ഇന്ത്യൻ ഫുട്ബോൾ താരം ആഷിക് കുരുണിയൻ വിവാഹിതനായി

മലപ്പുറം: ഇന്ത്യൻ ഫുട്ബോൾ ടീമിലെ ഏറ്റവും പ്രായം കുറഞ്ഞ കളിക്കാരിൽ ഒരാളായ ആഷിക് കുരുണിയൻ വിവാഹിതനായി. മലപ്പുറം പട്ടർക്കടവ് അസൈൻ ഖദീജ ദമ്പതികളുടെ മകനായ ആഷിക് തിരൂർ കൽപ്പകഞ്ചേരി സ്കൂൾ അധ്യാപകനായ തെയ്യമ്പാട്ടിൽ സിറാജിൻെറയും സുരയ്യയുടെയും മകളായ അസീലയെയാണ് വിവാഹം കഴിച്ചത്. അസില കണ്ണൂരിൽ ബി ഫാം വിദ്യാർഥിനിയാണ്.

കൊവിഡ് 19 മാനദണ്ഡങ്ങൾ പാലിച്ച് വളരെ ലളിതമായ രീതിയിലാണ് നിക്കാഹും മറ്റ് വിവാഹ ചടങ്ങുകളും നടത്തിയത്. അതെ സമയം തൽക്കാലം
വിവാഹ സൽക്കാരം വേണ്ടെന്ന് വെച്ചിരിക്കുകയാണെന്നും ആഷിക് പറഞ്ഞു.
ഇന്ത്യൻ ഫുട്ബോൾ ടീമിനെ പുറമേ ഐഎസ്എൽ ഉൾപ്പെടെയുള്ള നിരവധി ടൂർണ്ണമെന്റുകളിലായി വിവിധ ക്ലബ്ബുകൾക്ക് വേണ്ടിയും ബൂട്ട് കെട്ടിയിട്ടുണ്ട് ആഷിക്.

Also Read: മെസി ബാഴ്സ വിടാത്തത് ഒറ്റക്കാരണത്താൽ മാത്രം; അതാണ് പിടിച്ച് നിർത്തിയത്, ടീം മാനേജ്മെൻറ് ദുരന്തമാണെന്ന് താരം!!

രാജ്യാന്തര ഫുട്ബോൾ മത്സരങ്ങളിലും ഫുട്ബോൾ ആരാധകർക്കിടയിലും മിന്നും താരമായി ശ്രദ്ധ നേടാനും അദ്ദേഹത്തിന് സാധിച്ചിട്ടുണ്ട്. ഇന്ത്യയുടെ അണ്ടർ 19, 20 ടീമുകളുടെ ജഴ്സിയണിഞ്ഞ ആഷിക് സീനിയർ സംഘത്തിൽ 16 അന്താരാഷ്ട്ര മത്സരങ്ങളിലും ഇതുവരെ ഇന്ത്യൻ ഫുട്ബോൾ ടീമിനുവേണ്ടി ജഴ്സി അണിഞ്ഞിട്ടുണ്ട്.