ദോഹ: സൗദി അറേബ്യയ്ക്കെതിരായ ആദ്യ മത്സരത്തിലെ ഞെട്ടിക്കുന്ന തോല്‍വിക്ക് ശേഷം അര്‍ജന്റീന (Argentina) ഖത്തര്‍ ഫിഫ ലോകകപ്പില്‍ (Qatar world cup) മികച്ച പ്രകടനമാണ് നടത്തുന്നത്. തോല്‍വിക്കുശേഷം ടൂര്‍ണമെന്റില്‍ ഇതുവരെയുള്ള എല്ലാ മത്സരങ്ങളും ജയിച്ച അവര്‍ സെമിയില്‍ പ്രവേശിച്ചു. ലുസൈല്‍ സ്റ്റേഡിയത്തില്‍ നടക്കുന്ന ഫൈനലില്‍ ഒരു സ്ഥാനത്തിനായി കഴിഞ്ഞ പതിപ്പിലെ റണ്ണേഴ്സ് അപ്പായ ക്രൊയേഷ്യയുമായി അര്‍ജന്റീന ഏറ്റുമുട്ടും.
ഇപ്പോഴിതാ, ക്രൊയേഷ്യക്കെതിരായ മത്സരത്തിന് മുമ്പ്, ലോകകപ്പിന് ശേഷം ലയണല്‍ മെസ്സിയുടെ അന്താരാഷ്ട്ര ഭാവിയെക്കുറിച്ച് അര്‍ജന്റീനയുടെ മുഖ്യ പരിശീലകന്‍ ലയണല്‍ സ്‌കലോനി (Lionel Scaloni) സൂചന നല്‍കി. മെസ്സി കളിക്കുന്നത് തുടരുമെന്ന് ഞങ്ങള്‍ പ്രതീക്ഷിക്കുന്നതായി സ്‌കലോനി പറഞ്ഞു. കളിക്കുമോ എന്ന് നമുക്ക് നോക്കാം. ഞങ്ങള്‍ മെസ്സിയെ ആസ്വദിച്ചുകൊണ്ടേയിരിക്കും. അത് ഞങ്ങള്‍ക്കും ഫുട്‌ബോള്‍ ലോകത്തിനും പ്രധാനമാണെന്നും പത്രസമ്മേളനത്തില്‍ സ്‌കലോനി പറഞ്ഞു.
മെസ്സിയെ എനിക്കറിയാം. അവന്‍ എപ്പോഴും അങ്ങനെയായിരുന്നു. എല്ലായിപ്പോഴും മെസ്സി ഒരു വിജയിയായിരുന്നു. അയാള്‍ക്ക് ഫുട്‌ബോള്‍ കളിക്കുന്നതില്‍ അഭിമാനവും അത് തുടരാനുള്ള വലിയ ആഗ്രഹവുമുണ്ട്. അത് ഞങ്ങളെ സന്തോഷിപ്പിക്കുന്നു. അവരുടെ പാരീസിലെ ജീവിതം സംതൃപ്തിയുള്ളതാണ്. അവനും ഭാര്യയും കുടുംബവുമെല്ലാം സന്തോഷത്തിലാണെന്നും അദ്ദേഹം കൂട്ടിച്ചേര്‍ത്തു. 2022 ഫിഫ ലോകകപ്പില്‍ അര്‍ജന്റീനയ്ക്കായി ഇതുവരെ കളിച്ച അഞ്ച് മത്സരങ്ങളില്‍ നിന്ന് നാല് ഗോളുകളും രണ്ട് അസിസ്റ്റുകളും ലയണല്‍ മെസ്സി നേടിയിട്ടുണ്ട്.
ക്രൊയേഷ്യയ്‌ക്കെതിരായ മത്സരം വളരെ കടുപ്പമായിരിക്കുമെന്ന് സ്‌കലോനി പറഞ്ഞു. ക്രൊയേഷ്യയെ നേരിടുമ്പോള്‍ അര്‍ജന്റീന തങ്ങളുടെ സംവിധാനത്തില്‍ വിശ്വസിക്കുന്നു. 2018ലെ റണ്ണേഴ്സ് അപ്പിനെ എങ്ങനെ മറികടക്കണമെന്നത് ചര്‍ച്ച ചെയ്യുകയുണ്ടായി. അവര്‍ പല ടീമുകളെയും ബുദ്ധിമുട്ടിച്ചിട്ടുണ്ട്. പ്രധാന കളിക്കാരെക്കുറിച്ചോ അവരുടെ ശക്തി ദൗര്‍ബല്യങ്ങളെക്കുറിച്ചോ ഞാന്‍ പരാമര്‍ശിക്കുന്നില്ല. ഞങ്ങളുടെ തന്ത്രങ്ങള്‍ ചിലപ്പോള്‍ പ്രവര്‍ത്തിക്കും, ചിലപ്പോള്‍ അങ്ങനെയാകില്ലെന്നും സ്‌കലോനി പറഞ്ഞു.
ഞങ്ങള്‍ എല്ലാം കളിക്കളത്തില്‍ നല്‍കാന്‍ ശ്രമിക്കുന്നു. ചിലപ്പോള്‍ ഭാഗ്യം നിങ്ങളുടെ പക്ഷത്തായിരിക്കാം. മികച്ച പ്രകടനമുണ്ടെങ്കില്‍, ഞങ്ങളുടെ ലക്ഷ്യത്തിലെത്താന്‍ ഞങ്ങള്‍ക്ക് സാധിക്കും. എന്നാല്‍ ഇത് ഫുട്‌ബോള്‍ ആണ്. അതിനാല്‍ ചിലപ്പോള്‍ മികച്ച ടീം വിജയിച്ചേക്കില്ല. ലൂക്കാ മോഡ്രിച്ച് കളിക്കുന്നത് കാണാന്‍ സന്തോഷമുണ്ടെന്ന് സ്‌കലോനി പറഞ്ഞു. എല്ലാവര്‍ക്കും മാതൃകയാണ് മോഡ്രിച്ച്. അദ്ദേഹത്തിന്റെ കഴിവ് മാത്രമല്ല, ആകര്‍ഷകമായ പെരുമാറ്റവും അതിന് കാരണമാണെന്ന് സ്‌കലോനി വ്യക്തമാക്കി.
