സെർബിയയെ തകർത്ത് ബ്രസീൽ പ്രീക്വാർട്ടറിലേക്ക്

ബ്രസീലിന് ഇനി എതിരാളികള്‍ മെക്‌സിക്കോ. ഗ്രൂപ്പ് ഇയില്‍ നിന്ന് ഏഴു പോയിന്റുമായി പ്രീ ക്വാര്‍ട്ടറിലെത്തിയ ചാമ്പ്യൻമാരായ ബ്രസീലിന് ഇനി എതിരാളികള്‍ മെക്സിക്കോയുടെ അതിവേഗ ഫുട്ബോളാണ്. രണ്ട് ജയവും ഒരു സമനിലയുമായാണ് വരവ്.

അതേസമയം ഗ്രൂപ്പ് എഫിലെ രണ്ടാം സ്ഥാനക്കാരാണ് മെക്‌സിക്കോ. മൂന്ന് മത്സരങ്ങളില്‍ നിന്ന് രണ്ടു വിജയവും ഒരു തോല്‍വിയുമായി ആറു പോയിന്റാണ് മെക്‌സിക്കോ നേടിയത്. തിങ്കളാഴ്ച്ച വൈകീട്ട് 7.30നാണ് ബ്രസീലും മെക്‌സിക്കോയും തമ്മിലുള്ള പ്രീ ക്വാര്‍ട്ടര്‍.

ഗ്രൂപ്പ് എഫിലെ അവസാന മത്സരത്തില്‍ മെക്‌സിക്കോയെ തോല്‍പ്പിച്ച്‌ ചാമ്പ്യന്‍മാരായ സ്വീഡന് എതിരാളികള്‍ സ്വിറ്റ്‌സര്‍ലന്‍ഡാണ്. മൂന്ന് മത്സരങ്ങളില്‍ രണ്ട് വിജയവും ഒരു തോല്‍വിയുമായി ആറു പോയിന്റാണ് സ്വീഡനുള്ളത്. ചൊവ്വാഴ്ച്ച വൈകുന്നേരം 7.30-നാണ് സ്വിറ്റ്‌സര്‍ലന്‍ഡും സ്വീഡനും തമ്മിലുള്ള പ്രീ ക്വാര്‍ട്ടര്‍.