സൗദി പ്രൊ ലീഗ് (Saudi Pro League) ക്ലബ്ബായ അൽ നസർ എഫ് സിയിൽ (Al Nassr FC) ആഭ്യന്തര പ്രശ്നങ്ങൾ തലപൊക്കിയതായി സൂചന. പോർച്ചുഗൽ ഇതിഹാസ താരം ക്രിസ്റ്റ്യാനോ റൊണാൾഡോ (Cristiano Ronaldo) അടക്കമുള്ള വൻ താരങ്ങളെ സ്വന്തമാക്കി ലോക ശ്രദ്ധയിലേക്ക് ഉയർന്ന ക്ലബ്ബാണ് അൽ അലാമി എന്ന് അറിയപ്പെടുന്ന അൽ നസർ. 2023 - 2024 സൗദി പ്രൊ ലീഗിൽ 24 റൗണ്ട് മത്സരങ്ങൾ പൂർത്തിയായപ്പോൾ 56 പോയിന്റുമായി അൽ നസർ രണ്ടാം സ്ഥാനത്താണ്. ലീഗിൽ ഇതുവരെ തോൽവി അറിയാത്ത അൽ ഹിലാൽ എഫ് സി യാണ് പോയിന്റ് പട്ടികയിൽ ഒന്നാമത്. 24 മത്സരങ്ങളിൽ 68 പോയിന്റ് അൽ ഹിലാലിന് ഉണ്ട്. അതായത് ലീഗിൽ 10 റൗണ്ട് മത്സരങ്ങൾ ശേഷിക്കേ കിരീടം നേടുക എന്നത് അൽ നസറിനെ സംബന്ധിച്ച് അപ്രായോഗിക ലക്ഷ്യമാണ്.
ക്ലബ് പ്രസിഡന്റും ബോർഡ് അംഗങ്ങളും രാജിവയ്ക്കാൻ ഒരുങ്ങുന്നു എന്നാണ് സൗദിയിൽ നിന്നുള്ള വിവരം. അൽ അലാമി പ്രസിഡൻറായ ഖലീദ് ബിൻ ഫഹദ് ക്ലബ് വിടാനുള്ള തീരുമാനം എടുത്തതായാണ് സൂചന. ക്ലബ്ബിന്റെ മുഴുവൻ ബോർഡ് അംഗങ്ങൾക്കും ഒപ്പം പുറത്തു പോകാനാണ് ഖലീദ് ബിൻ ഫഹദിന്റെ തീരുമാനം എന്നും റിപ്പോർട്ടിൽ സൂചിപ്പിക്കുന്നു. അതേസമയം, ഇക്കാര്യങ്ങൾക്ക് ഇതുവരെ ഔദ്യോഗിക സ്ഥിരീകരണം ലഭിച്ചിട്ടില്ല.
എ എഫ് സി ചാംപ്യൻസ് ലീഗിന്റെ ക്വാർട്ടറിൽ അൽ നസർ പുറത്തായതോടെയാണ് ഖലീദ് ബിൻ ഫഹദും ഡയറക്ടർ ബോർഡ് അംഗങ്ങളും രാജി വയ്ക്കാൻ തീരുമാനിച്ചത്. സൗദി പ്രൊ ലീഗ് കിരീടം ലഭിക്കില്ലെന്ന് ഏകദേശം ഉറപ്പായതിനു പിന്നാലെ എ എഫ് സി ചാംപ്യൻസ് ലീഗിൽ പുറത്തായതാണ് അൽ നസർ എഫ് സി മാനേജ്‌മെന്റിനെ കടുത്ത തീരുമാനം എടുക്കാൻ പ്രേരിപ്പിച്ചത്. ഇതിനിടെ ക്ലബ്ബിന്റെ സ്പോർട്ടിംഗ് ഡയറക്ടർ സ്ഥാനത്തേക്ക് മിഗ്വേൽ റിബെയ്റൊയെ കൊണ്ടുവരാൻ നടത്തിയ നീക്കം പരാജയപ്പെട്ടു. റിവൊ അവെ എഫ് സിയുടെ മുൻ സ്പോർട്ടിംഗ് ഡയറക്ടർ ആയിരുന്നു മിഗ്വേൽ റിബെയ്റൊ.
മാഴ്സെലൊ സലാസറാണ് നിലവിൽ ക്ലബ്ബിന്റെ സ്പോർട്ടിംഗ് ഡയറക്ടർ. പോർച്ചുഗൽ സംഘമാണ് അൽ അലാമിയുടെ പരിശീലകർ എന്നതും ശ്രദ്ധേയം. മുഖ്യ പരിശീലകൻ ലൂയിസ് കാസ്ട്രൊ, അസിസ്റ്റന്റ് കോച്ചുമാരായ ജാവൊ ബ്രണ്ടാവോ, വിക്ടർ സെവേരിനൊ, ഗോൾ കീപ്പിംഗ് കോച്ചായ ഡാനിയേൽ കൊറെയ്റ, ഡവലപ്മെന്റ് കോച്ചായ നുനൊ ബാറ്റിസ്റ്റ എന്നിവരെല്ലാം പോർച്ചുഗലിൽ നിന്നുള്ളവരാണ്.
