ഗോൾ ആഘോഷത്തിലെ രാഷ്ട്രീയം: ജാക്കക്കും ഷാക്കിരിക്കും വിലക്ക്

മോസ്കോ: ഗോൾ ആഘോഷത്തിൽ രാഷ്ട്രീയം കലർത്തിയതിന് സ്വിറ്റ്സർലൻറ് താരങ്ങളായ ഗ്രാനിറ്റ് ജാക്കക്കും ഷെർദാൻ ഷാക്കിരിക്കും ഫിഫയുടെ വിലക്ക്. ഇരുവരെയും രണ്ട് മത്സരങ്ങളിൽ നിന്നാണ് വിലക്കിയത്.

സെർബിയക്കെതിരായ മത്സരത്തിൽ ഗോളുകൾ നേടിയ ശേഷം ഇരുവരും ഇരു കൈകളും നെഞ്ചോട് ചേർത്ത് വിരലുകൾ കൊണ്ട് കുടുക്കിട്ട് അൽബേനിയൻ പതാകയിലെ പരുന്തിനെ ആംഗ്യം കാണിച്ചിരുന്നു.

അൽബേനിയൻ വംശജരായ കൊസോവ അഭയാർഥികളുടെ മക്കളാണ് ഇരുതാരങ്ങളും. സെർബിയയിൽ നിന്ന് കൊസോവ 2008ൽ സ്വാതന്ത്ര്യം പ്രഖ്യാപിച്ചെങ്കിലും സെർബിയ ഇത് അംഗീകരിച്ചിട്ടില്ല. ഇരുവരും ഗോളുകൾ നേടിയ മത്സരത്തിൽ സ്വിറ്റ്സർലൻറ് 2-1ന് വിജയിച്ചിരുന്നു.

ലോകകപ്പിൽ താരങ്ങൾ രാഷ്ട്രീയ ചിഹ്നങ്ങൾ കാണിക്കരുതെന്ന് നിയമമുണ്ട്. ഇത് ലംഘിച്ചതിനാലാണ് ഫിഫ ഇരുവരെയും രണ്ട് മത്സരങ്ങളിൽ നിന്ന് വിലക്കിയത്.