അർജൻറീനയുടെ (Argentina) ലോകകപ്പ് ടീമംഗങ്ങൾക്ക് അപൂർവമായ ഒരു സമ്മാനവുമായി ക്യാപ്റ്റൻ ലയണൽ മെസ്സി (Lionel Messi). 36 വർഷത്തെ കാത്തിരിപ്പിന് ശേഷമാണ് 2022ൽ അർജൻറീന ഫുട്ബോൾ ലോകകിരീടം സ്വന്തമാക്കിയത്. ഫൈനലിൽ പെനാൽറ്റി ഷൂട്ടൗട്ടിൽ ഫ്രാൻസിനെ തോൽപ്പിച്ചാണ് അർജൻറീന കിരീടം നേടിയത്. ലയണൽ മെസ്സി തന്നെയാണ് ടൂർണമെന്റിന്റെ താരമായും തിരഞ്ഞെടുക്കപ്പെട്ടത്. തൻറെ സഹതാരങ്ങൾക്ക് സ്വർണ ഐഫോണുകൾ ആണ് താരം സമ്മാനിക്കാൻ പോവുന്നത്. 24 കാരറ്റ് സ്വർണത്തിൽ പൊതിഞ്ഞ ഐഫോണുകൾ തന്നെയാണ് മെസ്സി നൽകാൻ പോകുന്നത്. അതിന് ഏകദേശം 175000 ഡോളർ അഥവാ 1.73 കോടി രൂപ ചെലവ് വന്നിട്ടുണ്ട് എന്നാണ് ദി സൺ റിപ്പോർട്ട് ചെയ്യുന്നത്. കളിക്കാരൻെറ പേര്, ജഴ്സി നമ്പർ എന്നിവ കൂടാതെ അർജൻറീനയുടെ ലോഗോയും ഈ സ്വർണ ഐഫോണിൽ മുദ്രണം ചെയ്തിട്ടുണ്ട്. ഐഫോണുകൾ മെസ്സിയുടെ പാരീസിൽ ഉള്ള അപ്പാർട്ട്മെന്റിൽ ശനിയാഴ്ച എത്തും എന്ന് റിപ്പോർട്ട് പറയുന്നു.
തൻറെ ജീവിതത്തിലെ ഏറ്റവും അഭിമാനകരമായ മുഹൂർത്തം ആഘോഷിക്കുന്നതിന് വേണ്ടിയാണ് മെസ്സി ഇത് ചെയ്യുന്നത്. വളരെ സ്പെഷ്യൽ ആയ ഒരു സമ്മാനം സഹതാരങ്ങൾക്ക് നൽകാൻ അദ്ദേഹം ആഗ്രഹിച്ചു എന്ന് സോഴ്സുകളെ ഉദ്ധരിച്ച് ദി സൺ റിപ്പോർട്ട് ചെയ്യുന്നു. സംരംഭകനായ ബെൻ ലിയോൺസിന്റെ കൂടി സഹായത്തിലാണ് സ്വർണ ഐഫോണുകൾ നിർമ്മിക്കുന്നത്.
"ഫുട്ബോൾ ലോകത്തെ ഇതിഹാസ താരമായ മെസ്സി ഐ ഡിസൈൻ ഗോൾഡിൻെറ വളരെ പ്രിയപ്പെട്ട ഒരു കസ്റ്റമർ കൂടിയാണ്. ലോകകപ്പ് ഫൈനലിന് ശേഷം അദ്ദേഹം നിരന്തരം ഞങ്ങളെ ബന്ധപ്പെട്ടിരുന്നു. വിജയത്തിൻറെ സന്തോഷം പങ്കുവെക്കുന്നതിനായി ടീമിലെ കളിക്കാർക്ക് ഒരു സ്പെഷ്യൽ സമ്മാനം നൽകണമെന്ന് അദ്ദേഹം ഞങ്ങളോട് പറഞ്ഞു. സാധാരണ നൽകാറുള്ള വാച്ച് പോലെയുള്ള സമ്മാനങ്ങൾ വേണ്ടെന്നും മെസ്സി പറഞ്ഞിരുന്നു. അപ്പോഴാണ് ഗോൾഡ് ഐ ഫോണിൽ താരങ്ങളുടെ പേരും മറ്റും മുദ്രണം ചെയ്തു നൽകാമെന്ന് ഞാൻ പറഞ്ഞത്. ആ ഐഡിയ അദ്ദേഹത്തിന് വളരെയധികം ഇഷ്ടപ്പെട്ടു," ഐ ഡിസൈൻ ഗോൾഡ് സിഇഒ കൂടിയായ ബെൻലിയോൺ പറഞ്ഞു.
