തേനീച്ച കുത്തിയതിനാൽ റൊണാൾഡോ കളിച്ചില്ല
മത്സരത്തിന് മുമ്പ് തേനീച്ച കുത്തിയതിനാലാണ് റൊണാൾഡോ കളിക്കാതിരുന്നതെന്നാണ് അന്തർദ്ദേശീയ കായിക മാധ്യമങ്ങൾ റിപ്പോർട്ട് ചെയ്തത്. തേനീച്ച കുത്തിയത് കാരണം കാൽപ്പാദത്തിന് ചെറിയ തോതിൽ അണുബാധയുണ്ട്. സ്വീഡനെതിരെ നടക്കുന്ന അടുത്ത മത്സരത്തിലും റൊണാൾഡോ കളിച്ചേക്കില്ലെന്ന് റിപ്പോർട്ടുകളുണ്ട്. "പരിശീലനത്തിന് റൊണാൾഡോ സജീവമായി പങ്കെടുത്തിരുന്നു. അപ്രതീക്ഷിതമായാണ് കാലിൽ അണുബാധ. തേനീച്ച കുത്തിയതെന്നാണ് കരുതുന്നത്. അദ്ദേഹം 100 ശതമാനം ഓക്കേ ആയിട്ടില്ല," പോർച്ചുഗൽ കോച്ച് ഫെർണാണ്ടോ സാൻോസ് പറഞ്ഞു.
സ്റ്റേഡിയത്തിൽ റൊണാൾഡോ എത്തി
കളിക്കാൻ ടീമിൽ ഇല്ലായിരുന്നുവെങ്കിലും മത്സരം കാണാനായി റൊണാൾഡോ സ്റ്റേഡിയത്തിൽ ഉണ്ടായിരുന്നു. കൊവിഡ് മാനദണ്ഡങ്ങൾ പാലിച്ച് നടത്തുന്ന മത്സരമായതിനാൽ കാണികളെ സ്റ്റേഡിയത്തിൽ കയറ്റിയിരുന്നില്ല. പോർച്ചുഗൽ ക്രൊയേഷ്യയെ 4-1നാണ് തകർത്തു കളഞ്ഞത്. ജൊവാ കാന്‍സെലോ, ഡീഗോ ജോട്ട, ജോവാ ഫെലിക്‌സ്, ആന്ദ്രേ സില്‍വ എന്നിവരാണ് പോർച്ചുഗലിനായി ഗോൾ നേടിയത്.
മത്സരം കാണാൻ റൊണാൾഡോ...
മാസ്ക് ഇടാൻ മറന്ന റൊണാൾഡോ
സ്റ്റേഡിയത്തിൽ എത്തിയ ക്രിസ്റ്റ്യാനോ റൊണാൾഡോ മാസ്ക് ഇടാൻ മറന്നു പോയിരുന്നു. മാസ്ക് ഇടാതെ ഇരുന്ന താരത്തിനെ അതോർമിക്കാൻ ഒരു സ്റ്റാഫ് എത്തി. അപ്പോഴാണ് മാസ്ക് ഇടാൻ മറന്നുപോയെന്ന കാര്യം താരം ശരിക്കും മനസ്സിലാക്കിയത്. കൊവിഡ് പ്രതിസന്ധി കാലത്ത് പലർക്കും സംഭവിച്ച് പോവുന്ന അബദ്ധം തന്നെയാണിത്. ഏതായാലും ക്യാമറക്കണ്ണുകൾ മുഴുവൻ ആ സമയത്ത് ക്രിസ്റ്റ്യാനോയുടെ നേരെയായിരുന്നു. എന്നാൽ പെട്ടെന്ന് തന്നെ റൊണാൾഡോ മാസ്ക് എടുത്തിടുകയും പിന്നീട് മത്സരം തുടർന്ന് കാണുകയും ചെയ്തു. ഇതിൻെറ വീഡിയോ സോഷ്യൽ മീഡിയയിൽ വൈറലാവുന്നുണ്ട്.