Read Latest Sports News And Malayalam News
ഇപ്പോഴിതാ, ക്രൊയേഷ്യക്കെതിരായ മത്സരത്തിന് മുമ്പ്, ലോകകപ്പിന് ശേഷം ലയണല്‍ മെസ്സിയുടെ അന്താരാഷ്ട്ര ഭാവിയെക്കുറിച്ച് അര്‍ജന്റീനയുടെ മുഖ്യ പരിശീലകന്‍ ലയണല്‍ സ്‌കലോനി (Lionel Scaloni) സൂചന നല്‍കി. മെസ്സി കളിക്കുന്നത് തുടരുമെന്ന് ഞങ്ങള്‍ പ്രതീക്ഷിക്കുന്നതായി സ്‌കലോനി പറഞ്ഞു. കളിക്കുമോ എന്ന് നമുക്ക് നോക്കാം. ഞങ്ങള്‍ മെസ്സിയെ ആസ്വദിച്ചുകൊണ്ടേയിരിക്കും. അത് ഞങ്ങള്‍ക്കും ഫുട്‌ബോള്‍ ലോകത്തിനും പ്രധാനമാണെന്നും പത്രസമ്മേളനത്തില്‍ സ്‌കലോനി പറഞ്ഞു.
മെസ്സിയെ എനിക്കറിയാം. അവന്‍ എപ്പോഴും അങ്ങനെയായിരുന്നു. എല്ലായിപ്പോഴും മെസ്സി ഒരു വിജയിയായിരുന്നു. അയാള്‍ക്ക് ഫുട്‌ബോള്‍ കളിക്കുന്നതില്‍ അഭിമാനവും അത് തുടരാനുള്ള വലിയ ആഗ്രഹവുമുണ്ട്. അത് ഞങ്ങളെ സന്തോഷിപ്പിക്കുന്നു. അവരുടെ പാരീസിലെ ജീവിതം സംതൃപ്തിയുള്ളതാണ്. അവനും ഭാര്യയും കുടുംബവുമെല്ലാം സന്തോഷത്തിലാണെന്നും അദ്ദേഹം കൂട്ടിച്ചേര്‍ത്തു. 2022 ഫിഫ ലോകകപ്പില്‍ അര്‍ജന്റീനയ്ക്കായി ഇതുവരെ കളിച്ച അഞ്ച് മത്സരങ്ങളില്‍ നിന്ന് നാല് ഗോളുകളും രണ്ട് അസിസ്റ്റുകളും ലയണല്‍ മെസ്സി നേടിയിട്ടുണ്ട്.
ക്രൊയേഷ്യയ്‌ക്കെതിരായ മത്സരം വളരെ കടുപ്പമായിരിക്കുമെന്ന് സ്‌കലോനി പറഞ്ഞു. ക്രൊയേഷ്യയെ നേരിടുമ്പോള്‍ അര്‍ജന്റീന തങ്ങളുടെ സംവിധാനത്തില്‍ വിശ്വസിക്കുന്നു. 2018ലെ റണ്ണേഴ്സ് അപ്പിനെ എങ്ങനെ മറികടക്കണമെന്നത് ചര്‍ച്ച ചെയ്യുകയുണ്ടായി. അവര്‍ പല ടീമുകളെയും ബുദ്ധിമുട്ടിച്ചിട്ടുണ്ട്. പ്രധാന കളിക്കാരെക്കുറിച്ചോ അവരുടെ ശക്തി ദൗര്‍ബല്യങ്ങളെക്കുറിച്ചോ ഞാന്‍ പരാമര്‍ശിക്കുന്നില്ല. ഞങ്ങളുടെ തന്ത്രങ്ങള്‍ ചിലപ്പോള്‍ പ്രവര്‍ത്തിക്കും, ചിലപ്പോള്‍ അങ്ങനെയാകില്ലെന്നും സ്‌കലോനി പറഞ്ഞു.
ഞങ്ങള്‍ എല്ലാം കളിക്കളത്തില്‍ നല്‍കാന്‍ ശ്രമിക്കുന്നു. ചിലപ്പോള്‍ ഭാഗ്യം നിങ്ങളുടെ പക്ഷത്തായിരിക്കാം. മികച്ച പ്രകടനമുണ്ടെങ്കില്‍, ഞങ്ങളുടെ ലക്ഷ്യത്തിലെത്താന്‍ ഞങ്ങള്‍ക്ക് സാധിക്കും. എന്നാല്‍ ഇത് ഫുട്‌ബോള്‍ ആണ്. അതിനാല്‍ ചിലപ്പോള്‍ മികച്ച ടീം വിജയിച്ചേക്കില്ല. ലൂക്കാ മോഡ്രിച്ച് കളിക്കുന്നത് കാണാന്‍ സന്തോഷമുണ്ടെന്ന് സ്‌കലോനി പറഞ്ഞു. എല്ലാവര്‍ക്കും മാതൃകയാണ് മോഡ്രിച്ച്. അദ്ദേഹത്തിന്റെ കഴിവ് മാത്രമല്ല, ആകര്‍ഷകമായ പെരുമാറ്റവും അതിന് കാരണമാണെന്ന് സ്‌കലോനി വ്യക്തമാക്കി.
Read Latest Sports News And Malayalam News