സില് രോഹിത് തന്റെ ഷോട്ടുകള് വീണ്ടും കളിക്കാന് തുടങ്ങി. പരിക്ക് ഗുരുതരമല്ലെന്നും രണ്ട് ദിവസത്തിനുള്ളില് നായകന് ടീമിനെ നയിക്കാന് പൂര്ണ ഫിറ്റാകുമെന്നും പ്രതീക്ഷിക്കുന്നു. ഇത്തവണ ലോകകപ്പില് രോഹിത് മികച്ച ഫോമിലല്ല. നെതര്ലന്ഡ്സിനെതിരായ ഒരു അര്ധസെഞ്ച്വറി ഉള്പ്പെടെ അഞ്ച് മത്സരങ്ങളില് നിന്ന് 89 റണ്സ് മാത്രമാണ് രോഹിത് നേടിയത്.
മാര്ക്ക് വുഡ്, ക്രിസ് വോക്സ് എന്നിവരെ അഭിമുഖീകരിക്കുന്ന ഇന്ത്യന് ടീമിന് രോഹിത്തിന്റെ സാന്നിധ്യം അത്യാവശ്യമാണ്. മറ്റൊരു പരിക്ക് ഇന്ത്യയ്ക്ക് താങ്ങാനാവില്ല. ഓള്റൗണ്ടര് രവീന്ദ്ര ജഡേജയും പേസര് ജസ്പ്രീത് ബുംറയും നേരത്തെ തന്നെ പരിക്കിനെ തുടര്ന്ന് ടൂര്ണമെന്റില് കളിക്കാനെത്തിയില്ല. ബുംറയ്ക്ക് പകരക്കാരനാകുമെന്ന് കരുതിയിരുന്ന ദീപക് ചാഹറിനും പിന്നീട് പരിക്കേറ്റു.
വ്യാഴാഴ്ചയാണ് ഇന്ത്യ ഇംഗ്ലണ്ട് സെമി ഫൈനല് മത്സരം. ലോകകപ്പിലെ സൂപ്പര് 12ല് ഒരു മത്സരം മാത്രം തോറ്റ ഇന്ത്യ 8 പോയന്റുമായി സെമിയിലെത്തി. സ്പിന് ബൗളര്മാരാണ് ഇന്ത്യന് ടീമിലെ പ്രധാന തലവേദന. അക്സര് പട്ടേലിന് ഫോമിലേക്ക് ഉയരാനായില്ല. അശ്വിന് ആകും ഇംഗ്ലണ്ടിനെതിരേയും കളിക്കുക. രോഹിത് ശര്മ, ദിനേഷ് കാര്ത്തിക് തുടങ്ങിയവരും ഫോം കണ്ടെത്തേണ്ടതുണ്ട്. ബുധനാഴ്ച പാകിസ്ഥാനും ന്യൂസിലന്ഡും തമ്മില് ആദ്യ സെമി ഫൈനല് മത്സരം നടക്കും.
Read Latest Sports News And Malayalam News
ഒരു മണിക്കൂറിന് ശേഷം ഇന്ത്യന് നായകന് നെറ്റ്സില് തിരിച്ചെത്തി. രണ്ടാമത്തെ ഐസ് പാക്ക് രോഹിത്തിന് ഗുണം ചെയ്തെന്നുവേണം കരുതാന്. നെറ്റ്സില് രോഹിത് തന്റെ ഷോട്ടുകള് വീണ്ടും കളിക്കാന് തുടങ്ങി. പരിക്ക് ഗുരുതരമല്ലെന്നും രണ്ട് ദിവസത്തിനുള്ളില് നായകന് ടീമിനെ നയിക്കാന് പൂര്ണ ഫിറ്റാകുമെന്നും പ്രതീക്ഷിക്കുന്നു. ഇത്തവണ ലോകകപ്പില് രോഹിത് മികച്ച ഫോമിലല്ല. നെതര്ലന്ഡ്സിനെതിരായ ഒരു അര്ധസെഞ്ച്വറി ഉള്പ്പെടെ അഞ്ച് മത്സരങ്ങളില് നിന്ന് 89 റണ്സ് മാത്രമാണ് രോഹിത് നേടിയത്.
മാര്ക്ക് വുഡ്, ക്രിസ് വോക്സ് എന്നിവരെ അഭിമുഖീകരിക്കുന്ന ഇന്ത്യന് ടീമിന് രോഹിത്തിന്റെ സാന്നിധ്യം അത്യാവശ്യമാണ്. മറ്റൊരു പരിക്ക് ഇന്ത്യയ്ക്ക് താങ്ങാനാവില്ല. ഓള്റൗണ്ടര് രവീന്ദ്ര ജഡേജയും പേസര് ജസ്പ്രീത് ബുംറയും നേരത്തെ തന്നെ പരിക്കിനെ തുടര്ന്ന് ടൂര്ണമെന്റില് കളിക്കാനെത്തിയില്ല. ബുംറയ്ക്ക് പകരക്കാരനാകുമെന്ന് കരുതിയിരുന്ന ദീപക് ചാഹറിനും പിന്നീട് പരിക്കേറ്റു.
വ്യാഴാഴ്ചയാണ് ഇന്ത്യ ഇംഗ്ലണ്ട് സെമി ഫൈനല് മത്സരം. ലോകകപ്പിലെ സൂപ്പര് 12ല് ഒരു മത്സരം മാത്രം തോറ്റ ഇന്ത്യ 8 പോയന്റുമായി സെമിയിലെത്തി. സ്പിന് ബൗളര്മാരാണ് ഇന്ത്യന് ടീമിലെ പ്രധാന തലവേദന. അക്സര് പട്ടേലിന് ഫോമിലേക്ക് ഉയരാനായില്ല. അശ്വിന് ആകും ഇംഗ്ലണ്ടിനെതിരേയും കളിക്കുക. രോഹിത് ശര്മ, ദിനേഷ് കാര്ത്തിക് തുടങ്ങിയവരും ഫോം കണ്ടെത്തേണ്ടതുണ്ട്. ബുധനാഴ്ച പാകിസ്ഥാനും ന്യൂസിലന്ഡും തമ്മില് ആദ്യ സെമി ഫൈനല് മത്സരം നടക്കും.
Read Latest Sports News And Malayalam News