ലിവര്പൂളിന്റെ മുന് താരമാണ് റഹീം സ്റ്റെര്ലിംഗ്. അഞ്ച് വര്ഷംമുമ്പ് മാഞ്ചസ്റ്റര് സിറ്റിയില് ചേര്ന്ന സ്റ്റെര്ലിംഗിന് തന്റെ ഏഴു വയസുകാരി മകളെ ഇപ്പോഴും സിറ്റിയുടെ ആരാധികയാക്കാന് സാധിച്ചിട്ടില്ല. മകള് മെലഡിക്ക് ഇപ്പോഴും ആരാധന ലിവര്പൂളിന്റെ ചുവന്ന കുപ്പായത്തോടാണ്. മുഹമ്മദ് സലയാണ് ഇഷ്ടതാരം. സ്റ്റെര്ലിംഗ് ക്ലബ്ബ് വിട്ട് രണ്ട് വര്ഷം കഴിഞ്ഞപ്പോഴാണ് റോമയില് നിന്ന് ഈജിപിത് സ്ട്രൈക്കര് സല ലിവര്പൂളിലെത്തുന്നത്. പക്ഷേ, അതൊന്നും മെലഡിയെ ബാധിക്കുന്നില്ല. ലിവര്പൂളിന്റെ സൂപ്പര് താരത്തോടാണ് മെലഡിക്ക് താത്പര്യം.
Also Read: ടീം ഉടച്ചുവാര്ക്കാന് ബ്ലാസ്റ്റേഴ്സ്!! അടുത്ത സീസണിനായി പുയേറ്റ എത്തുന്നു
അവളൊരു നല്ല ക്യാരക്ടറാണ്, സലയെ കുറിച്ചുള്ള ചാന്റിംഗ് അവളെനിക്ക് ഇടക്കിടെ കേള്പ്പിച്ച് തരും - സ്റ്റെര്ലിംഗ് പറഞ്ഞു. മെലഡിക്കറിയാം എന്റെ ടീമും ലിവര്പൂളും തമ്മിലുള്ള പോരാട്ടം. പക്ഷേ, അവളെപ്പോഴും ലിവര്പൂളിനെ പിന്തുണക്കുന്ന ഈരടികളാണ് ചൊല്ലുക- ഇംഗ്ലീഷ് താരംപറഞ്ഞു.
സമ്മര് ട്രാന്സ്ഫറില് സിറ്റിയില് നിന്ന് റയല് മാഡ്രിഡിലേക്ക് കൂടുമാറ്റം നടത്താനുള്ള തയ്യാറെടുപ്പിലാണ് റഹീം സ്റ്റെര്ലിംഗ്. മാഞ്ചസ്റ്റര് സിറ്റിയുടെ യൂറോപ്യന് വിലക്കിന്റെ ഭാവി പോലിരിക്കും ഈ ട്രാന്സ്ഫര്.