ബ്രസീലിനെ നയിക്കാന്‍ ഇന്നും സില്‍വ എത്തും

റഷ്യന്‍ ലോകകപ്പിലെ ആദ്യ മൂന്ന് മത്സരങ്ങളില്‍ രണ്ടിലും ജയിച്ച് ഗ്രൂപ്പ് ചാമ്പ്യന്മാരായാണ് ടിറ്റെയുടെ കുട്ടികള്‍ പ്രീക്വാര്‍ട്ടര്‍ യോഗ്യത നേടിയത്. ഇന്ന് മെക്‌സിക്കോക്കെതിരെയാണ് ബ്രസീലിന്‍റെ പ്രീക്വാര്‍ട്ടര്‍ മത്സരം. ഇന്നും ബ്രസീൽ ടീമിനെ സീനിയർ താരം തിയാഗോ സിൽവ നയിക്കും.

ഇത് രണ്ടാം തവണയാണ് സിൽവ ഈ ലോകകപ്പിൽ ടീം നായകനായി എത്തുന്നത്. നേരത്തെ ഗ്രൂപ്പ് ഘട്ടത്തിൽ കോസ്റ്റാറിക്കക്കെതിരെ ബ്രസീലിനെ നയിച്ചതു സില്‍വ തന്നെയാണ്. എല്ലാ മത്സരത്തിലും വ്യത്യസ്ത നായകന്മാരെ പരീക്ഷിക്കുന്ന ടിറ്റെ ആദ്യ മത്സരത്തിൽ സ്വിറ്റ്സർലന്റിനെതിരെ മാഴ്സലോയെയും കഴിഞ്ഞ മത്സരത്തിൽ സെർബിയക്കെതിരെ മിറാണ്ടയെയുമാണ് ടീമിന്റെ ക്യാപ്റ്റൻസി ഏൽപ്പിച്ചത്.

2014ൽ സ്വന്തം നാട്ടിൽ നടന്ന ലോകകപ്പിൽ ബ്രസീലിനെ നയിച്ചത് തിയാഗോ സിൽവയായിരുന്നു. അദ്ദേഹത്തിന്റെ നേതൃത്വത്തിൽ ടീം സെമി ഫൈനൽ വരെയെത്തിയിരുന്നു