ന്യൂഡല്ഹി: ഇന്ത്യന് ഫുട്ബോള് ടീമിന്റെ മുന് പരിശീലകന് സ്റ്റീഫന് കോണ്സ്റ്റന്റൈനെതിരെ സ്ട്രൈക്കര് സുനില് ഛേത്രി രംഗത്ത്. കോണ്സ്റ്റന്റൈനിന്റെ ചില നയങ്ങള് തന്നെ ഏറെ വേദനിപ്പിച്ചതായി താരം തുറന്നടിച്ചു. ദേശീയ മാധ്യത്തിന് നല്കിയ അഭിമുഖത്തിലാണ് ഛേത്രി മുന് പരിശീലകന്റെ ക്യാപ്റ്റന്സി റൊട്ടേഷന് നയത്തിനെതിരെ ആഞ്ഞടിച്ചത്. ഓരോ മത്സരങ്ങളിലും ക്യാപ്റ്റന്സി മാറിമാറി നല്കുന്ന രീതിയാണ് കോണ്സ്റ്റന്റൈന് പിന്തുടര്ന്നിരുന്നത്. സൗഹൃദ മത്സരങ്ങളില് ഇങ്ങനെ ചെയ്യുന്നതില് സന്തേഷമേ ഉണ്ടായിരുന്നുള്ളൂ. എന്നാല് എഷ്യാ കപ്പിലും ക്യാപ്റ്റന്സി റൊട്ടേഷന് നയം നടപ്പിലാക്കിയത് തന്നെ ഏറെ വേദനിപ്പിച്ചതായി ഛേത്രി വെളിപ്പെടുത്തി. താന് ടീമിലുണ്ടായിരുന്നിട്ടും ഗോള്കീപ്പര് ഗുര്പ്രീത് സിങ് സന്ധുവിനെയും പ്രോണായി ഹാള്ഡറെയും ക്യാപ്റ്റനാക്കിയത് ശരിയായില്ലെന്നും ഛേത്രി തുറന്നടിച്ചു.
ഏഷ്യാ കപ്പില് മൂന്ന് മത്സരങ്ങളാണ് ഇന്ത്യയ്ക്കുണ്ടായിരുന്നത്. ഇവ മൂന്നിലും മൂന്ന് പേരായിരുന്നു ഇന്ത്യയുടെ നായകന്മാര്. രണ്ടാമത്തെ മത്സരത്തിലായിരുന്ന ഛേത്രി ടീമിന്റെ നായകസ്ഥാനം അലങ്കരിച്ചത്. ഏഷ്യാകപ്പില് നിന്ന് ഇന്ത്യ പുറത്തായതിന് പിന്നാലെയാണ് സ്റ്റീഫന് കോണ്സ്റ്റന്റൈന് പരിശീലക സ്ഥാനത്ത് നിന്നും രാജി വെച്ചത്.
ഏഷ്യാ കപ്പില് മൂന്ന് മത്സരങ്ങളാണ് ഇന്ത്യയ്ക്കുണ്ടായിരുന്നത്. ഇവ മൂന്നിലും മൂന്ന് പേരായിരുന്നു ഇന്ത്യയുടെ നായകന്മാര്. രണ്ടാമത്തെ മത്സരത്തിലായിരുന്ന ഛേത്രി ടീമിന്റെ നായകസ്ഥാനം അലങ്കരിച്ചത്. ഏഷ്യാകപ്പില് നിന്ന് ഇന്ത്യ പുറത്തായതിന് പിന്നാലെയാണ് സ്റ്റീഫന് കോണ്സ്റ്റന്റൈന് പരിശീലക സ്ഥാനത്ത് നിന്നും രാജി വെച്ചത്.