ലോകകപ്പിലെ ഇഷ്ട ടീമിനെ പ്രഖ്യാപിച്ച് യുവരാജ് സിങ്

ന്യൂഡൽഹി: ഇത്തവണ ലോകകപ്പ് ഫുട്ബോളിലെ തൻെറ ഇഷ്ട ടീം ഫ്രാൻസ് ആണെന്ന് ഇന്ത്യൻ ക്രിക്കറ്റർ യുവരാജ് സിങ്. മുൻ ലോകകപ്പുകളിൽ ബ്രസീലിനെ പിന്തുണച്ചിരുന്ന താരം ഇത്തവണ മാറ്റി പിടിച്ചിരിക്കുകയാണ്.

മാഞ്ചസ്റ്റർ യുണൈറ്റഡ് താരം പോൾ പോഗ്ബയുടെ സാന്നിദ്ധ്യം കാരണമാണ് താൻ ഫ്രാൻസിനെ പിന്തുണക്കുന്നതെന്നും യുവരാജ് പറഞ്ഞു. യൂ ട്യൂബ് ചാനലായ സ്പോർട്സ് സ്ക്രീൻ ഇന്ത്യയിലൂടെയാണ് യുവരാജ് തൻെറ ഇഷ്ടതാരത്തെയും ടീമിനെയും വെളിപ്പെടുത്തിയത്. യുവരാജിൻെറ പ്രിയ്യപ്പെട്ട ക്ലബ്ബാണ് മാഞ്ചസ്റ്റർ യുണൈറ്റഡ്.

ഇന്ത്യൻ ടീം അംഗങ്ങളുടെ ഫുട്ബോൾ കളി മികവിനെ കുറിച്ചും യുവരാജ് വീഡിയോയിൽ സംസാരിക്കുന്നുണ്ട്.