FIFA World Cup 2018: നെയ്‍മ‍ർ ഗോളടിച്ചു ഓസ്ട്രിയയെ തകർത്ത് ബ്രസീൽ

വിയന്ന: ലോകകപ്പിന് മുമ്പായുള്ള അവസാന സന്നാഹമത്സരത്തിൽ ഓസ്ട്രിയയെ 3-0ന് തകർത്ത് ബ്രസീൽ. സൂപ്പർ താരം നെയ്മർ, ഗബ്രിയൽ ജീസസ്, ഫിലിപ്പെ കുട്ടീന്യോ എന്നിവരാണ് ബ്രസീലിനായി ഗോളുകൾ നേടിയത്. പരിക്കിൽ നിന്ന് മോചിതനായി തിരിച്ചെത്തിയ നെയ്‍മ‍ർ ഗോൾ നേടിയത് ബ്രസീലിന് ആത്മവിശ്വാസം പകരുന്നു.

ബ്രസീലിന് വേണ്ടി തൻെറ 55ാം ഗോളാണ് നെയ്‍മ‍ർ നേടിയത്. ഇക്കാര്യത്തിൽ റൊമാരിയോക്ക് ഒപ്പമെത്തി. ഇതിഹാസ താരങ്ങളായ പെലെ, റൊണാൾഡോ എന്നിവർ മാത്രമാണ് ഗോൾവേട്ടയിൽ ഇനി നെയ്‍മ‍ക്ക് മുന്നിലുള്ളത്. അടുത്ത ഞായറാഴ്ച സ്വിറ്റ്സർലൻറിനെതിരെയാണ് ലോകകപ്പിലെ ബ്രസീലിൻെറ ആദ്യ മത്സരം.