സൗദി പ്രൊ ലീഗിലെ ഗ്ലാമർ ടീമായ അൽ നസർ എഫ് സി (Al Nassr FC) 2023 - 2024 സീസണിലെ ആദ്യ ട്രോഫിക്കു വേണ്ടിയുള്ള തയാറെടുപ്പിലാണ്. കിങ് കപ്പ് ഓഫ് ചാംപ്യൻസ് ട്രോഫി ഫൈനലിൽ പ്രവേശിച്ചിരിക്കുകയാണ് അൽ നസർ എഫ് സി. അൽ ഖലീജ് എഫ് സിയെ സെമി ഫൈനലിൽ 3 - 1 നു കീഴടക്കിയാണ് അൽ അലാമി എന്ന് അറിയപ്പെടുന്ന അൽ നസർ ഫൈനലിൽ പ്രവേശിച്ചത്. പോർച്ചുഗൽ ഇതിഹാസ താരം ക്രിസ്റ്റ്യാനോ റൊണാൾഡോയുടെ ഇരട്ട ഗോൾ ബലത്തിൽ ആയിരുന്നു അൽ നസറിന്റെ സെമി ഫൈനൽ ജയം.
മുഖ്യ പരിശീലകൻ ലൂയിസ് കാസ്ട്രൊയെ ഒഴിവാക്കി പകരം പുതിയ മാനേജറിനെ അൽ നസർ കൊണ്ടുവന്നേക്കും എന്നതായിരുന്നു നേരത്തേ പുറത്തു വന്ന റിപ്പോർട്ട്. എന്നാൽ, ഈ റിപ്പോർട്ട് അടിസ്ഥാന രഹിതമാണെന്ന സൂചനയാണ് ഇപ്പോൾ അൽ നസറിൽ നിന്ന് ലഭിക്കുന്നത്. ഇക്കാര്യം ഔദ്യോഗികമായി തന്നെ അൽ നസർ എഫ് സി അറിയിച്ചു എന്നതും ശ്രദ്ധേയം.
''അടുത്ത സീസണിനു മുൻപ് പോർച്ചുഗീസ് പരിശീലകൻ ലൂയിസ് കാസ്ട്രോയുമായി വഴി പിരിയാൻ ഇപ്പോൾ ഒരു ഉദ്ദേശവും ഇല്ല. അദ്ദേഹം ടീമിൽ തുടരും. ഞങ്ങൾ ഇതുവരെ മറ്റൊരു കോച്ചുമായും സംസാരിച്ചിട്ടില്ല". അൽ നസർ എഫ് സിയോട് അടുത്ത വൃത്തങ്ങൾ അറിയിച്ചു.
നേരത്തേ പുറത്തു വന്ന റിപ്പോർട്ടിൽ ലൂയിസ് കാസ്ട്രോയുമായി അൽ നസർ എഫ് സി വഴി പിരിയുകയാണ് എന്നും മാസിമിലിയാനൊ അല്ലെഗ്രിയുമായി കരാറിലാകുമെന്നും ആയിരുന്നു.
2018 - 2019 ൽ ക്രിസ്റ്റ്യാനോ റൊണാൾഡോ യുവന്റസിൽ ആയിരിക്കുമ്പോൾ അവിടെ മുഖ്യ പരിശീലകനായിരുന്നു ഇറ്റലിക്കാരനായ മാസിമിലിയാനൊ അല്ലെഗ്രി. 2014 - 2019 കാലഘട്ടത്തിലാണ് മാസിമിലിയാനൊ അല്ലെഗ്രി യുവന്റസ് എഫ് സിയുടെ മുഖ്യ പരിശീലകനായി ആദ്യ ടേം പൂർത്തിയാക്കിയത്. 2021 മുതൽ വീണ്ടും തിരിച്ചെത്തി. നിലവിൽ ക്ലബ്ബിന്റെ മുഖ്യ പരിശീലക ചുമതലയിലാണ് 56 കാരനായ അല്ലെഗ്രി.
ഹൊസെ മൗറീഞ്ഞോ, സെർജിയോ കോൺസെക്കാവോ തുടങ്ങിയ വൻ പരിശീലകരുമായും അൽ നസർ ചർച്ച നടത്തി എന്നും റിപ്പോർട്ടുണ്ടായിരുന്നു. 2017 മുതൽ പോർച്ചുഗൽ ക്ലബ്ബായ എഫ് സി പോർട്ടോയുടെ മുഖ്യ പരിശീലകനാണ് സെർജിയൊ കോൺസെക്കാവോ. ഹൊസെ മൗറീഞ്ഞോ 2021 മുതൽ ഇറ്റാലിയൻ ക്ലബ്ബായ എ എസ് റോമയിലായിരുന്നു. 2024 ജനുവരിയിൽ റോമയിൽ നിന്ന് പടിയിറങ്ങി. നിലവിൽ ക്ലബ്ബിന്റെ ചുമതലയില്ല. മൗറീഞ്ഞോയെ നേരത്തേ തന്നെ അൽ നസർ എഫ് സി നോട്ടം വെച്ചിരുന്നതായി സൂചനകൾ പുറത്തു വന്നിരുന്നു.
