മഞ്ഞപ്പടയെ സമനിലയിൽ പൂട്ടി സ്വിസ്

ബ്രസീലിനെ സമനിലയിൽ തളച്ച് സ്വിറ്റ്സർലാന്റ്. ആരാധകർ കാത്തിരുന്ന ലോകകപ്പിലെ ആദ്യ ഗോൾ പിറന്നത് ഇരുപതാം മിനുട്ടിലാണ്. കുടീഞ്ഞോയുടെ തകര്‍പ്പൻ ഗോളിലാണ് ആദ്യ പകുതിയില്‍ ഒരു ഗോളിന്റെ ലീഡ് ബ്രസീല്‍ നേടിയത്. നെയ്മർ കളത്തിൽ ഇറങ്ങില്ലെന്നു കരുതിയെങ്കിലും ബ്രസീലിന്റെ ആദ്യ മത്സരത്തിൽ നെയ്മർ സ്റ്റാർട്ട് ചെയ്തു.

സ്വിറ്റ്‌സര്‍ലന്‍ഡ് വീണു കിട്ടിയ അവസരത്തില്‍ പ്രത്യാക്രമണം നടത്തുകയും സമനില പിടിക്കുകയും ചെയ്തു. കളിയുടെ ആദ്യ പകുതിയിൽ കാനറികളുടെ ആധിപത്യമായിരുന്നു. എന്നാൽ രണ്ടാം പകുതിയിൽ സ്വിസ് കളിയിൽ കടുത്ത പ്രതിരോധ തന്ത്രങ്ങള്‍ തന്നെ ഉപയോഗിച്ചു.

നെയ്മറിനെ വീഴ്ത്തിയ ബെഹ്‌റാമിക്ക്‌, കാസ്മിറോക്ക, നെയ്മറിന്റെ ജഴ്‌സി പിടിച്ചുവലിച്ച ഫാബിയന്‍ ഷാറിനെല്ലാം മഞ്ഞക്കാർഡുകൾ ലഭിച്ചു. നെയ്മറുടെ ഫ്രീകിക്കുകൾ ഗോൾ ആയില്ല. നെയ്മറില്‍ നിന്നും അപ്രതീക്ഷിതമായി ലഭിച്ച പാസുകളും ഗോളാക്കി മാറ്റാന്‍ ടീമിനു സാധിച്ചില്ല.ഇരു ടീമുകളും ആക്രമിച്ച്‌ കളിച്ചെങ്കിലും ആര്‍ക്കും ഗോളടിക്കാനായില്ല.