പെറുവിനെ ഒരു ഗോളിന് തോല്‍പ്പിച്ച് ഡെന്മാര്‍ക്ക്

ലോകകപ്പ് ഗ്രൂപ്പ് മത്സരത്തില്‍ ഡെന്മാര്‍ക്ക് എതിരില്ലാത്ത ഒരു ഗോളിന് പെറുവിനെ തോല്‍പ്പിച്ചു. രണ്ട് ടീമുകളും ഇഞ്ചോടിഞ്ച് പൊരുതിയ മത്സരത്തില്‍ പിറന്ന ഒരേയൊരു ഗോള്‍ രണ്ടാം പകുതിയില്‍ ആയിരുന്നു. 59-ാം മിനിറ്റില്‍ യൂസഫ് പോള്‍സണ്‍ ആണ് ഗോള്‍ നേടിയത്.

36 വര്‍ഷങ്ങളുടെ ഇടവേളക്ക് ശേഷമാണ് പെറു ലോകകപ്പില്‍ മത്സരിക്കാന്‍ എത്തിയത്. വിജയത്തോടെ തുടങ്ങാനുള്ള അവരുടെ ശ്രമം ഡെന്മാര്‍ക്കിന്‍റെ പ്രതിരോധത്തിനൊപ്പം ഭാഗ്യവും കൂടിയാണ് സംരക്ഷിച്ചത്.

മത്സരത്തിന്‍റെ 54 ശതമാനവും പന്ത് കൈയില്‍ വച്ചത് ഡെന്മാര്‍ക്കായിരുന്നു. പക്ഷേ, അവസരങ്ങള്‍ കൂടുതലും സൃഷ്‍ടിച്ചത് പെറുവാണ്. ഗോളെന്ന് ഉറച്ച പല അവസരങ്ങളും ചുണ്ടിനും കപ്പിനുമിടയില്‍ പെറുവിന് നഷ്‍ടമായി.

ആദ്യ പകുതിയില്‍ പെറു താരങ്ങള്‍ക്ക് വീഡിയോ അസിസ്റ്റഡ് റഫറീയിങ്ങിലൂടെ പെനല്‍റ്റി ലഭിച്ചു. ഇത് പക്ഷേ, പാഴായി. കിക്ക് എടുത്ത ക്രിസ്റ്റ്യന്‍ കുയെവ ബാറിന് മുകളിലൂടെ പന്ത് അടിച്ചു പറത്തി.