കളിക്കാർക്ക് മെസി നൽകാൻ പോവുന്ന ഐഫോണിൻെറ ചിത്രങ്ങൾ ഇതിനോടകം തന്നെ സോഷ്യൽ മീഡിയയിൽ വൈറലായിട്ടുണ്ട്. ഐ ഡിസൈൻ ഗോൾഡ് തങ്ങളുടെ ഇൻസ്റ്റഗ്രാം പേജിൽ ഫോണിൻെറ ചിത്രങ്ങളും വീഡിയോയുമെല്ലാം പങ്കുവെച്ചിട്ടുണ്ട്. ലോകകപ്പിൽ ടീമിൽ ഉണ്ടായിരുന്ന കളിക്കാർക്കും സപ്പോർട്ട് സ്റ്റാഫിനും മെസ്സി ഈ ഐ ഫോണുകൾ സമ്മാനമായി നൽകും. ഖത്തറിൽ നടന്ന ലോകകപ്പിൽ അർജൻറീന തങ്ങളുടെ മൂന്നാം കിരീടം ആണ് സ്വന്തമാക്കിയത്. 1986ലായിരുന്നു ഇതിന് മുമ്പ് ലാറ്റിനമേരിക്കൻ കരുത്തരുടെ അവസാന കിരീടനേട്ടം. മെസ്സിയുടെ കരിയറിലെ ആദ്യ ലോക കിരീടം കൂടിയാണ് 2022ൽ സ്വന്തമാക്കിയത്.
Read Latest Sports News And Malayalam News
തൻറെ ജീവിതത്തിലെ ഏറ്റവും അഭിമാനകരമായ മുഹൂർത്തം ആഘോഷിക്കുന്നതിന് വേണ്ടിയാണ് മെസ്സി ഇത് ചെയ്യുന്നത്. വളരെ സ്പെഷ്യൽ ആയ ഒരു സമ്മാനം സഹതാരങ്ങൾക്ക് നൽകാൻ അദ്ദേഹം ആഗ്രഹിച്ചു എന്ന് സോഴ്സുകളെ ഉദ്ധരിച്ച് ദി സൺ റിപ്പോർട്ട് ചെയ്യുന്നു. സംരംഭകനായ ബെൻ ലിയോൺസിന്റെ കൂടി സഹായത്തിലാണ് സ്വർണ ഐഫോണുകൾ നിർമ്മിക്കുന്നത്.
"ഫുട്ബോൾ ലോകത്തെ ഇതിഹാസ താരമായ മെസ്സി ഐ ഡിസൈൻ ഗോൾഡിൻെറ വളരെ പ്രിയപ്പെട്ട ഒരു കസ്റ്റമർ കൂടിയാണ്. ലോകകപ്പ് ഫൈനലിന് ശേഷം അദ്ദേഹം നിരന്തരം ഞങ്ങളെ ബന്ധപ്പെട്ടിരുന്നു. വിജയത്തിൻറെ സന്തോഷം പങ്കുവെക്കുന്നതിനായി ടീമിലെ കളിക്കാർക്ക് ഒരു സ്പെഷ്യൽ സമ്മാനം നൽകണമെന്ന് അദ്ദേഹം ഞങ്ങളോട് പറഞ്ഞു. സാധാരണ നൽകാറുള്ള വാച്ച് പോലെയുള്ള സമ്മാനങ്ങൾ വേണ്ടെന്നും മെസ്സി പറഞ്ഞിരുന്നു. അപ്പോഴാണ് ഗോൾഡ് ഐ ഫോണിൽ താരങ്ങളുടെ പേരും മറ്റും മുദ്രണം ചെയ്തു നൽകാമെന്ന് ഞാൻ പറഞ്ഞത്. ആ ഐഡിയ അദ്ദേഹത്തിന് വളരെയധികം ഇഷ്ടപ്പെട്ടു," ഐ ഡിസൈൻ ഗോൾഡ് സിഇഒ കൂടിയായ ബെൻലിയോൺ പറഞ്ഞു.
കളിക്കാർക്ക് മെസി നൽകാൻ പോവുന്ന ഐഫോണിൻെറ ചിത്രങ്ങൾ ഇതിനോടകം തന്നെ സോഷ്യൽ മീഡിയയിൽ വൈറലായിട്ടുണ്ട്. ഐ ഡിസൈൻ ഗോൾഡ് തങ്ങളുടെ ഇൻസ്റ്റഗ്രാം പേജിൽ ഫോണിൻെറ ചിത്രങ്ങളും വീഡിയോയുമെല്ലാം പങ്കുവെച്ചിട്ടുണ്ട്. ലോകകപ്പിൽ ടീമിൽ ഉണ്ടായിരുന്ന കളിക്കാർക്കും സപ്പോർട്ട് സ്റ്റാഫിനും മെസ്സി ഈ ഐ ഫോണുകൾ സമ്മാനമായി നൽകും. ഖത്തറിൽ നടന്ന ലോകകപ്പിൽ അർജൻറീന തങ്ങളുടെ മൂന്നാം കിരീടം ആണ് സ്വന്തമാക്കിയത്. 1986ലായിരുന്നു ഇതിന് മുമ്പ് ലാറ്റിനമേരിക്കൻ കരുത്തരുടെ അവസാന കിരീടനേട്ടം. മെസ്സിയുടെ കരിയറിലെ ആദ്യ ലോക കിരീടം കൂടിയാണ് 2022ൽ സ്വന്തമാക്കിയത്.
Read Latest Sports News And Malayalam News