36 വർഷത്തിന് ശേഷം അർജൻറീന ലോകകിരീടത്തിൽ മുത്തമിട്ടിരിക്കുകയാണ്. ലയണൽ മെസിയുടെ നേതൃത്വത്തിലുള്ള ടീം നിലവിലെ ചാമ്പ്യൻമാരായ ഫ്രാൻസിനെ പരാജയപ്പെടുത്തിയാണ് കിരീടം നേടിയത്. ഫൈനലിൽ പെനാൽട്ടി ഷൂട്ടൌട്ടിലാണ് അർജൻറീനയുടെ വിജയം. 2002ന് ശേഷം ഇതാദ്യമായാണ് യൂറോപ്പിന് പുറത്ത് നിന്നുള്ള ഒരു ടീം ലോകകിരീടം നേടുന്നത്. വിജയത്തിന് ശേഷം അർജൻറീന ടീം വലിയ ആഘോഷത്തിലാണ്. ലോകമെങ്ങും അർജൻറീന ആരാധകരുടെ നേതൃത്വത്തിൽ ആഘോഷങ്ങൾ നടക്കുന്നുണ്ട്. കിരീടം നേടിയ അർജൻറീനയും അവരുടെ നായകൻ ലയണൽ മെസിയും നിരവധി ലോകറെക്കോർഡുകൾ മറികടന്നിട്ടുണ്ട്. ലോകകപ്പിൽ ഏറ്റവും കൂടുതൽ മത്സരം കളിച്ച ഫുട്ബോളർ എന്ന റെക്കോർഡ് സ്വന്തമാക്കിക്കൊണ്ടാണ് മെസി ഫൈനൽ മത്സരം കളിച്ച് തുടങ്ങിയത്. ജർമൻ ഇതിഹാസ ഫുട്ബോളർ ലോതർ മത്തേവൂസിൻെറ റെക്കോർഡ് മറികടന്ന മെസിയുടെ 26ാം ലോകകപ്പ് മത്സരമായിരുന്നു ഫൈനൽ. ഒരു ലോകകപ്പ് എഡിഷൻെറ ഗ്രൂപ്പ് ഘട്ടത്തിലും പ്രീ ക്വാർട്ടറിലും ക്വാർട്ടറിലും സെമിയിലും ഫൈനലിലും ഗോൾ നേടുന്ന ആദ്യ കളിക്കാരനെന്ന ചരിത്രനേട്ടവും ഖത്തറിൽ മെസി സ്വന്തം പേരിലാക്കിയിട്ടുണ്ട്.
കളിക്കളത്തിലെ റെക്കോർഡുകൾക്ക് പുറമെ കളിക്കളത്തിന് പുറത്തുള്ള ഒരു വമ്പൻ റെക്കോർഡും ലയണൽ മെസി ഫൈനൽ മത്സരത്തിന് ശേഷം സ്വന്തമാക്കിയിരിക്കുകയാണ്. ഇൻസ്റ്റഗ്രാമിൻെറ ചരിത്രത്തിൽ ഏറ്റവും കൂടുതൽ ലൈക്കുകൾ ലഭിച്ചിട്ടുള്ള പോസ്റ്റ് ഇനി മെസിയുടെ പേരിലാണ്. അർജൻറീന ലോകകപ്പ് നേടിയതിൻെറ സന്തോഷം പങ്ക് വെച്ച് കൊണ്ടുള്ള പോസ്റ്റാണ് ലോകറെക്കോർഡ് മറികടന്നിരിക്കുന്നത്. ഇൻസ്റ്റഗ്രാമിൽ ഇപ്പോൾ മെസിയുടെ ഫോളോവേഴ്സിൻെറ എണ്ണം 400 മില്യൺ കടന്നിരിക്കുകയാണ്.
ലോകകപ്പ് പിടിച്ച് കൊണ്ട് നിൽക്കുന്ന മെസിയുടെ ചിത്രത്തിന് 59 ലക്ഷത്തിലധികം ലൈക്കുകളാണ് ലഭിച്ചിരിക്കുന്നത്. മുട്ടയുടെ ചിത്രത്തിൻെറ റെക്കോർഡാണ് മറികടന്നിരിക്കുന്നത്. ലോകറെക്കോർഡ് സ്ഥാപിച്ച മുട്ടയുടെ ഇൻസ്റ്റഗ്രാം പോസ്റ്റിന് ആകെ ലഭിച്ചത് 56 ലക്ഷത്തിലധികം ലൈക്കുകളാണ്. ആ റെക്കോർഡ് ഇപ്പോൾ മെസിയുടെ ചിത്രം മറികടന്നിരിക്കുകയാണ്. നേരത്തെയുള്ള ലോകറെക്കോർഡ് മറികടക്കുകയെന്ന ലക്ഷ്യത്തോടെ തന്നെയായിരുന്നു ഈ മുട്ടയുടെ പോസ്റ്റ് പങ്കുവെച്ചിരുന്നത്.
