റഷ്യയെ തകർത്ത് ഉറുഗ്വേ ഗ്രൂപ്പ് ചാമ്പ്യന്മാർ

സാമറ അറീന: : ഗ്രൂപ്പ് ഘട്ടത്തിലെ ഫൈനല്‍ മത്സരത്തില്‍ റഷ്യയെ തക‍ർത്ത് ഉറുഗ്വെ. ആതിഥേയരായ റഷ്യയെ എതിരില്ലാത്ത മൂന്ന് ഗോളുകൾക്കാണ് ഉറുഗ്വേ പരാജയപ്പെടുത്തിയത്. സൂപ്പര്‍ സ്‌ട്രൈക്കര്‍ ലൂയീസ് സുവാരസാണ് ഉറുഗ്വെയ്ക്ക് ആദ്യ ഗോള്‍ സമ്മാനിച്ചത്. പത്താം മിനുട്ടില്‍ ലഭിച്ച ഫ്രീ കിക്ക് വലയിലാക്കിയാണ് ഉറുഗ്വെ മുന്നിലെത്തിയത്.

തന്ത്രപരമായ നീക്കത്തിലൂടെയാണ് ആദ്യ ഗോൾ. ഉറുഗ്വേക്ക് വേണ്ടി സുവാരസ്, കവാനി എന്നിവർ ഗോൾ നേടിയപ്പോൾ ഒന്ന് ചെറിഷേവിന്റെ സെൽഫ് ഗോൾ ആയിരുന്നു. 27-ാം മിനിറ്റില്‍ റഷ്യന്‍ താരം സ്‌മോള്‍നിക്കോവിന് ആദ്യ മഞ്ഞക്കാര്‍ഡ് കിട്ടി. 36-ാം മിനിറ്റില്‍ രണ്ടാമത്തെ മഞ്ഞക്കാര്‍ഡും കിട്ടിയ സ്‌മോള്‍നിക്കോവിന് പുറത്തുപോവേണ്ടി വന്നതോടെ റഷ്യ പൂര്‍ണ പ്രതിരോധത്തിലായി. വിജയത്തോടെ ഗ്രൂപ്പ് ഉറുഗ്വേ ഗ്രൂപ്പ് ചാമ്പ്യന്മാരായപ്പോൾ രണ്ടാം സ്ഥാനക്കാരായി റഷ്യ പ്രീക്വാർട്ടറിലേക്ക് കടന്നു. ഗ്രൂപ്പ് ബിയിലെ രണ്ടാം സ്ഥാനക്കാരെ ഉറുഗ്വേയും ഒന്നാം സ്ഥാനക്കാരെ റഷ്യയും പ്രീക്വാർട്ടറിൽ നേരിടും.