ധനേഷ് ദാമോദരൻ
2 ആം ദിവസാവസാനം തികച്ചും അനിശ്ചിതാവസ്ഥയിൽ നിന്ന ടെസ്റ്റിനെ 3 ആം ദിവസം താൻ എറിഞ്ഞ 55 പന്തുകൾ കൊണ്ടാണ് ജഡേജ ഇന്ത്യയ്ക്കനുകൂലമാക്കുന്നത്. പിച്ചും സാഹചര്യവും കണക്കിലെടുക്കുമ്പോൾ രണ്ടാം ദിവസം അവസാനിക്കുമ്പോൾ ഓസീസ് തികച്ചും നല്ല നിലയിലായിരുന്നു. എന്നാൽ എറിയുന്ന ഓരോ പന്തിലും വിക്കറ്റെടുക്കുമെന്ന് തോന്നിച്ച ജഡേജ 7 വിക്കറ്റുകളാണ് പിഴുതെറിയുന്നത്. അതിൽ 5 ഉം ക്ലീൻ ബൗൾഡും. 85 ന് 2 ൽ നിന്നും 95 ന് 7 ലേക്ക് പതിച്ച ദുരന്തം, ടെസ്റ്റ് പരമ്പരയിലുടനീളം ഓസീസിനെ വേട്ടയാടുമെന്നുറപ്പ്. ആദ്യ ടെസ്റ്റിലെ മാൻ ഓഫ് ദ മാച്ച് രണ്ടാം ടെസ്റ്റിലും ആ ബഹുമതി നേടി.
പരിക്കിൽ നിന്നും തിരിച്ചു വരുമ്പോൾ ജഡേജയുടെ ബൗളിങ്ങിന് മൂർച്ച കൂടുകയാണ്. ഒപ്പം ഒരു ഓൾറൗണ്ടറെന്ന നിലയിൽ അയാൾ അടുത്ത തലത്തിലേക്ക് സഞ്ചരിക്കുക കൂടിയാണ് ചെയ്യുന്നത്. പലപ്പോഴും വലിയ പ്രതീക്ഷകൾ തന്ന് എന്നാൽ തൻ്റെ കഴിവിനൊത്ത പ്രകടനങ്ങൾ പ്രേക്ഷകർക്ക് സമ്മാനിക്കാൻ പറ്റാത്ത ജഡേജയെ ആയിരുന്നു അയാളുടെ കരിയറിൻ്റെ ആദ്യ പകുതിയിൽ കണ്ടത്. ഫസ്റ്റ് ക്ലാസ് ക്രിക്കറ്റിൽ 25 വയസിനകം 3 ട്രിപ്പിൾ സെഞ്ചുറികൾ നേടിയ ഒരാൾ തൻ്റെ ബാറ്റിംഗ് കഴിവിനോട് നീതി കാണിക്കാതെ ബൗളിംഗ് മികവിൽ ടീമിലെ സ്ഥാനം ഉറപ്പിക്കുകയായിരുന്നു.
സത്യത്തിൽ പരിക്കിനു മുൻപ് ജഡേജയുടെ ബാളിങ്ങിന് അൽപം മൂർച്ച കുറവായിരുന്നുവെന്നതായിരുന്നു സത്യം. അവസാനത്തെ 50 വിക്കറ്റുകളിലെത്താൻ കരിയറിൽ ഏറ്റവുമധികം കാലം വേണ്ടി വന്ന നാളുകളായിരുന്നു അത്. എന്നാൽ അതേ സമയം ടെസ്റ്റ് ക്രിക്കറ്റിൽ തൻ്റെ അവസാന 500 റൺസുകൾ നേടാൻ അയാൾക്ക് വേണ്ടി വന്നത് വെറും 7 ടെസ്റ്റുകൾ മാത്രമായിരുന്നു. അത് കൊണ്ട് തന്നെയാണ് ഒരു ഓൾറൗണ്ടർ എന്ന നിലയിൽ അയാൾ നിലവാരത്തിനപ്പുറത്തേക്ക് ഉയരുന്നതും.
