സംഭവം സാവോ പോളോയില്‍
സാവോ പോളോയില്‍ വെച്ച് നടന്ന ബ്രസീലിയന്‍ ഡെര്‍ബി മത്സരത്തിനിടെയാണ് വലിയ പ്രശ്നങ്ങള്‍ ഉണ്ടായിരിക്കുന്നത്. ആഭ്യന്തര ഫുട്ബോള്‍ ലീഗ് മത്സരം നടക്കുകയാണ് ബ്രസീലില്‍. ലീഗ്ലെ ചിരവൈരികളായ അവായിയും ഫിഗുറന്‍സും തമ്മിലായിരുന്നു കഴിഞ്ഞ മത്സരം അരങ്ങേറിയത്. ഈ മത്സരത്തിനിടെയാണ് എതിര്‍ടീമിന്‍റെ ആരാധകനും അവായ് താരവും തമ്മില്‍ അടിപിടി നടന്നത്.
സംഭവം ഇങ്ങനെ..
മേല്‍വസ്ത്രമില്ലാതെ ഗ്രൗണ്ടിലേക്ക് ഓടിയെത്തിയ ആരാധകന്‍ തന്‍റെ ടീമായ ഫിഗുറന്‍സിന്‍റെ കളിക്കാരുടെ അടുത്തേക്ക് ഓടിയടുക്കുകയായിരുന്നു. എന്നാല്‍ പെട്ടെന്ന് തന്നെ അവായ് റിസര്‍വ് ഗോള്‍കീപ്പര്‍ ഇയാളെ ചാടിപ്പിടിച്ച് നിലത്തിട്ടു. പിന്നാലെ മറ്റൊരു അവായ് താരം ആരാധകന്‍റെ തലയ്ക്ക് ചവിട്ടുകയും ചെയ്തു. ആതിഥേയ ടീമിന്‍റെ ആരാധകരെ പുറത്ത് നിന്നെത്തിയ ടീമിന്‍റെ താരങ്ങള്‍ കായികമായി നേരിട്ടതോടെ കളിമാറി.
Twitter-BenchWarmers
ആരാധകര്‍ കലാപത്തിലേക്ക്
സ്വന്തം മൈതാനത്ത് വെച്ച് ഫിഗുറന്‍സ് ആരാധകനെ എതിര്‍ ടീമിന്‍റെ താരങ്ങള്‍ മര്‍ദ്ദിച്ചതോടെ ആതിഥേയരായ അവായ് ആരാധകര്‍ക്ക് സമനില കൈവിട്ടു. ഗ്യാലറിയില്‍ വലിയ കുഴപ്പങ്ങളാണ് പിന്നാലെ ഫിഗുറന്‍സ് ആരാധകര്‍ നടത്തിയത്. പിന്നാലെ അവായ് താരങ്ങളുടെ നടപടിയെ വിമര്‍ശിച്ച് നിരവധി പേര്‍ രംഗത്തെത്തുകയും ചെയ്തു. മത്സരം അവസാനിക്കാനിരിക്കെയായിരുന്നു സംഭവങ്ങള്‍ അരങ്ങേറിയത്.
Twitter-Gordon Smith
പിന്നാലെ പോലീസ്
സംഭവം നടന്നതിന് പിന്നാലെ പോലീസ് സ്ഥലത്തെത്തി. ഗ്രൗണ്ടിലേക്ക് ഓടിക്കയറിയ ആരാധകനെയും പ്രശ്നങ്ങള്‍ക്ക് നേതൃത്വം നല്‍കിയ മറ്റ് ചില ആരാധകരേയും പോലീസ് കസ്റ്റഡിയിലെടുത്തു. സ്റ്റേഡിയത്തിലെ നിരവധി ബാരിയറുകള്‍ ആരാധകര്‍ തകര്‍ത്തിരുന്നു. ഇവരെയെല്ലാം പോലീസ് കസ്റ്റഡിയിലെടുത്തു.
മത്സരത്തില്‍ ജയം ആതിഥേയര്‍ക്ക്
വലിയ പ്രശ്നങ്ങളും കലാപങ്ങളും അരങ്ങേറിയെങ്കിലും അത്യന്തം വാശിയേറിയ മത്സരത്തില്‍ ആതിഥേയരായ ഫിഗുറന്‍സ് തന്നെയാണ് ജയിച്ചത്. എതിരില്ലാത്ത രണ്ട് ഗോളുകള്‍ക്കാണ് ഫിഗുറന്‍സ് അവായിയെ പരാജയപ്പെടുത്തിയത്. പെഡ്രോ കാസ്ട്രോ, ജൊനാഥന്‍ എനിനവരാണ് ഫിഗുറന്‍സിന് വേണ്ടി ഗോളുകള്‍ സ്വന്തമാക്കിയത്.