ഐ ലീഗിന്റെ പുതിയ സീസണ് കഴിഞ്ഞ ശനിയാഴ്ചയോടു കൂടി ആരംഭിച്ചു കഴിഞ്ഞു. ആദ്യദിനത്തില് തന്നെ കേരളത്തിന്റെ പ്രിയപ്പെട്ട ഗോകുലം കേരള എഫ്സി കളത്തിലിറങ്ങുകയും ചെയ്തു. കോഴിക്കോട് ഇഎംഎസ് സ്റ്റേഡിയത്തില് വന് ജനാവലിയാണ് മത്സരം കാണാന് എത്തിയത്. എന്നാല് ടെലിവിഷനില് ലൈവ് മത്സരം കാണാന് കാത്തിരുന്നവര്ക്ക് നിരാശയായിരുന്നു ഫലം.
ഇക്കുറി ഐ ലീഗിലെ മത്സരങ്ങളുടെ സംപ്രേഷണാവകാശം നേടിയിരിക്കുന്നത് ഡി സ്പോര്ട്സ് ആണ്. എന്നാല് ആദ്യദിനത്തില് തന്നെ നടന്ന ഗോകുലം കേരളയുടെ മത്സരം സംപ്രേഷണം ചെയ്യാന് ഡി സ്പോര്ട്സിന് കഴിഞ്ഞില്ല. ഗോകുലത്തിന്റെ മത്സരത്തിന് മാത്രമായിരുന്നു പ്രശ്നം. അതേസമയം ആദ്യദിനം തന്നെ നടന്ന ഐസ്വാള് എഫ്സിയും മോഹന് ബഗാനും തമ്മിലുള്ള മത്സരം സംപ്രേഷണം ചെയ്യുകയും ചെയ്തു.
Also Read: അര്ജന്റീനയില് മെസിക്ക് തലവേദന, യുവന്റസില് റോണോയ്ക്കും!! ലോകഫുട്ബോളില് പ്രമുഖര്ക്ക് വെല്ലുവിളിയാകുന്ന അഞ്ച് താരങ്ങള്
എന്നാല് ആദ്യമത്സരം കാണാനാകാതെ നിരാശപ്പെട്ടിരിക്കുന്ന ഗോകുലത്തിന്റെ ആരാധകര്ക്ക് ആശ്വാസ വാര്ത്ത എത്തിയിരിക്കുകയാണ്. ഇനി മുതൽ ഐ ലീഗിലെ ഗോകുലം കേരള എഫ് സിയുടെ എല്ലാ ത്സരങ്ങളും മലയാളം വാർത്താ ചാനലായ 24 ന്യൂസ് സംപ്രേഷണം ചെയ്യുമെന്നാണ് അറിയിച്ചിരിക്കുന്നത്. എല്ലാ മത്സരങ്ങളും മലയാളം കമന്ററിയോട് കൂടിയാണ് തത്സമയം ടെലിക്കാസ്റ്റ് ചെയ്യുക.
കഴിഞ്ഞ ഐ ലീഗ് സീസണിലും ഫ്ലവേഴ്സ് ചാനൽ വഴി മലയാളത്തിൽ ഗോകുലം കേരള എഫ് സിയുടെ മത്സരങ്ങൾ തത്സമയം സംപ്രേഷണം ചെയ്തിരുന്നു. ഗോകുലം കേരള എഫ് സി മത്സരങ്ങൾ ഒഴികെയുള്ള ബാക്കി എല്ലാ മത്സരങ്ങളുമാണ് ഡി സ്പോർടിൽ ടെലിക്കാസ്റ്റ് ചെയ്തിരുന്നത്. എന്നാൽ ഡി സ്പോർടിന്റെ ഐലീഗ് ടെലിക്കാസ്റ്റ് ഗുണനിലവാരമില്ലാത്തതാണെന്ന വിമർശനങ്ങളും ഉയരുന്നുണ്ട്.