ഒരു ദിവസം മുൻപാണ് അയാൾ ഇയാൻ ബോതമിനു മാത്രം പിറകിൽ ഏറ്റവും വേഗത്തിൽ 2500 റൺസ്, 250 വിക്കറ്റ് ക്ലബ്ബിലെത്തുന്നത്. 500 റൺ, 50 വിക്കറ്റ് ക്ലബ്ബിലെത്താൻ 18 ടെസ്റ്റുകൾ വേണ്ടി വന്ന ജഡേജ 1000, 100 ലെത്തുന്നത് 30 ടെസ്റ്റുകൾ കൊണ്ടാണ്. 1500 ,150 ക്ലബ്ബിലെത്താൻ വീണ്ടും 12 ടെസ്റ്റുകൾ കൂടി. അടുത്ത 11 ടെസ്റ്റുകൾ കൊണ്ട് 2000, 200 ക്ലബ്ബിലെത്തിയ ജഡേജക്ക് 2500,250 ക്ലബ്ബിൽ പ്രവേശിക്കാൻ പിന്നീട് വേണ്ടി വന്നത് വെറും 9 ടെസ്റ്റുകൾ മാത്രമായിരുന്നു. അതായത് ആകെ 62 ടെസ്റ്റുകൾ.
നിലവിലെ ഏത് ഓൾറൗണ്ടർമാരെ പരിഗണിച്ചാലും ആരും ജഡേജയ്ക്കൊപ്പം വരില്ലെന്ന് കണക്കുകൾ തെളിയിക്കും. പലപ്പോഴും രവിചന്ദ്രൻ അശ്വിൻ എന്ന ക്രിക്കറ്റ് ബ്രെയിന് ഒപ്പത്തിനൊപ്പം ബൗളിംഗ് മികവ് പുലർത്തുന്ന സമയത്ത് തന്നെ പല ടോപ് ഓർഡർ ബാറ്ററെക്കാളും മികച്ച ഇന്നിങ്ങ്സുകൾ തുടർച്ചയായി കളിക്കുന്നുവെന്നതും അയാളെ പകരം വെക്കാൻ കഴിയാത്തവനാക്കുന്നു.
ടെസ്റ്റ് ക്രിക്കറ്റിൽ ജഡേജയുടെ കുറഞ്ഞ ലക്ഷ്യം 100 ടെസ്റ്റുകളായിരിക്കും. അങ്ങനെ സംഭവിച്ചാൽ 100 ടെസ്റ്റുകൾക്കുള്ളിൽ 4000 റൺസും 400 വിക്കറ്റുകളും നേടുന്ന ക്രിക്കറ്റ് ചരിത്രത്തിലെ ഒരേയൊരാളും മറ്റാരുമാകില്ല.
Read Latest Sports News and Malayalam Newsundefined
2 ആം ദിവസാവസാനം തികച്ചും അനിശ്ചിതാവസ്ഥയിൽ നിന്ന ടെസ്റ്റിനെ 3 ആം ദിവസം താൻ എറിഞ്ഞ 55 പന്തുകൾ കൊണ്ടാണ് ജഡേജ ഇന്ത്യയ്ക്കനുകൂലമാക്കുന്നത്. പിച്ചും സാഹചര്യവും കണക്കിലെടുക്കുമ്പോൾ രണ്ടാം ദിവസം അവസാനിക്കുമ്പോൾ ഓസീസ് തികച്ചും നല്ല നിലയിലായിരുന്നു. എന്നാൽ എറിയുന്ന ഓരോ പന്തിലും വിക്കറ്റെടുക്കുമെന്ന് തോന്നിച്ച ജഡേജ 7 വിക്കറ്റുകളാണ് പിഴുതെറിയുന്നത്. അതിൽ 5 ഉം ക്ലീൻ ബൗൾഡും. 85 ന് 2 ൽ നിന്നും 95 ന് 7 ലേക്ക് പതിച്ച ദുരന്തം, ടെസ്റ്റ് പരമ്പരയിലുടനീളം ഓസീസിനെ വേട്ടയാടുമെന്നുറപ്പ്. ആദ്യ ടെസ്റ്റിലെ മാൻ ഓഫ് ദ മാച്ച് രണ്ടാം ടെസ്റ്റിലും ആ ബഹുമതി നേടി.
പരിക്കിൽ നിന്നും തിരിച്ചു വരുമ്പോൾ ജഡേജയുടെ ബൗളിങ്ങിന് മൂർച്ച കൂടുകയാണ്. ഒപ്പം ഒരു ഓൾറൗണ്ടറെന്ന നിലയിൽ അയാൾ അടുത്ത തലത്തിലേക്ക് സഞ്ചരിക്കുക കൂടിയാണ് ചെയ്യുന്നത്. പലപ്പോഴും വലിയ പ്രതീക്ഷകൾ തന്ന് എന്നാൽ തൻ്റെ കഴിവിനൊത്ത പ്രകടനങ്ങൾ പ്രേക്ഷകർക്ക് സമ്മാനിക്കാൻ പറ്റാത്ത ജഡേജയെ ആയിരുന്നു അയാളുടെ കരിയറിൻ്റെ ആദ്യ പകുതിയിൽ കണ്ടത്. ഫസ്റ്റ് ക്ലാസ് ക്രിക്കറ്റിൽ 25 വയസിനകം 3 ട്രിപ്പിൾ സെഞ്ചുറികൾ നേടിയ ഒരാൾ തൻ്റെ ബാറ്റിംഗ് കഴിവിനോട് നീതി കാണിക്കാതെ ബൗളിംഗ് മികവിൽ ടീമിലെ സ്ഥാനം ഉറപ്പിക്കുകയായിരുന്നു.
