ലണ്ടന്: സൗഹൃദ ഫുട്ബോള് മത്സരത്തില് കരുത്തരായ ഉറുഗ്വേയ്ക്കെതിരെ കാനറികള്ക്ക് ഏകപക്ഷീയ ജയം. 76ാം മിനുട്ടില് ലഭിച്ച പെനല്റ്റി കിക്കിലൂടെ സൂപ്പര് താരം നെയ്മര് നേടിയ ഏക ഗോളിനാണ് ബ്രസീല് ഉറുഗ്വേയെ പരാജയപ്പെടുത്തിയത്. ഉറുഗ്വേ മികച്ച മുന്നേറ്റങ്ങള് നടത്തിയെങ്കിലും ലക്ഷ്യം കാണാനായില്ല.
ആദ്യം ആക്രമണ ഫുട്ബോളിന് നേതൃത്വം നല്കിയത് ബ്രസീലാണെങ്കിലും ആദ്യപകുതിയുടെ ആവസാന മിനുട്ടുകളില് ഉറുഗ്വേ മികച്ച മുന്നേറ്റങ്ങള് നടത്തി. ഗോളെന്നുറപ്പിച്ച ചില അവസരങ്ങള് ഉറുഗ്വേ താരം കവാനി തുലച്ചുകളഞ്ഞത് തിരിച്ചടിയായി. ഗോള് കീപ്പര് അലിസ്സണ് ബ്രസീലിനായി മികച്ച സേവുകള് നടത്തി.