കൊച്ചി: സെനഗലിന്റെ മധ്യനിര പോരാളി മുഹമ്മദ് മുസ്തഫ നിങ്ങിനെ കൊച്ചിയിലെത്തിച്ച് കേരള ബ്ലാസ്റ്റേഴ്സ്. വരുന്ന സീസണില് ബ്ലാസ്റ്റേഴ്സിന്റെ സെന്ട്രല് മിഡ്ഫീല്ഡര് സ്ഥാനത്തായിരിക്കും മുസ്തഫ നിങ്ങ് കളിക്കുക. താരതമ്യേന ഉയരക്കൂടുതലുള്ള താരമെന്ന നിലയില് മധ്യനിരയില് കളിമെനയുന്നതിനൊപ്പം പ്രതിരോധ നിരയിലും മുതല്ക്കൂട്ടാകാന് നിങ്ങിന് കഴിയും.
184 സെന്റീമീറ്ററാണ് മുഹമ്മദ് മുസ്തഫ നിങ്ങിന്റെ ഉയരം. ഇത് ടീമിന്റെ പ്രതിരോധത്തില് ഫലപ്രദമായി ഉപയോഗിക്കാന് സാധിച്ചാല് ബ്ലാസ്റ്റേഴ്സിന് അതൊരു അധിക നേട്ടമായിത്തീരും. സി.ഡി.എബ്രോ, എസ്.ഡി.അമോറെബീറ്റ, ലെയ്ഡ എസ്പോർട്ടിയു, സി.ഡി.സരിനേന, യുഡി ലോഗ്രോൺസ്, അൻഡോറ സി.എഫ്, എസ്.ഡി.ഇജിയാ എന്നിങ്ങനെ നിരവധി ക്ലബ്ബുകൾക്കു വേണ്ടി കളിച്ച അനുഭവസമ്പത്തുമായാണ് താരം കേരള ബ്ലാസ്റ്റേഴ്സിലെത്തുന്നത്.
30 കാരനായ മുസ്തഫ കൂടി എത്തുന്നതോടെ നിലവില് ബ്ലാസ്റ്റേഴ്സുമായി കരാറിലെത്തിയ വിദേശ താരങ്ങളുടെ എണ്ണം അഞ്ചായിരിക്കുകയാണ്. നേരത്തേ നൈജീരിയന് ഫുട്ബോള് താരം ബര്ത്ലോമിയോ ഒഗ്ബച്ചെയെ കേരള ബ്ലാസ്റ്റേഴ്സ് തങ്ങളോടൊപ്പം ചേര്ത്തിരുന്നു. കഴിഞ്ഞ സീസണില് നോര്ത്ത് ഈസ്റ്റ് യുണൈറ്റഡിന് വേണ്ടി ബൂട്ടണിഞ്ഞ ഈ 34കാരനെ ഹെഡ് കോച്ച് എല്കൊ ഷട്ടോറിയാണ് ബ്ലാസ്റ്റേഴ്സിലേക്ക് റാഞ്ചിയത്.
2018-2019 സീസണില് 19 മത്സരങ്ങളില് നിന്ന് 12 ഗോളുകള് നേടിയിട്ടുണ്ട് ഒഗ്ബെചെ. സീസണിലെ ഗോള്ഡന് ബൂട്ട് റണ്ണര് അപ് കൂടിയാണ് ഈ നൈജീരിയന് ഗോളടിയന്ത്രം. ഫ്രാന്സ്, സ്പെയിന്, ഇംഗ്ലണ്ട്, നെതര്ലന്റ്സ്, ഗ്രീസ് തുടങ്ങിയ രാജ്യങ്ങളിലെ ക്ലബ്ബുകള്ക്ക് വേണ്ടി കളിച്ച ശേഷമാണ് നോര്ത്ത് ഈസ്റ്റ് യുണൈറ്റഡിന് വേണ്ടി ഒഗ്ബെച്ചെ കളത്തിലിറങ്ങിയത്.
