സച്ചിന്റെ വിക്കറ്റ് നഷ്ടം
34 തവണ റൺ ഔട്ട് ലൂടെയും 39 തവണ എൽ ബി ഡബ്ലിയുവിലൂടെയും 186 തവണ ഫീൽഡിങ് ക്യാച്ചിലൂടെയും 72 തവണ കീപ്പർ ക്യാച്ചിലൂടെയും 11 തവണ സ്റ്റമ്പിങ്ങിലൂടെയും 68 തവണ ബൗൾഡ് ആയും 1 തവണ ഹിറ്റ് വിക്കറ്റ് ആയും അദ്ദേഹം പുറത്തായിട്ടുണ്ട്. ക്രിക്കറ്റ് ചരിത്രത്തിലെ ഏറ്റവും വലിയ വഴിത്തിരിവ് ആയി മാറിയ മൂന്നാം അമ്പയറുടെ തീരുമാനത്തിൽ പുറത്താക്കപെട്ട ആദ്യ താരവും സച്ചിനാണ്. അമ്പയറുടെ പിഴവ് മൂലം ഏറ്റവും കൂടുതൽ തവണ പുറത്താക്കപെട്ട കളിക്കാരനും ഇദേഹം തന്നെ.
ശ്രീലങ്കയും ഓസ്ട്രേലിയയും
സച്ചിനെ ഏറ്റവും കൂടുതൽ പുറത്താക്കിയ ടീം ശ്രീലങ്കയും തൊട്ടുപിന്നാലെ ഓസ്ട്രേലിയയും ആണ്. ഏറ്റവും അധികം തവണ സച്ചിനെ കൈപ്പിടിയിൽ ഒതുക്കിയ ഫീൽഡർ സനത് ജയസൂര്യയും (11) വിക്കറ്റ് കീപ്പർ ആദം ഗിൽക്രിസ്റ് (16) ഉം ആണ്. സ്റ്റമ്പിങ്ങിലൂടെ സച്ചിനെ ഏറ്റവും അധികം പുറത്താക്കിയ ബൗളർ സനത് ജയസൂര്യയും (2) വിക്കറ്റ് കീപ്പർ റൊമേഷ് കലുവിതരണയുമാണ് (3).
സച്ചിനെ പുറത്താക്കിയ ബൗളർമാർ
ഏകദിനത്തിൽ സച്ചിനെ 9 തവണ പുറത്താക്കി ഷോൺ പൊള്ളോക്കും ബ്രെറ്റ് ലീയും നയിക്കുന്ന ലിസ്റ്റിൽ 7 തവണ പുറത്താക്കി ഗ്ലെൻ മഗ്രാത്ത്. ഹീത്ത് സ്ട്രീക്, ചാമിന്ദ വാസ് എന്നിവർ രണ്ടാം സ്ഥാനം അലങ്കരിക്കുന്നു. അസർ മഹമൂദ്, അബ്ദുർ റസാഖ് എന്നിവർ 6 തവണ അദ്ദേഹത്തെ പുറത്താക്കിയപ്പോൾ മുത്തയ്യ മുരളീധരൻ, അലൻ ഡൊണാൾഡ്, ഡാമിയൻ ഫ്ലെമിംഗ്, നുവാൻ സോയ്സ, ദിൽഹാരോ ഫെർണാണ്ടോ, നുവാൻ കുലശേഖര, സനത് ജയസൂര്യ, അക്വിബ് ജാവേദ്, ഷോയിബ് അക്തർ എന്നിവർ 5തവണ അദ്ദേഹത്തെ പുറത്താക്കി.
വോണിന് മുന്നിൽ ഒരിക്കൽ മാത്രം
ആദ്യമായി ഏകദിന ചരിത്രത്തിൽ 500വിക്കറ്റ് സ്വന്തമാക്കിയ വാസിം അക്രം 24 മത്സരങ്ങളിൽ നിന്നായി സച്ചിനെ 3 തവണ പുറത്താക്കി. സച്ചിന്റെ ഏറ്റവും മികച്ച എതിരാളിയായി ക്രിക്കറ്റ് ലോകം വാഴ്ത്തിപാടുന്ന ഷെയിൻ വോൺ 17 മത്സരങ്ങളിൽ നിന്നും ഒരേ ഒരു തവണ മാത്രമായിരുന്നു പുറത്താക്കിയിരുന്നത് എന്നത് വളരെ കൗതുകമായ ഒരു കാര്യമാണ്.