ഏതായാലും സീസണിലെ ആദ്യ ട്രോഫിക്കായുള്ള തയാറെടുപ്പിലാണ് അൽ നസർ എഫ് സി. കിങ് കപ്പ് ഓഫ് ചാംപ്യൻസ് ഫൈനലിൽ അൽ ഹിലാൽ എഫ് സി ആണ് അൽ നസറിന്റെ എതിരാളികൾ. സൗദി സൂപ്പർ കപ്പ് സെമിയിൽ അൽ ഹിലാൽ എഫ് സിയുമായി അൽ അലാമി പരാജയപ്പെട്ടിരുന്നു. സൗദി പ്രൊ ലീഗ് പോയിന്റ് ടേബിളിൽ അൽ നസറിനേക്കാൾ ഏറെ മുന്നിലാണ് അൽ ഹിലാൽ. സീസണിലെ മുഴുവൻ കിരീടവും തൂത്തുവാരാനുള്ള ശ്രമമാണ് അൽ ഹിലാൽ നടത്തുന്നത്.
മുഖ്യ പരിശീലകൻ ലൂയിസ് കാസ്ട്രൊയെ ഒഴിവാക്കി പകരം പുതിയ മാനേജറിനെ അൽ നസർ കൊണ്ടുവന്നേക്കും എന്നതായിരുന്നു നേരത്തേ പുറത്തു വന്ന റിപ്പോർട്ട്. എന്നാൽ, ഈ റിപ്പോർട്ട് അടിസ്ഥാന രഹിതമാണെന്ന സൂചനയാണ് ഇപ്പോൾ അൽ നസറിൽ നിന്ന് ലഭിക്കുന്നത്. ഇക്കാര്യം ഔദ്യോഗികമായി തന്നെ അൽ നസർ എഫ് സി അറിയിച്ചു എന്നതും ശ്രദ്ധേയം.
''അടുത്ത സീസണിനു മുൻപ് പോർച്ചുഗീസ് പരിശീലകൻ ലൂയിസ് കാസ്ട്രോയുമായി വഴി പിരിയാൻ ഇപ്പോൾ ഒരു ഉദ്ദേശവും ഇല്ല. അദ്ദേഹം ടീമിൽ തുടരും. ഞങ്ങൾ ഇതുവരെ മറ്റൊരു കോച്ചുമായും സംസാരിച്ചിട്ടില്ല". അൽ നസർ എഫ് സിയോട് അടുത്ത വൃത്തങ്ങൾ അറിയിച്ചു.
നേരത്തേ പുറത്തു വന്ന റിപ്പോർട്ടിൽ ലൂയിസ് കാസ്ട്രോയുമായി അൽ നസർ എഫ് സി വഴി പിരിയുകയാണ് എന്നും മാസിമിലിയാനൊ അല്ലെഗ്രിയുമായി കരാറിലാകുമെന്നും ആയിരുന്നു.
2018 - 2019 ൽ ക്രിസ്റ്റ്യാനോ റൊണാൾഡോ യുവന്റസിൽ ആയിരിക്കുമ്പോൾ അവിടെ മുഖ്യ പരിശീലകനായിരുന്നു ഇറ്റലിക്കാരനായ മാസിമിലിയാനൊ അല്ലെഗ്രി. 2014 - 2019 കാലഘട്ടത്തിലാണ് മാസിമിലിയാനൊ അല്ലെഗ്രി യുവന്റസ് എഫ് സിയുടെ മുഖ്യ പരിശീലകനായി ആദ്യ ടേം പൂർത്തിയാക്കിയത്. 2021 മുതൽ വീണ്ടും തിരിച്ചെത്തി. നിലവിൽ ക്ലബ്ബിന്റെ മുഖ്യ പരിശീലക ചുമതലയിലാണ് 56 കാരനായ അല്ലെഗ്രി.
ഹൊസെ മൗറീഞ്ഞോ, സെർജിയോ കോൺസെക്കാവോ തുടങ്ങിയ വൻ പരിശീലകരുമായും അൽ നസർ ചർച്ച നടത്തി എന്നും റിപ്പോർട്ടുണ്ടായിരുന്നു. 2017 മുതൽ പോർച്ചുഗൽ ക്ലബ്ബായ എഫ് സി പോർട്ടോയുടെ മുഖ്യ പരിശീലകനാണ് സെർജിയൊ കോൺസെക്കാവോ. ഹൊസെ മൗറീഞ്ഞോ 2021 മുതൽ ഇറ്റാലിയൻ ക്ലബ്ബായ എ എസ് റോമയിലായിരുന്നു. 2024 ജനുവരിയിൽ റോമയിൽ നിന്ന് പടിയിറങ്ങി. നിലവിൽ ക്ലബ്ബിന്റെ ചുമതലയില്ല. മൗറീഞ്ഞോയെ നേരത്തേ തന്നെ അൽ നസർ എഫ് സി നോട്ടം വെച്ചിരുന്നതായി സൂചനകൾ പുറത്തു വന്നിരുന്നു.
ഏതായാലും സീസണിലെ ആദ്യ ട്രോഫിക്കായുള്ള തയാറെടുപ്പിലാണ് അൽ നസർ എഫ് സി. കിങ് കപ്പ് ഓഫ് ചാംപ്യൻസ് ഫൈനലിൽ അൽ ഹിലാൽ എഫ് സി ആണ് അൽ നസറിന്റെ എതിരാളികൾ. സൗദി സൂപ്പർ കപ്പ് സെമിയിൽ അൽ ഹിലാൽ എഫ് സിയുമായി അൽ അലാമി പരാജയപ്പെട്ടിരുന്നു. സൗദി പ്രൊ ലീഗ് പോയിന്റ് ടേബിളിൽ അൽ നസറിനേക്കാൾ ഏറെ മുന്നിലാണ് അൽ ഹിലാൽ. സീസണിലെ മുഴുവൻ കിരീടവും തൂത്തുവാരാനുള്ള ശ്രമമാണ് അൽ ഹിലാൽ നടത്തുന്നത്.