രാജ്യാന്തര ഇടവേളയ്ക്കായി പിരിഞ്ഞ സൗദി പ്രൊ ലീഗിൽ, അൽ നസറിന്റെ അടുത്ത മത്സരം മാർച്ച് 31 ന് അൽ തായ് എഫ് സിക്ക് എതിരേയാണ്. ഇതിനിടെ രാജ്യാന്തര ഫുട്ബോളിൽ മാർച്ച് 27 ന് സ്ലോവേനിയയ്ക്കെതിരേ പോർച്ചുഗലിനായി റൊണാൾഡോ കളിച്ചേക്കും.
ക്ലബ് പ്രസിഡന്റും ബോർഡ് അംഗങ്ങളും രാജിവയ്ക്കാൻ ഒരുങ്ങുന്നു എന്നാണ് സൗദിയിൽ നിന്നുള്ള വിവരം. അൽ അലാമി പ്രസിഡൻറായ ഖലീദ് ബിൻ ഫഹദ് ക്ലബ് വിടാനുള്ള തീരുമാനം എടുത്തതായാണ് സൂചന. ക്ലബ്ബിന്റെ മുഴുവൻ ബോർഡ് അംഗങ്ങൾക്കും ഒപ്പം പുറത്തു പോകാനാണ് ഖലീദ് ബിൻ ഫഹദിന്റെ തീരുമാനം എന്നും റിപ്പോർട്ടിൽ സൂചിപ്പിക്കുന്നു. അതേസമയം, ഇക്കാര്യങ്ങൾക്ക് ഇതുവരെ ഔദ്യോഗിക സ്ഥിരീകരണം ലഭിച്ചിട്ടില്ല.
എ എഫ് സി ചാംപ്യൻസ് ലീഗിന്റെ ക്വാർട്ടറിൽ അൽ നസർ പുറത്തായതോടെയാണ് ഖലീദ് ബിൻ ഫഹദും ഡയറക്ടർ ബോർഡ് അംഗങ്ങളും രാജി വയ്ക്കാൻ തീരുമാനിച്ചത്. സൗദി പ്രൊ ലീഗ് കിരീടം ലഭിക്കില്ലെന്ന് ഏകദേശം ഉറപ്പായതിനു പിന്നാലെ എ എഫ് സി ചാംപ്യൻസ് ലീഗിൽ പുറത്തായതാണ് അൽ നസർ എഫ് സി മാനേജ്‌മെന്റിനെ കടുത്ത തീരുമാനം എടുക്കാൻ പ്രേരിപ്പിച്ചത്. ഇതിനിടെ ക്ലബ്ബിന്റെ സ്പോർട്ടിംഗ് ഡയറക്ടർ സ്ഥാനത്തേക്ക് മിഗ്വേൽ റിബെയ്റൊയെ കൊണ്ടുവരാൻ നടത്തിയ നീക്കം പരാജയപ്പെട്ടു. റിവൊ അവെ എഫ് സിയുടെ മുൻ സ്പോർട്ടിംഗ് ഡയറക്ടർ ആയിരുന്നു മിഗ്വേൽ റിബെയ്റൊ.
മാഴ്സെലൊ സലാസറാണ് നിലവിൽ ക്ലബ്ബിന്റെ സ്പോർട്ടിംഗ് ഡയറക്ടർ. പോർച്ചുഗൽ സംഘമാണ് അൽ അലാമിയുടെ പരിശീലകർ എന്നതും ശ്രദ്ധേയം. മുഖ്യ പരിശീലകൻ ലൂയിസ് കാസ്ട്രൊ, അസിസ്റ്റന്റ് കോച്ചുമാരായ ജാവൊ ബ്രണ്ടാവോ, വിക്ടർ സെവേരിനൊ, ഗോൾ കീപ്പിംഗ് കോച്ചായ ഡാനിയേൽ കൊറെയ്റ, ഡവലപ്മെന്റ് കോച്ചായ നുനൊ ബാറ്റിസ്റ്റ എന്നിവരെല്ലാം പോർച്ചുഗലിൽ നിന്നുള്ളവരാണ്.
രാജ്യാന്തര ഇടവേളയ്ക്കായി പിരിഞ്ഞ സൗദി പ്രൊ ലീഗിൽ, അൽ നസറിന്റെ അടുത്ത മത്സരം മാർച്ച് 31 ന് അൽ തായ് എഫ് സിക്ക് എതിരേയാണ്. ഇതിനിടെ രാജ്യാന്തര ഫുട്ബോളിൽ മാർച്ച് 27 ന് സ്ലോവേനിയയ്ക്കെതിരേ പോർച്ചുഗലിനായി റൊണാൾഡോ കളിച്ചേക്കും.