ബ്രെറ്റ് ലീയും പൊളോക്കും
സച്ചിനെതിരെ വീറും വാശിയോടും ക്ഷുഭിതനായും അദ്ദേഹത്തെ ആക്രോശിച്ചും പന്തെറിഞ്ഞിരുന്നവർമാർക്കിടയിൽ നിന്നും ബഹുമാനത്തോട് കൂടി പന്തെറിഞ്ഞു അദ്ദേഹത്തെ കൂടുതൽ തവണ പുറത്താക്കിയ റെക്കോർഡുമായി മുന്നിൽ നിൽക്കുന്ന ബ്രെറ്റ് ലീയോടും പൊളോക്കിനോടും അസൂയ തോന്നുന്നു. ആഭ്യന്തര ക്രിക്കറ്റിൽ സച്ചിനെ പുറത്താക്കിയാൽ ഇന്ത്യൻ ടീമിന്റെ നീലക്കുപ്പായത്തിലേക്കുള്ള ദൂരം കുറയ്കാം എന്ന കൗതുകകരമായ വിശ്വാസം ഉടലെടുത്തിരുന്നു അങ്ങനെ ടീമിലേക്കു കടന്നുവന്നവർ ഉണ്ട് ശ്രീശാന്തിനെ പോലെ.
അരങ്ങേറ്റക്കാർക്ക് വിക്കറ്റ്
എതിർ വശത്തിലെ ടീമിൽ ഒരു അരങ്ങേറ്റ ബൗളർ ഉണ്ടെങ്കിൽ അദ്ദേഹത്തിന് കന്നി വിക്കറ്റ് സമ്മാനിച്ചു മടങ്ങുന്ന ശീലവും സച്ചിനുണ്ടായിരുന്നു. ടെസ്റ്റ് ക്രിക്കറ്റിലാണ് ഇത് ഏറ്റവും അതികം സംഭവിച്ചിരിക്കുന്നത്. സച്ചിനെ ആദ്യമായി പുറത്താക്കിയ ബൗളർ വഖാർ യൂനിസും അവസാനമായി പുറത്താക്കിയ ബൗളർ സഈദ് അജ്മലും ആണ്. സച്ചിൻ ജോണ്ടി റോഡ്സ് എന്ന ഫീൽഡിങ് ഇതിഹാസത്തിന്റെ കൃത്യതയാർന്ന ഫീൽഡിങ്ങിനു മുന്നിൽ നിരവധി തവണ റൺ ഔട്ട് ആയി പുറത്തായിട്ടുമുണ്ട്.
അംപയർമാരുടെ നീതികേട്
കരിയറിൽ 68 തവണ ബൗൾഡ് ആയിട്ടുണ്ടെങ്കിലും ഈ കാര്യത്തിൽ സച്ചിന് മേലെ ആധിപത്യം സ്ഥാപിക്കാൻ ഒരു ബൗളറെ കൊണ്ടും സാധിച്ചിട്ടില്ല. എൽ ബി ഡബ്ല്യുവിന്റെ കാര്യത്തിൽ സച്ചിനെ ഏറ്റവും അധികം പുറത്താക്കിയത് അംപയർമാരാണ്. കരിയറിൽ ഒരേ ഒരു തവണ മാത്രമാണ് സച്ചിൻ ഹിറ്റ് വിക്കറ്റിലൂടെ പുറത്തായത് 2008ലെ സി. ബി സീരിസിൽ ബ്രെറ്റ് ലീ ക്കെതിരെ മനോഹരമായ ഫ്ലിക്ക് ഷോട്ട് കളിച്ച സച്ചിന്റെ പാദചലനം നഷ്ടപ്പെട്ടു സ്റ്റാമ്പിലേക്കു കാൽ പതിക്കുകയായിരുന്നു.
സച്ചിനെ വിഷമിപ്പിച്ച ബൗളർമാർ
ഇത്രയും ബൗളർമാരെ നേരിട്ട സച്ചിൻ 41 കളികളിൽ പുറത്താവാതെയും നിന്നു അതും മിക്ക കളികളും ഓപ്പണിങ് പൊസിഷനിൽ നിന്നു കൊണ്ടു തന്നെ സച്ചിനെ ഏറ്റവും അധികം ബുദ്ധിമുട്ടിച്ച ബൗളർമാർ അനവധി ഉണ്ട്. അതിൽ ചില ബൗളെർമാർക്കുമേലെ വ്യക്തമായ മുൻതൂക്കം സച്ചിനുണ്ട്. സച്ചിൻ പരാജയപ്പെട്ട അല്ലെങ്കിൽ സച്ചിനെ ഒരുപാടു ബുദ്ധിമുട്ടിച്ച ബൗളർമാരെ കുറിച്ചുള്ള വിവരങ്ങൾ അടുത്ത ലക്കത്തിൽ.