മോസ്കോ: ലോകകപ്പില്‍ ഗ്രൂപ്പ് ഡിയില്‍ ക്രൊയേഷ്യക്കെതിരായ നിര്‍ണായക മത്സരത്തിന് തയ്യാറെടുക്കുന്ന അര്‍ജന്‍റീന ക്യാപ്റ്റന്‍ ലയണല്‍ മെസ്സിക്ക് ആത്മവിശ്വാസം പകരാന്‍ ഭാര്യ ആന്റോനല്ല റാക്കൂസോയെത്തുന്നു. എന്നത്തേക്കാളും കൂടുതല്‍ നിങ്ങളോടുകൂടെയുണ്ടെന്ന് ആന്റോനല്ല ഇന്‍സ്റ്റഗ്രാമില്‍ കുടംബചിത്രം പങ്ക് വെച്ച്‌ അവർ എഴുതിയിട്ടുണ്ട്. നിലവില്‍ ആന്റോനല്ല റാക്കൂസോയും അവരുടെ മൂന്നു മക്കളും കാറ്റലോണിയയിലെ വീട്ടിലാണ് ഉള്ളത്. ഭര്‍ത്താവിന് ശക്തി പകരാന്‍ ഭാര്യ റഷ്യയില്‍ എത്തുമെന്നാണ് അര്‍ജന്റീനന്‍ ആരാധകരുടെ പ്രതീക്ഷ. തന്റെ ഭര്‍ത്താവിനെ പിന്തുണയ്ക്കാന്‍ ആന്റോനല്ല റഷ്യയിലേക്ക് പോകുമെന്ന് അവിടെയുള്ള മെസ്സിയുടെ അമ്മ സീലിയയും വീട്ടിലെത്തിയ മാധ്യമപ്രവർത്തകരോട് വ്യക്തമാക്കി കഴിഞ്ഞു. 21ന് ക്രൊയേഷ്യയുമായാണ് അർജന്‍റീനയുടെ അടുത്ത മത്സരം.
മെസ്സി നിരാശയിൽ; ആശ്വസിപ്പിക്കാൻ ഭാര്യ റഷ്യയിലേക്ക്
ലയണല്‍ മെസ്സിക്ക് ആത്മവിശ്വാസം പകരാന്‍ ഭാര്യ ആന്റോനല്ല റാക്കൂസോയെത്തുന്നു
Samayam Malayalam 20 Jun 2018, 4:01 pm