ബ്രസീല് ഫുട്ബോള് താരം നെയ്മര്ക്ക് ഒരബദ്ധം പറ്റിയപ്പോള് സുഹൃത്തും എവര്ട്ടണ് സ്ട്രൈക്കറുമായ റിചാര്ലിസന്റെ വാട്സപ്പിലേക്ക് അഞ്ച് മിനുട്ടില് പറന്നെത്തിയത് പത്തായിരം മെസേജുകള്!! സംഭവം സിംപിളാണ്. നെയ്മര് വീഡിയോ ഗെയിം കളിച്ച് സമയം ചെലവഴിക്കുന്നത് ലൈവ് ബ്രോഡ്കാസ്റ്റ് ചെയ്തു. ആ നേരത്താണ്, ബ്രസീല് ടീമംഗമായ റിചാര്ലിസന് നെയ്മറിനെ ഫോണില് വിളിക്കുന്നത്.
Also Read: വാര്ണറുടെ ആ തീരുമാനം സണ്റൈസേഴ്സിനെ ജയിപ്പിച്ചു, കളിച്ചില്ലെങ്കില് പണികിട്ടുമായിരുന്നെന്ന് ഒരു താരം!!
ലൈവില് തനിക്ക് പിണഞ്ഞ അബദ്ധം നെയ്മര് തിരിച്ചറിഞ്ഞ ഉടനെ റിചാര്ലിസനോട് ക്ഷമാപണം നടത്തി. തന്റെ ലൈവില് വന്നവരോട് റിചാര്ലിസന്റെ മൊബൈല് നമ്പര് ദുരുപയോഗം ചെയ്യരുതെന്ന് നെയ്മര് ആവശ്യപ്പെടുകയും ചെയ്തു. പിന്നീട് നെയ്മറിനൊപ്പം വീഡിയോ ലൈവ് ചാറ്റില് വന്ന റിചാര്ലിസനും തന്നെ ആരും ഫോണ് ചെയ്യരുതെന്ന് അഭ്യര്ഥിച്ചു. വിളിക്കുന്നവരെ താന് ബ്ലോക്ക് ചെയ്യില്ലെന്നും, എന്നാല് ആരും തന്നെ വിളിച്ച് ശല്യപ്പെടുത്തരുതെന്നും താരംപറഞ്ഞു. പക്ഷേ, രക്ഷയുണ്ടായില്ല, അഞ്ച് മിനുട്ടിനുള്ളില് പത്തായിരം മെസേജുകളും മിസ്ഡ് കോളുകളും എത്തി.
ഒടുവില് തനിക്ക് എട്ടിന്റെ പണി തന്ന നെയ്മറിനോട് റിചാര്ലിസന് ട്വീറ്റ് ചെയ്തു. അഞ്ച് മിനുട്ട്, ഏകദേശം പത്തായിരം മെസേജുകള്ക്ക് മുകളില്, നന്ദി നെയ്മര് ജൂനിയര്! ചിരിക്കുന്ന നാല് ഇമോജികളിട്ടു കൊണ്ട്, നിന്നെ ഇവരെല്ലാം അത്രമേല് സ്നേഹിക്കുന്നുവെന്ന് നെയ്മര് മറുപടി നല്കി.