സെമി ഉറപ്പിച്ച് പാകിസ്ഥാൻ
ശക്തരായ എതിരാളികളെ ആദ്യ രണ്ട് മത്സരങ്ങളിൽ തറപറ്റിച്ച പാകിസ്ഥാൻ ലോകകപ്പിലെ സെമി ഉറപ്പിച്ച് കഴിഞ്ഞിട്ടുണ്ട്. ഇനിയുള്ള മൂന്ന് മത്സരങ്ങളിൽ അഫ്ഗാനിസ്ഥാനെ മാത്രമാണ് അൽപമെങ്കിലും ഭയക്കേണ്ടതുള്ളത്. നിലവിൽ +0.738 ആണ് ടീമിൻെറ നെറ്റ് റൺ റേറ്റ്. ഈ ഫോമിൽ ഇനി പാകിസ്ഥാൻ സെമി കാണാതെ പുറത്തായാൽ അതാവും അത്ഭുതം.
(AP/PTI)
ഇന്ത്യക്ക് സമ്മർദ്ദം
വിരാട് കോലിയുടെ നേതൃത്വത്തിൽ ഇന്ത്യ കളിക്കുന്ന അവസാന ടൂർണമെൻറാണ് ഈ ലോകകപ്പ്. ന്യൂസിലൻറിനെതിരെ കളിക്കുമ്പോൾ ഇന്ത്യക്ക് വലിയ സമ്മർദ്ദമുണ്ട്. കഴിഞ്ഞ രണ്ട് ഐസിസി ടൂർണമെൻറുകളിലും ഇന്ത്യയുടെ കിരീട സാധ്യത അവസാനിപ്പിച്ചത് ന്യൂസിലൻറാണ്. ഇവിടെ ഇന്ത്യ തോറ്റാൽ 8 പോയൻറുമായി ന്യൂസിലൻറ് സെമിയിലെത്തും. അഫ്ഗാനിസ്ഥാനെ തോൽപ്പിക്കുകയെന്നത് മാത്രമായിരിക്കും പിന്നീട് കിവീസിനുള്ള ഏക വെല്ലുവിളി.
(REUTERS/Satish Kumar)
ന്യൂസിലൻറിനും നിർണായകം
ഏകദിന ലോകകപ്പിൽ ഫൈനലിലെത്തിയിട്ടും നിർഭാഗ്യം കൊണ്ട് മാത്രം കപ്പ് നേടാൻ സാധിക്കാതിരുന്ന ടീമാണ് ന്യൂസിലൻറ്. ലോക ടെസ്റ്റ് ചാമ്പ്യൻഷിപ്പ് ഫൈനലിൽ ഇന്ത്യയെ തോൽപ്പിച്ച് അവർ കപ്പടിച്ചു. ഇവിടെയും ഇന്ത്യയെ തോൽപ്പിക്കാനായാൽ അവർക്ക് മേൽക്കൈ വരും. പിന്നീട് ദുർബലരായ എതിരാളികളെ തോൽപ്പിച്ചാൽ സെമിയിലെത്താം.
(AP/PTI)