ഒഗ്ബെച്ചെയെ കൂടാതെ മരിയോ ആര്ക്വസ്, സെര്ജിയോ സിഡോന്ച, ജിയാനി സുവര്ലൂണ് എന്നിവരേയും കേരള ബ്ലാസ്റ്റേഴ്സ് നേരത്തേ തന്നെ കൂടാരത്തിലെത്തിച്ചിരുന്നു.
184 സെന്റീമീറ്ററാണ് മുഹമ്മദ് മുസ്തഫ നിങ്ങിന്റെ ഉയരം. ഇത് ടീമിന്റെ പ്രതിരോധത്തില് ഫലപ്രദമായി ഉപയോഗിക്കാന് സാധിച്ചാല് ബ്ലാസ്റ്റേഴ്സിന് അതൊരു അധിക നേട്ടമായിത്തീരും. സി.ഡി.എബ്രോ, എസ്.ഡി.അമോറെബീറ്റ, ലെയ്ഡ എസ്പോർട്ടിയു, സി.ഡി.സരിനേന, യുഡി ലോഗ്രോൺസ്, അൻഡോറ സി.എഫ്, എസ്.ഡി.ഇജിയാ എന്നിങ്ങനെ നിരവധി ക്ലബ്ബുകൾക്കു വേണ്ടി കളിച്ച അനുഭവസമ്പത്തുമായാണ് താരം കേരള ബ്ലാസ്റ്റേഴ്സിലെത്തുന്നത്.
30 കാരനായ മുസ്തഫ കൂടി എത്തുന്നതോടെ നിലവില് ബ്ലാസ്റ്റേഴ്സുമായി കരാറിലെത്തിയ വിദേശ താരങ്ങളുടെ എണ്ണം അഞ്ചായിരിക്കുകയാണ്. നേരത്തേ നൈജീരിയന് ഫുട്ബോള് താരം ബര്ത്ലോമിയോ ഒഗ്ബച്ചെയെ കേരള ബ്ലാസ്റ്റേഴ്സ് തങ്ങളോടൊപ്പം ചേര്ത്തിരുന്നു. കഴിഞ്ഞ സീസണില് നോര്ത്ത് ഈസ്റ്റ് യുണൈറ്റഡിന് വേണ്ടി ബൂട്ടണിഞ്ഞ ഈ 34കാരനെ ഹെഡ് കോച്ച് എല്കൊ ഷട്ടോറിയാണ് ബ്ലാസ്റ്റേഴ്സിലേക്ക് റാഞ്ചിയത്.
2018-2019 സീസണില് 19 മത്സരങ്ങളില് നിന്ന് 12 ഗോളുകള് നേടിയിട്ടുണ്ട് ഒഗ്ബെചെ. സീസണിലെ ഗോള്ഡന് ബൂട്ട് റണ്ണര് അപ് കൂടിയാണ് ഈ നൈജീരിയന് ഗോളടിയന്ത്രം. ഫ്രാന്സ്, സ്പെയിന്, ഇംഗ്ലണ്ട്, നെതര്ലന്റ്സ്, ഗ്രീസ് തുടങ്ങിയ രാജ്യങ്ങളിലെ ക്ലബ്ബുകള്ക്ക് വേണ്ടി കളിച്ച ശേഷമാണ് നോര്ത്ത് ഈസ്റ്റ് യുണൈറ്റഡിന് വേണ്ടി ഒഗ്ബെച്ചെ കളത്തിലിറങ്ങിയത്.
ഒഗ്ബെച്ചെയെ കൂടാതെ മരിയോ ആര്ക്വസ്, സെര്ജിയോ സിഡോന്ച, ജിയാനി സുവര്ലൂണ് എന്നിവരേയും കേരള ബ്ലാസ്റ്റേഴ്സ് നേരത്തേ തന്നെ കൂടാരത്തിലെത്തിച്ചിരുന്നു.