ഐ ലീഗ് ഫുട്ബോളിന്‍റെ ഉദ്ഘാടന ദിവസമായ ഇന്ന് കേരളത്തിന്‍റെ സ്വന്തം ഗോകുലം കേരളയ്ക്ക് വിജയത്തുടക്കം. നെരോക എഫ്സിയെ ഒന്നിനെതിരെ രണ്ട് ഗോളുകള്‍ക്ക് ഗോകുലം കേരളയുടെ വിജയം. കോഴിക്കോട് നടന്ന മത്സരത്തില്‍ വന്‍ ജനാവലിയാണ് ഗോകുലത്തിന്‍റെ മത്സരം കാണാനായി എത്തിയത്.
മത്സരത്തിൻറെ തുടക്കത്തില്‍ താളം കണ്ടെത്താന്‍ ഗോകുലം അല്‍പം പ്രയാസപ്പെട്ടെങ്കിലും അധികം വൈകാതെ അവര്‍ മത്സരത്തിലേക്ക് വന്നു. 44ാം മിനുട്ടിൽ വിദേശ താരം ഹെൻറി കിസേകയാണ് ഗോകുലത്തിന് ആദ്യഗോള്‍ നേടിക്കൊടുത്തത്. മനോഹരമായൊരു ഇടംകാലൻ നെരോക പ്രതിരോധത്തെ നിഷ്പ്രഭരാക്കിക്കളഞ്ഞു. കീഴ്പ്പെടുത്തുകയായിരുന്നു. ഇതോടെ സീസണിലെ ആദ്യ ഗോള്‍ കിസേകയുടെ പേരിലായി.
Also Read: ഏറ്റവും കൂടുതല്‍ പേടി എന്തിനെ? ഒരു ദ്വീപില്‍ ഒറ്റപ്പെട്ടാല്‍ കൂടെ വേണമെന്ന് ആഗ്രഹമുള്ള രണ്ട് കാര്യങ്ങള്‍? കിടിലൻ ഉത്തരങ്ങളുമായി ബ്ലാസ്റ്റേഴ്സ് താരം!!
രണ്ടാം പകുതി ആരംഭിച്ച് അധികം വൈകാതെ തന്നെ ക്യാപ്റ്റൻ മാർക്കസ് ജോസഫ് ഗോകുലം കേരള എഫ് സിയുടെ ലീഡുയര്‍ത്തി. 49ാം മിനുട്ടിൽ സെബാസ്റ്റ്യൻ തൊടുത്തുവിട്ട ക്രോസ് മനോഹരമായി വലയിലെത്തിച്ചായിരുന്നു ജോസഫിൻറെ ഗോള്‍. രണ്ട് ഗോളിന്‍റെ ലീഡ് നേടിയതോടെ ഗോകുലം മത്സരത്തില്‍ തികഞ്ഞ ആധിപത്യം പുലര്‍ത്തി.
പിന്നീട് ലീഡ് ഉയർത്താൻ ഗോകുലംത്തിന് നിരവധി അവസരങ്ങൾ ലഭിച്ചെങ്കിലും ഒന്നും ലക്ഷ്യത്തിലെത്തിക്കാനായില്ല. എന്നാല്‍ മത്സരത്തിന്‍റെ അവസാന നിമിഷങ്ങളിൽനെരോക ഗോള്‍ മടക്കി നല്‍കി. എന്നാല്‍ അത് ആശ്വാസ ഗോള്‍ മാത്രമായി ഒതുങ്ങി.സാമ്പ്സൺ ആണ് നെരോകയുടെ ആശ്വാസഗോൾ സ്വന്തമാക്കിയത്.