ബെൽജിയത്തിൻെറ സുവർണ തലമുറ തല ഉയർത്തി മടങ്ങുന്നു

സെൻറ് പീറ്റേഴ്സ് ബെർഗ്: ലോകകപ്പ് ഫുട്ബോളിൻെറ ആദ്യ സെമിഫൈനലിൽ തുടക്കം മുതൽ ഒടുക്കം വരെ ഉണർന്ന് കളിച്ചിട്ടും ബെൽജിയത്തിന് ഫ്രാൻസിനെ കീഴ്പ്പെടുത്താനായില്ല. 51ാം മിനിറ്റിൽ പിറന്ന ഉുംറ്റിറ്റിയുടെ ഹെഡ്ഡർ ഗോൾ ബെൽജിയത്തിൻെറ സുവർണ തലമുറയ്ക്ക് പുറത്തേക്കുള്ള വഴി തുറന്നു.

ലുക്കാക്കുവും ഹസാർഡും ഡിബ്രുയിനും കൊമ്പനിയും ചേർന്ന ഈ ടീം കപ്പുമായി തിരിച്ചെത്തുമെന്ന് തന്നെ ബെൽജിയംകാർ കരുതിയിരുന്നു. എന്നാൽ സെമിയിൽ ഫ്രഞ്ച് പ്രതിരോധനിരയെയും ഗോൾകീപ്പറെയും കടന്ന് അവർക്ക് ഗോൾ അടിക്കാനായില്ല. ഇംഗ്ലണ്ടിനെ ഒന്നാം റൗണ്ടിൽ ബെൽജിയം തോൽപ്പിച്ചിരുന്നു.

ക്വാർട്ടറിൽ സാക്ഷാൽ ബ്രസീലിനെ വീഴ്ത്തിയാണ് സെമിഫൈനലിൽ പ്രവേശിച്ചത്. ആദ്യത്തെ ലോകകിരീടം എന്ന സ്വപ്നം അവർക്ക് കയ്യെത്തും ദൂരത്ത് നഷ്ടമായി. പക്ഷേ ലോകഫുട്ബോളിൽ പോരാട്ടവീര്യത്തിൻെറ കാര്യത്തിൽ പുതിയൊരു അധ്യായം എഴുതിച്ചേർത്താണ് ബെൽജിയം പുറത്തേക്ക് മടങ്ങുന്നത്.