ഫുട്ബോള്‍ കളിക്കുന്നതിനിടെ ബ്രസീല്‍ ഇതിഹാസം കഫുവിന്‍റെ മകന് ദാരുണാന്ത്യം

സാന്‍ പോളോ: ബ്രസീലിയന്‍ ഇതിഹാസ താരം കഫുവിന്‍റെ മകന്‍ ഫുട്ബോള്‍ ഖലിക്കുന്നതിനിടെ മരണപ്പെട്ടു. കഫുവിന്‍റെ മൂത്ത മകന്‍ ഡാനിലോയാണ് സുഹൃത്തുക്കള്‍ക്കൊപ്പം ഫുട്ബോള്‍ കളിക്കുന്നതിനിടെ കുഴഞ്ഞ് വീണ് മരിച്ചത്. ഹൃദയാഘാതമാണ് മരണത്തിന് ഇടയാക്കിയത്. മുപ്പത് വയസ്സായിരുന്നു.

Also Read: നെയ്മറുമായുള്ള രഹസ്യ വാട്സാപ്പ് ചാറ്റിനെക്കുറിച്ച് സുവാരസിന്‍റെ വെളിപ്പെടുത്തല്‍

ബുധനാഴ്ച ഉച്ച തിരിഞ്ഞ് കഫുവിന്‍റെ സാന്‍ പോളോയിലെ വീടിന് സമീപത്ത് വെച്ച് തന്നെ സുഹൃത്തുക്കള്‍ക്കൊപ്പം ഫുട്ബോള്‍ കളിക്കുകയായിരുന്നു ഡാനിലോ. കളിക്കിടെ ഹൃദയാഘാതം സംഭവിച്ച ഡോനിലോ ഗ്രൗണ്ടില്‍ വീഴുകയായിരുന്നു. ഉടന്‍ തന്നെ അദ്ദേഹത്തിന് പ്രഥമ ശുശ്രൂഷ നല്‍കുകയും അടുത്തുള്ള ആശുപത്രിയില്‍ എത്തിക്കുകയും ചെയ്തെങ്കിലും മരണം സംഭവിക്കുകയായിരുന്നു.

Also Read: പിഎസ്ജി ചാമ്പ്യന്‍സ് ലീഗിനുള്ള സ്ക്വാഡ് പ്രഖ്യാപിച്ചു; നെയ്മറിന്‍റെ ഗതിയെന്ത്?

മുന്‍ ബ്രസീലിയന്‍ പ്രതിരോധ താരമായിരുന്ന കഫു റോമയ്ക്ക് വേണ്ടിയും മിലാന് വേണ്ടിയും ഏറെക്കാലം കളിച്ചിട്ടുണ്ട്. ബ്രസീലിനായി 142 മത്സരങ്ങളില്‍ കളിച്ച കഫു തുടര്‍ച്ചയായി മൂന്ന് ലോകകപ്പ് ഫൈനലുകളില്‍ കളിച്ച ഏക ബ്രസീല്‍ താരം കൂടിയാണ്. 1994, 1998,2002 എന്നീ ലോകകപ്പ് ഫൈനലുകളിലാണ് കഫു ബ്രീസിലിനായി കളിച്ചത്.

Also Read: പ്രീസീസണ്‍ സ്ക്വാഡിനെ പ്രഖ്യാപിച്ച് ബ്ലാസ്റ്റേഴ്സ്; ആദ്യമത്സരം നാളെ