നൈജീരിയക്കെതിരേ ക്രൊയേഷ്യക്ക് 2-0 ന്‍റെ വിജയം

റഷ്യന്‍ ലോകകപ്പില്‍ ക്രൊയേഷ്യയ്ക്ക് വിജയ തുടക്കം.കലിനിന്‍ഗ്രാഡില്‍ നടന്ന ഗ്രൂപ്പ് ഡി മത്സരത്തില്‍ ഏകപക്ഷീയമായ രണ്ടു ഗോളുകള്‍ക്ക് നൈജീരിയയെയാണ് തോല്‍പ്പിച്ചത്. 31ാം മിനിറ്റിലാണ് ക്രൊയേഷ്യയുടെ ആദ്യ ഗോള്‍ പിറന്നത്. രണ്ടാം ഗോള്‍ ഒരു പെനല്‍റ്റിയില്‍ നിന്നായിരുന്നു. 70ാം മിനിറ്റില്‍ പെനല്‍റ്റിയിലൂടെ ലൂക്കാ മോഡ്രിച്ച്‌ ലീഡ് രണ്ടായി ഉയര്‍ത്തി.

വിജയത്തോടെ മൂന്നു പോയിന്റുമായി ക്രൊയേഷ്യ ഗ്രൂപ്പ് ഡിയില്‍ മുന്നിലെത്തി. ഗ്രൂപ്പിലെ ആദ്യ മത്സരത്തില്‍ അര്‍ജന്റീന ഐസ്ലാന്‍ഡുമായി 1-1ന് സമനിലയില്‍ പിരിഞ്ഞിരുന്നു. ഇന്നു നടക്കുന്ന മത്സരങ്ങളില്‍ കോസ്റ്റാറിക്ക സെര്‍ബിയയുമായും ജര്‍മനി മെക്സിക്കോയുമായും ബ്രസില്‍ സ്വിറ്റ്സര്‍ലാന്‍ഡുമായും ഏറ്റുമുട്ടും.