അന്താരാഷ്ട്ര സൗഹൃദ ഫുട്ബോളില് ബ്രസീല് മറുപടിയില്ലാത്ത മൂന്ന് ഗോളുകള്ക്ക് ദക്ഷിണ കൊറിയയ തകര്ത്തു. ആദ്യ പകുതിയില് 2-0ന് മുന്നിലായിരുന്നു. ഒമ്പതാം മിനുട്ടില് ലുകാസ് പാക്വുറ്റയാണ് ഗോളടിക്ക് തുടക്കമിട്ടത്. ഫിലിപ് കൂട്ടീഞ്ഞോയിലൂടെ (36) ലീഡ് വര്ധിപ്പിച്ചു. രണ്ടാം പകുതിയില് അറുപതാം മിനുട്ടില് ഡാനിലോയുടെ ഗോളില് ബ്രസീല് കാല്ഡസന് ഗോള് മാര്ജിനിലുള്ള ജയം ഉറപ്പിച്ചു. കഴിഞ്ഞ ദിവസം അര്ജന്റീനയോടേറ്റ തോല്വിയില് നിന്നുള്ള തിരിച്ചുവരവായിരുന്നു മഞ്ഞപ്പട നടത്തിയത്. കോപ അമേരിക്കക്ക് ശേഷം ജയമില്ലാതെ അഞ്ച് മത്സരങ്ങള് കടന്നു പോയതിന്റെ സമ്മര്ദവുമായാണ് കോച്ച് ടിറ്റെ ടീമിനെ കളത്തിലിറക്കിയത്. എന്നാല്, അബുദബിയിലെ ജയത്തോടെ ബ്രസീല് വിമര്ശകര്ക്ക് മറുപടി നല്കിയിരിക്കുന്നു.
റെനാന് ലോഡിയുടെ തകര്പ്പന് ക്രോസ് ബോളില് തല വെച്ചാണ് പാക്വുറ്റ ബ്രസീലിനെ മുന്നിലെത്തിച്ചത്. ആദ്യ പകുതിയില് ബ്രസീല് നിറഞ്ഞാടിയത് ഏറെയും റെനാന് ലോഡിയുടെ തുടരെയുള്ള ക്രോസ് ബോളുകളിലായിരുന്നു. മനോഹരമായ ഫ്രീകിക്ക് ഗോളിലാണ് കുട്ടീഞ്ഞോ ബ്രസീലിന് മത്സരത്തിന്റെ കടിഞ്ഞാണ് നേടിക്കൊടുത്തത്. ഫാബീഞ്ഞോയെ വീഴ്ത്തിയതിനായിരുന്നു ഫ്രീകിക്ക് ലഭിച്ചത്. 25 വാര അകലെ നിന്നായിരുന്നു ഗോള്. ഡാനിലോയുടെ ഗോളിലേക്കും വഴിയൊരുക്കിയത് ലോഡിയുടെ പാസായിരുന്നു.
റെനാന് ലോഡിയുടെ തകര്പ്പന് ക്രോസ് ബോളില് തല വെച്ചാണ് പാക്വുറ്റ ബ്രസീലിനെ മുന്നിലെത്തിച്ചത്. ആദ്യ പകുതിയില് ബ്രസീല് നിറഞ്ഞാടിയത് ഏറെയും റെനാന് ലോഡിയുടെ തുടരെയുള്ള ക്രോസ് ബോളുകളിലായിരുന്നു. മനോഹരമായ ഫ്രീകിക്ക് ഗോളിലാണ് കുട്ടീഞ്ഞോ ബ്രസീലിന് മത്സരത്തിന്റെ കടിഞ്ഞാണ് നേടിക്കൊടുത്തത്. ഫാബീഞ്ഞോയെ വീഴ്ത്തിയതിനായിരുന്നു ഫ്രീകിക്ക് ലഭിച്ചത്. 25 വാര അകലെ നിന്നായിരുന്നു ഗോള്. ഡാനിലോയുടെ ഗോളിലേക്കും വഴിയൊരുക്കിയത് ലോഡിയുടെ പാസായിരുന്നു.