HBD Messi: ലയൺ ആയ മെസി.. ലയണൽ മെസി!

കായികപ്രേമികൾക്കു ഇന്നും ഹരവുമാണ് അർജൻ്റീന ഫുട്ബോൾ താരമായ ലയണൽ ആൻഡ്രെസ് മെസി സുസൈറ്റിനി. ചുരുക്കി പറഞ്ഞാൽ നമ്മുടെ സ്വന്തം ലയണൽ മെസി. വെറും പുലിയല്ല ഒരു ഒന്ന് ഒന്നര പുലിയാണ് മെസി. സ്വന്തമായി ആറു ബാലൻ ഡി ഓർ അവാർഡുകളാണ് സ്വന്തമായിട്ടുള്ളത്. സ്പാനിഷ് ക്ലബായ ബാഴ്സിലോണയുടെയും അർജൻ്റീന നാഷണൽ ടീമിൻ്റയും ക്യാപ്റ്റൻ കൂടിയാണ് മെസി.

അങ്ങ് അർജൻ്റീനയിൽ മാത്രമല്ല ഇങ്ങു കൊച്ചു കേരളത്തിലും ഉണ്ട് ആരാധകർ ഏറെ. ഇന്നും അവർക്കൊക്കെ മനസിലാകാൻ കഴിയാത്തവിധം ഒരു ഇതിഹാസമായി മാറി കഴിഞ്ഞിരിക്കുന്നു മെസി. ലോകത്താകമാനമുള്ള കായിക പ്രേമികൾക്ക് ഹരവും ലഹരിയയുമായി തീർന്നിരിക്കുകയാണ് മെസി. ആ അതുല്യ പ്രതിഭക്കൊപ്പം ജീവിതം പങ്കിടാൻ സാധിച്ചതാകട്ടെ അന്ദ്രീയ റോക്കോസാക്കാന്. 2008 ലാണ് ഇവർ തമ്മിലുള്ള ബന്ധം തുടങ്ങുന്നത് ഒരു ജനത മുഴുവൻ കടപ്പെട്ടിരിക്കുകായണ്‌ മെസിയോട്. അവരുടെ കായികാസ്വാദനത്തിനു പൂക്കളും കായ്കളും ഏകിയതിന്.

Also Read: മെസി നേതാവാണ്, റോള്‍ മോഡലാണ്... ഷമീല്‍ ചെമ്പകത്ത് എഴുതുന്നു

ബാല്യകാല സഖിയെ തന്നെ ജീവിത പങ്കാളിയാകുവാൻ ഭാഗ്യം ലഭിച്ച ചുരുക്കം ചിലരിൽ ഒരാളാണ് മെസി. തന്റെ ഇഷ്ട കായിക വിനോദമായ ഫുട്ബോളിൽ തന്നെ ഒരു കരിയർ പടുത്തുയർത്താനും കഴിഞ്ഞു ഈ അസാമാന്യ പ്രതിഭാശാലിക്ക്. 13 -ആം വയസിൽ ഫുട്ബോൾ ഭ്രാന്തു മൂലം സ്പെയ്നിലേക്ക് മെസി മാറി. തന്റെ ജീവിതം ഫുട്ബോളിൽ ഒതുക്കാതെ ധാരാളം ജീവകാരുണ്യ പ്രവർത്തനങ്ങളിലും മെസി പങ്കാളിയായിട്ടുണ്ട്. ലോക പ്രസിദ്ധ കമ്പനിയായ അഡിഡാസ് 2006 മുതൽ മെസിയുടെ സ്പോൺസർ ആയി.

Also Read: ജന്മദിനാശംസകൾ പ്രിയപ്പെട്ട മിശിഹാ... മനീഷ് മധുസൂദൻ എഴുതുന്നു

ലോകത്തിൽ ഏറ്റവും കൂടുതൽ പ്രതിഫലം ലഭിക്കുന്ന അത്ലെറ്റുകളിൽ ഒരാളാണ് മെസി. സ്വന്തമായി ഒരു ജീവകാരുണ്യ സ്ഥാപനം കൂടിയുണ്ട് മെസിക്ക്. ദി ലിയോ ഫൌണ്ടേഷൻ എന്ന സ്ഥാപനത്തിന്റെ പൂർണ ചുമതല മെസിക്കാണ്. പണത്തിന്റെ കുറവ് മൂലം കായിക സ്വപ്‌നങ്ങൾ ഉപേഷിക്കേണ്ടി വന്ന പലർക്കും കൈ താങ്ങാവാൻ ഈ ഫൗണ്ടേഷന് സാധിച്ചു. കായിക രംഗത്ത് മാത്രമല്ല, പഠനത്തിൽ പിന്നോക്കം നിൽക്കുന്നവർക്കും ശാരീരിക അവശതകൾ അലട്ടുന്നവരുടെയും ദൈവം ആണ് മെസി.

Also Read: ലിയോ, ഇനിയും പച്ചപ്പുല്ലിനെ തീ പിടിപ്പിക്കുക... ജിതേഷ് മംഗലത്ത് എഴുതുന്നു

തനിക്കു ലഭിക്കുന്ന പ്രതിഫലത്തിന്റെ ഒരു പങ്കു മറ്റുള്ളവർക്കായി ഉപയോഗിച്ച ഒരു മനുഷ്യ സ്‌നേഹി കൂടിയാണ് നമ്മുടെ മെസി. ഇങ്ങനെ പോകുന്നു മെസ്സിയുടെ ജീവിത കഥ. ഇനിയും കെട്ടടങ്ങാത്ത നിരവധി സ്റ്റേഡിയങ്ങളിൽ ആർപ്പുവിളികൾ തീർക്കാൻ സാധിക്കട്ടെ നമ്മുടെ അതുല്യ പ്രതിഭയ്ക്ക്. ഇനിയും കായിക സ്വപ്‌നങ്ങൾ വെള്ളത്തിലായവർക്കു ഒരു തോണിക്കാരൻ ആകാൻ കഴിയട്ടെ നമ്മുടെ സ്വന്തം മെസിക്ക്. ആയിരമായിരം ജന്മദിനാശംസകൾ മെസി.