മാഞ്ചസ്റ്റർ യുണൈറ്റഡിനെ വാങ്ങാൻ ഖത്തർ ഷെയ്ഖ്, വമ്പൻ നീക്കം നടന്നേക്കും

ഇംഗ്ലീഷ് പ്രീമിയര്‍ ലീഗ് ( English Premier League ) ഫുട്‌ബോള്‍ സൂപ്പര്‍ ക്ലബ്ബായ മാഞ്ചസ്റ്റര്‍ യുണൈറ്റഡ് എഫ് സി ( Manchester United F C ) യെ സ്വന്തമാക്കാന്‍ ഖത്തര്‍ ഷെയ്ഖ് രംഗത്ത്. ഖത്തര്‍ ഇസ്ലാമിക് ബാങ്കിന്റെ ചെയര്‍മാന്‍ ഷെയ്ഖ് ജാസിം ബിന്‍ ഹമദ് അല്‍ താനി ആണ് മാഞ്ചസ്റ്റര്‍ യുണൈറ്റഡ് എഫ് സിയെ സ്വന്തമാക്കാന്‍ രംഗത്ത് എത്തിയത്. ഖത്തറിന്റെ മുന്‍ പ്രധാന മന്ത്രിയായ ഹമദ് ബില്‍ ജാസിം ബിന്‍ ജാബെര്‍ അല്‍ താനിയുടെ മകനാണ് ഹമദ് അല്‍ താനി. അതേ സമയം, മാഞ്ചസ്റ്റര്‍ യുണൈറ്റഡ് എഫ് സി ഉടമകളായ ഗ്ലാസേഴ്‌സ് കുടുംബം ക്ലബ്ബിന്റെ അടിസ്ഥാന വിലയായി നിശ്ചയിച്ചിരിക്കുന്നത് 59,845 കോടി രൂപയാണ് ( ആറ് ബില്യണ്‍ പൗണ്ട് ). എന്നാല്‍, ഇതില്‍ കുറവാണ് ഹമദ് അല്‍ താനിയുടെ ബിഡ് എന്നാണ് റിപ്പോര്‍ട്ട്. ഖത്തര്‍ ഇസ്ലാമിക് ബാങ്കിന്റെ ആസ്തി 3,98,970 കോടി രൂപ ( 40 ബില്യണ്‍ പൗണ്ട് ) ആണെന്നാണ് കണക്കാക്കപ്പെടുന്നത്. ഷെയ്ഖ് ജാസിമിന്റെ ഉടമസ്ഥതയിലുള്ള നയന്‍ ടു ഫൗണ്ടേഷനാണ് മാഞ്ചസ്റ്റര്‍ യുണൈറ്റഡ് എഫ് സിയെ ഏറ്റെടുക്കാന്‍ ഒരുങ്ങുന്നത്. ഫുട്‌ബോള്‍ ടീമുകള്‍, ട്രെയ്‌നിംഗ് സെന്ററുകള്‍, സ്‌റ്റേഡിയം ഇന്‍ഫ്രാസ്ട്രച്ചര്‍ തുടങ്ങിയ കാര്യങ്ങളില്‍ ഇന്‍വെസ്റ്റ് നടത്തുന്ന കമ്പനിയാണ് നയന്‍ ടു.
മാഞ്ചസ്റ്റർ യുണൈറ്റഡ്-ബാഴ്സലോണ‌ പോരാട്ടം ആവേശ സമനിലയിൽഇംഗ്ലീഷ് പ്രീമിയര്‍ ലീഗ് ക്ലബ്ബിനെ സ്വന്തമാക്കാന്‍ പ്രത്യക്ഷത്തില്‍ രംഗത്ത് എത്തുന്ന രണ്ടാമനാണ് ഷെയ്ഖ് അല്‍ താനി. ഇംഗ്ലീഷ് കോടീശ്വരനും ഐ എന്‍ ഇ ഒ എസ് കെമിക്കല്‍ കമ്പനി സിഇഒയുമായ സര്‍ ജിം റാറ്റ്ക്ലിഫ് നേരത്തേ മാഞ്ചസ്റ്റര്‍ യുണൈറ്റഡ് എഫ് സിയെ സ്വന്തമാക്കാന്‍ രംഗത്ത് എത്തിയിരുന്നു. വെള്ളിയാഴ്ച യുകെ സമയം വൈകുന്നേരം അഞ്ച് മണിവരെ ആയിരുന്നു ബിഡ് സമര്‍പ്പിക്കാനുള്ള സമയം. അതുപ്രകാരം അതിനു മുമ്പ് സര്‍ ജിം റാറ്റ്ക്ലിഫും മാഞ്ചസ്റ്റര്‍ യുണൈറ്റഡ് എഫ് സിക്കു വേണ്ടി ബിഡ് സമര്‍പ്പിച്ചതായാണ് റിപ്പോര്‍ട്ട്.
പെനാൽട്ടി ഗോളിൽ ആതിഥേയരെ മറികടന്നു; സന്തോഷ് ട്രോഫിയിൽ കേരളത്തിന് നിർണായക ജയംകുട്ടിക്കാലം മുതല്‍ മാഞ്ചസ്റ്റര്‍ യുണൈറ്റഡ് എഫ് സി യുടെ ആരാധകനാണ് സര്‍ ജിം റാറ്റ്ക്ലിഫ്. കഴിഞ്ഞ വര്‍ഷം റഷ്യന്‍ കോടീശ്വരനായ റൊമാന്‍ അബ്രാമോവിച്ച് പ്രീമിയര്‍ ലീഗ് ക്ലബ്ബായ ചെല്‍സി എഫ് സി വില്‍ക്കാന്‍ ഒരുങ്ങിയപ്പോള്‍ ജിം റാറ്റ്ക്ലിഫ് ക്ലബ് വാങ്ങാന്‍ രംഗത്ത് എത്തിയിരുന്നു. 2019 ല്‍ ഫ്രഞ്ച് ക്ലബ്ബായ നീസിനെ ജിം റാറ്റ്ക്ലിഫ് സ്വന്തമാക്കിയിരുന്നു. ബ്രിട്ടനിലെ ഏറ്റവും ധനികനാണ് സര്‍ ജിം റാറ്റ്ക്ലിഫ്.

ഇംഗ്ലീഷ് പ്രീമിയര്‍ ലീഗ് 2022 - 2023 സീസണില്‍ നിലവില്‍ മൂന്നാം സ്ഥാനത്താണ് മാഞ്ചസ്റ്റര്‍ യുണൈറ്റഡ് എഫ് സി. 23 മത്സരങ്ങളില്‍ 46 പോയിന്റാണ് മാഞ്ചസ്റ്റര്‍ യുണൈറ്റഡ് എഫ് സിക്ക് ഉള്ളത്. 51 പോയിന്റ് വീതമുള്ള മാഞ്ചസ്റ്റര്‍ സിറ്റി എഫ് സിയും ആഴ്‌സണല്‍ എഫ് സിയും ആണ് ലീഗിന്റെ തലപ്പത്ത്.

Read Latest Sports News and Malayalam Newsundefined