മാഞ്ചസ്റ്റര്‍ സിറ്റിക്ക് ചരിത്ര ജയം, റയലിനെ തകര്‍ത്ത് ചാമ്പ്യന്‍സ് ലീഗ് ഫൈനലില്‍ ...

യുവേഫ ചാമ്പ്യന്‍സ് ഫുട്‌ബോള്‍ ( UEFA Champions League ) 2022 - 2023 ഫൈനലില്‍ ഇംഗ്ലീഷ് ക്ലബ് മാഞ്ചസ്റ്റര്‍ സിറ്റി എഫ് സിയും ഇറ്റാലിയന്‍ ക്ലബ്ബായ ഇന്റര്‍ മിലാനും ( Manchester City F C x Inter Milan ) കൊമ്പുകോര്‍ക്കും. സ്പാനിഷ് കരുത്തരായ റയല്‍ മാഡ്രിഡിനെ തകര്‍ത്താണ് മാഞ്ചസ്റ്റര്‍ സിറ്റി എഫ് സി ഫൈനലിലേക്ക് മാര്‍ച്ച് ചെയ്തത്. മാഞ്ചസ്റ്റര്‍ സിറ്റി എഫ് സി യുടെ തട്ടകത്തില്‍ നടന്ന രണ്ടാം പാദത്തില്‍ 4 - 0 ന് ആയിരുന്നു റയല്‍ മാഡ്രിഡിന്റെ ( Real Madrid ) തോല്‍വി. ആദ്യ പാദം 1 - 1 സമനിലയില്‍ കലാശിച്ചിരുന്നു. ഇതോടെ ഇരു പാദങ്ങളിലുമായി 5 - 1 ന്റെ ഏകപക്ഷീയ ജയമാണ് മാഞ്ചസ്റ്റര്‍ സിറ്റി എഫ് സി സ്വന്തമാക്കിയത്. ബെര്‍ണാഡൊ സില്‍വ ( 23 , 37 മിനിറ്റ് ) മാഞ്ചസ്റ്റര്‍ സിറ്റി എഫ് സിക്കു വേണ്ടി ഇരട്ട ഗോള്‍ സ്വന്തമാക്കി. മാനുവല്‍ അക്കാന്‍ജി ( 76 -ാം മിനിറ്റ് ) , ജൂലിയന്‍ ആല്‍വരസ് ( 90 +1 -ാം മിനിറ്റ് ) എന്നിവരും മാഞ്ചസ്റ്റര്‍ സിറ്റി എഫ് സിക്കു വേണ്ടി ഗോള്‍ നേടി.


മാഞ്ചസ്റ്റര്‍ സിറ്റി എഫ് സി യുവേഫ ചാമ്പ്യന്‍സ് ലീഗ് ഫൈനലില്‍ പ്രവേശിക്കുന്നത് ചരിത്രത്തില്‍ ഇത് രണ്ടാം തവണ ആണ്. 2020 - 2021 സീസണില്‍ ആണ് ഇതിനു മുമ്പ് മാഞ്ചസ്റ്റര്‍ സിറ്റി എഫ് സി ചാമ്പ്യന്‍സ് ലീഗ് ഫൈനലില്‍ പ്രവേശിച്ചത്.

Also Read : അരനൂറ്റാണ്ടിനിടെ രണ്ടാം തവണ; ചരിത്രം കുറിച്ച് ഇന്റര്‍ മിലാന്‍ ചാമ്പ്യന്‍സ് ലീഗ് ഫൈനലില്‍ ...

ചാമ്പ്യന്‍സ് ലീഗ് ചരിത്രത്തില്‍ റയല്‍ മാഡ്രിഡ് നേരിടുന്ന ഏറ്റവും വലിയ തോല്‍വിയും ഇതു തന്നെ. 2009 ല്‍ ലിവര്‍പൂളിനോട് 4 - 0 നു പരാജയപ്പെട്ടതായിരുന്നു ഇതു വരെ ഉള്ള റയല്‍ മാഡ്രിഡിന്റെ ചാമ്പ്യന്‍സ് ലീഗ് ചരിത്രത്തിലെ ഏറ്റവും വലിയ തോല്‍വി.

Also Read : അർജന്റീനയുടെ ലോകകപ്പ് ഹീറോ എമിലിയാനൊ മാർട്ടിനസ് ഇന്ത്യയിലേക്ക്!!

ഇറ്റാലിയന്‍ ടീമായ എ സി മിലാനെ ഇരു പാദങ്ങളിലുമായി 3 - 0 നു കീഴടക്കി ആണ് ഇന്റര്‍ മിലാന്‍ ഫൈനലില്‍ പ്രവേശിച്ചത്. ജൂണ്‍ 11 ന് ആണ് മാഞ്ചസ്റ്റര്‍ സിറ്റി എഫ് സി x ഇന്റര്‍ മിലാന്‍ ഫൈനല്‍ പോരാട്ടം.

Read Latest Sports News and Malayalam News