ഇന്ത്യൻ ഫുട്ബോൾ ടീമിന്റെ ഭാവിപരിപാടികളെ കുറിച്ച് വ്യക്തമാക്കി ടീമിന്റെ മുഖ്യ പരിശീലകൻ ഇഗോർ സ്റ്റിമാച്. ടീമിനെ കൂടുതല് മെച്ചപ്പെടുത്തുന്നതിനായി യാറോപ്പിലേക്ക് പര്യടനം നടത്തുന്നതിനെ കുറിച്ചുള്ള പ്ലാനിങ്ങിലാണെന്ന് സ്റ്റിമാച് പറഞ്ഞു. ലോകകപ്പ് യോഗ്യതാ മത്സരങ്ങള്ക്ക് മുന്നോടിയായി കൂടുതല് സൗഹൃദ മത്സരങ്ങള് കളിക്കാനാണ് ടീം പദ്ധതിയിടുന്നതെന്നും അദ്ദേഹം കൂട്ടിച്ചേര്ത്തു.
Also Read: ബ്രസീലിനും അര്ജന്റീനയ്ക്കും നാണക്കേട്!! ലോക ഫുട്ബോളില് ഈ വര്ഷം മിന്നിയ പെണ്പുലികള് ഇവരാണ്
ഐ എസ് എല്ലിന്റെ നിലവിലെ സീസൺ അവസാനിക്കുന്നതോടെയാണ്
ഇന്ത്യൻ ടീം യൂറോപ്പിൽ പര്യടനം നടത്തുക. പര്യടനത്തിനായുള്ള ഒരുക്കങ്ങൾ ഇപ്പോള് കാര്യക്ഷമമായി അണിയറയിൽ നടക്കുകയാണ്. ഐ എസ് എൽ സീസൺ കഴിഞ്ഞാൽ ഇന്ത്യയ്ക്ക് ലോകകപ്പ് യോഗ്യതാ മത്സരങ്ങള് കളിക്കേണ്ടതുണ്ട്. ഇതിനുള്ള ഒരുക്കമെന്ന നിലയില്ക്കൂടിയാണ് സൗഹൃദ മത്സരങ്ങൾ കളിക്കുന്നതെന്നും സ്റ്റിമാച് പറഞ്ഞു.
ഈ സൗഹൃദ മത്സരങ്ങൾക്ക് ഒപ്പം തന്നെയാണ് യൂറോപ്പിലേക്ക് പര്യടനം നടത്താനും ശ്രമിക്കുന്നത്. യൂറോപ്പിൽ പത്തോളം സൗഹൃദ മത്സരങ്ങൾ കളിക്കാനാണ് ഇന്ത്യ പ്ലാൻ ചെയ്യുന്നതെന്നും സ്റ്റിമാച് വ്യക്തമാക്കി. 2022ലെ ഏഷ്യൻ കപ്പും 2026 ലോകകപ്പ് യോഗ്യതയും ആണ് ഇന്ത്യയുടെ ലക്ഷ്യം. അതിനായുള്ള കോപ്പ് കൂട്ടാനാണ് ഈ യൂറോപ്പ് യാത്രയെന്നും ഇഗോര് സ്റ്റിമാച് പറഞ്ഞു.
Also Read: ഐഎസ്എല്ലില് അവസാന സ്ഥാനക്കാരെ ആത്മവിശ്വാസത്തോടെ നേരിടാന് ഒരുങ്ങി എഫ്സി ഗോവ