ലുസൈൽ സ്റ്റേഡിയത്തിൽ അർജൻറീനയുടെ വിജയാഘോഷത്തിൻെറ ചിത്രങ്ങളാണ് മെസി തൻെറ ഇൻസ്റ്റഗ്രാമിൽ ഷെയർ ചെയ്തിരുന്നത്. തൻെറയും ടീം അംഗങ്ങളുടെയും ചിത്രങ്ങൾ പങ്കുവെച്ചിരുന്നു. ഒരു കായിക താരത്തിന്റെ ഇൻസ്റ്റഗ്രാം പോസ്റ്റിന് ലഭിക്കുന്ന ഏറ്റവും ഉയർന്ന ലൈക്കുകൾ എന്ന റെക്കോർഡ് നേരത്തെ തന്നെ ഈ പോസ്റ്റിലൂടെ മെസി മറികടന്നിരുന്നു. പോർച്ചുഗൽ സൂപ്പർതാരം ക്രിസ്റ്റ്യാനോ റൊണാൾഡോയേയാണ് ഇക്കാര്യത്തിൽ മെസി പിന്നിലാക്കിയത്. ഈ പോസ്റ്റിലും മെസിയുണ്ട്. മെസിയുമൊത്ത് ചെസ് കളിക്കുന്ന ഒരു ചിത്രം കഴിഞ്ഞ മാസമാണ് ക്രിസ്റ്റ്യാനോ റൊണാൾഡോ ഇൻസ്റ്റഗ്രാമിൽപോസ്റ്റ് ചെയ്തിരുന്നത്. ഇതിന് ആകെ 41.9 മില്ല്യൺ ലൈക്കുകളാണ് ലഭിച്ചത്. ഈ റെക്കോർഡ് മെസി അനായാസം മറികടന്നിരുന്നു.
Read Latest Sports News And Malayalam News
കളിക്കളത്തിലെ റെക്കോർഡുകൾക്ക് പുറമെ കളിക്കളത്തിന് പുറത്തുള്ള ഒരു വമ്പൻ റെക്കോർഡും ലയണൽ മെസി ഫൈനൽ മത്സരത്തിന് ശേഷം സ്വന്തമാക്കിയിരിക്കുകയാണ്. ഇൻസ്റ്റഗ്രാമിൻെറ ചരിത്രത്തിൽ ഏറ്റവും കൂടുതൽ ലൈക്കുകൾ ലഭിച്ചിട്ടുള്ള പോസ്റ്റ് ഇനി മെസിയുടെ പേരിലാണ്. അർജൻറീന ലോകകപ്പ് നേടിയതിൻെറ സന്തോഷം പങ്ക് വെച്ച് കൊണ്ടുള്ള പോസ്റ്റാണ് ലോകറെക്കോർഡ് മറികടന്നിരിക്കുന്നത്. ഇൻസ്റ്റഗ്രാമിൽ ഇപ്പോൾ മെസിയുടെ ഫോളോവേഴ്സിൻെറ എണ്ണം 400 മില്യൺ കടന്നിരിക്കുകയാണ്.
ലോകകപ്പ് പിടിച്ച് കൊണ്ട് നിൽക്കുന്ന മെസിയുടെ ചിത്രത്തിന് 59 ലക്ഷത്തിലധികം ലൈക്കുകളാണ് ലഭിച്ചിരിക്കുന്നത്. മുട്ടയുടെ ചിത്രത്തിൻെറ റെക്കോർഡാണ് മറികടന്നിരിക്കുന്നത്. ലോകറെക്കോർഡ് സ്ഥാപിച്ച മുട്ടയുടെ ഇൻസ്റ്റഗ്രാം പോസ്റ്റിന് ആകെ ലഭിച്ചത് 56 ലക്ഷത്തിലധികം ലൈക്കുകളാണ്. ആ റെക്കോർഡ് ഇപ്പോൾ മെസിയുടെ ചിത്രം മറികടന്നിരിക്കുകയാണ്. നേരത്തെയുള്ള ലോകറെക്കോർഡ് മറികടക്കുകയെന്ന ലക്ഷ്യത്തോടെ തന്നെയായിരുന്നു ഈ മുട്ടയുടെ പോസ്റ്റ് പങ്കുവെച്ചിരുന്നത്.
ലുസൈൽ സ്റ്റേഡിയത്തിൽ അർജൻറീനയുടെ വിജയാഘോഷത്തിൻെറ ചിത്രങ്ങളാണ് മെസി തൻെറ ഇൻസ്റ്റഗ്രാമിൽ ഷെയർ ചെയ്തിരുന്നത്. തൻെറയും ടീം അംഗങ്ങളുടെയും ചിത്രങ്ങൾ പങ്കുവെച്ചിരുന്നു. ഒരു കായിക താരത്തിന്റെ ഇൻസ്റ്റഗ്രാം പോസ്റ്റിന് ലഭിക്കുന്ന ഏറ്റവും ഉയർന്ന ലൈക്കുകൾ എന്ന റെക്കോർഡ് നേരത്തെ തന്നെ ഈ പോസ്റ്റിലൂടെ മെസി മറികടന്നിരുന്നു. പോർച്ചുഗൽ സൂപ്പർതാരം ക്രിസ്റ്റ്യാനോ റൊണാൾഡോയേയാണ് ഇക്കാര്യത്തിൽ മെസി പിന്നിലാക്കിയത്. ഈ പോസ്റ്റിലും മെസിയുണ്ട്. മെസിയുമൊത്ത് ചെസ് കളിക്കുന്ന ഒരു ചിത്രം കഴിഞ്ഞ മാസമാണ് ക്രിസ്റ്റ്യാനോ റൊണാൾഡോ ഇൻസ്റ്റഗ്രാമിൽപോസ്റ്റ് ചെയ്തിരുന്നത്. ഇതിന് ആകെ 41.9 മില്ല്യൺ ലൈക്കുകളാണ് ലഭിച്ചത്. ഈ റെക്കോർഡ് മെസി അനായാസം മറികടന്നിരുന്നു.
Read Latest Sports News And Malayalam News