സത്യത്തിൽ പരിക്കിനു മുൻപ് ജഡേജയുടെ ബാളിങ്ങിന് അൽപം മൂർച്ച കുറവായിരുന്നുവെന്നതായിരുന്നു സത്യം. അവസാനത്തെ 50 വിക്കറ്റുകളിലെത്താൻ കരിയറിൽ ഏറ്റവുമധികം കാലം വേണ്ടി വന്ന നാളുകളായിരുന്നു അത്. എന്നാൽ അതേ സമയം ടെസ്റ്റ് ക്രിക്കറ്റിൽ തൻ്റെ അവസാന 500 റൺസുകൾ നേടാൻ അയാൾക്ക് വേണ്ടി വന്നത് വെറും 7 ടെസ്റ്റുകൾ മാത്രമായിരുന്നു. അത് കൊണ്ട് തന്നെയാണ് ഒരു ഓൾറൗണ്ടർ എന്ന നിലയിൽ അയാൾ നിലവാരത്തിനപ്പുറത്തേക്ക് ഉയരുന്നതും.
ഒരു ദിവസം മുൻപാണ് അയാൾ ഇയാൻ ബോതമിനു മാത്രം പിറകിൽ ഏറ്റവും വേഗത്തിൽ 2500 റൺസ്, 250 വിക്കറ്റ് ക്ലബ്ബിലെത്തുന്നത്. 500 റൺ, 50 വിക്കറ്റ് ക്ലബ്ബിലെത്താൻ 18 ടെസ്റ്റുകൾ വേണ്ടി വന്ന ജഡേജ 1000, 100 ലെത്തുന്നത് 30 ടെസ്റ്റുകൾ കൊണ്ടാണ്. 1500 ,150 ക്ലബ്ബിലെത്താൻ വീണ്ടും 12 ടെസ്റ്റുകൾ കൂടി. അടുത്ത 11 ടെസ്റ്റുകൾ കൊണ്ട് 2000, 200 ക്ലബ്ബിലെത്തിയ ജഡേജക്ക് 2500,250 ക്ലബ്ബിൽ പ്രവേശിക്കാൻ പിന്നീട് വേണ്ടി വന്നത് വെറും 9 ടെസ്റ്റുകൾ മാത്രമായിരുന്നു. അതായത് ആകെ 62 ടെസ്റ്റുകൾ.
നിലവിലെ ഏത് ഓൾറൗണ്ടർമാരെ പരിഗണിച്ചാലും ആരും ജഡേജയ്ക്കൊപ്പം വരില്ലെന്ന് കണക്കുകൾ തെളിയിക്കും. പലപ്പോഴും രവിചന്ദ്രൻ അശ്വിൻ എന്ന ക്രിക്കറ്റ് ബ്രെയിന് ഒപ്പത്തിനൊപ്പം ബൗളിംഗ് മികവ് പുലർത്തുന്ന സമയത്ത് തന്നെ പല ടോപ് ഓർഡർ ബാറ്ററെക്കാളും മികച്ച ഇന്നിങ്ങ്സുകൾ തുടർച്ചയായി കളിക്കുന്നുവെന്നതും അയാളെ പകരം വെക്കാൻ കഴിയാത്തവനാക്കുന്നു.
ടെസ്റ്റ് ക്രിക്കറ്റിൽ ജഡേജയുടെ കുറഞ്ഞ ലക്ഷ്യം 100 ടെസ്റ്റുകളായിരിക്കും. അങ്ങനെ സംഭവിച്ചാൽ 100 ടെസ്റ്റുകൾക്കുള്ളിൽ 4000 റൺസും 400 വിക്കറ്റുകളും നേടുന്ന ക്രിക്കറ്റ് ചരിത്രത്തിലെ ഒരേയൊരാളും മറ്റാരുമാകില്ല.
Read Latest Sports News and Malayalam Newsundefined