സ്പെയിനില് ഇനി ഫുട്ബോള് കളിയില്ല; നിര്ണായക തീരുമാനവുമായി സ്പാനിഷ് എഫ്എ
കൊറോണ ഭീഷണിയുടെ പടർന്ന് പിടിക്കുന്ന സാഹചര്യത്തില് ലോകത്താകെയുള്ള ഫുട്ബോള് മത്സരങ്ങളെല്ലാം മാറ്റിവെച്ചിട്ടുണ്ട്. ഇതിന് പിന്നാലെ കടുത്ത നിയന്ത്രണങ്ങളാണ് സ്പെയിനിലും ഏര്പ്പെടുത്തിയിരിക്കുന്നത്.
Samayam Malayalam 23 Mar 2020, 6:56 pm
കൊറോണ വൈറസ് പടര്ന്ന് പിടിക്കുന്ന സാഹചര്യത്തില് സ്പെയിനും ഫുട്ബോളിനോട് താത്കാലികമായി വിടപറയുന്നു. ഇതോടെ നേരത്തേ പുനരാരംഭിക്കുമെന്ന് തീരുമാനിച്ച മത്സരങ്ങള് എല്ലാം വൈകും എന്ന കാര്യം ഉറപ്പായി. കൊറോണ ഭീഷണിയുടെ പശ്ചാത്തലത്തില് ലോകത്താകെയുള്ള ഫുട്ബോള് മത്സരങ്ങളെല്ലാം മാറ്റിവെക്കുന്നതിനൊപ്പം തന്നെ കടുത്ത നിയന്ത്രണങ്ങളാണ് സ്പെയിനിലും ഏര്പ്പെടുത്തിയിരുന്നത്.
Also Read: ഒഗ്ബെചെ ചില്ലറക്കാരനല്ല!! 2020ല് ലോകത്തിന്റെ നെറുകയില്, മെസിയും റോണോയും പിന്നില്
ഇറ്റലിയില് വലിയ നാശം വിതച്ചതിന് പിന്നാലെ സ്പെയിനും ഇപ്പോള് കൊറോണ ഭീതിയിൽ തന്നെയാണുള്ളത്. അതുകൊണ്ട് തന്നെ നേരത്തെ രണ്ടാഴ്ചത്തേക്ക് എല്ലാ ഫുട്ബോള് മത്സരങ്ങളും ഉപേക്ഷിക്കാൻ ലാലിഗ തീരുമാനിച്ചിരുന്നു. എന്നാല് ആ തീരുമാനം അനിശ്ചിത കാലത്തേക്ക് മാറ്റുവാൻ ആണ് സ്പാനിഷ് ഫുട്ബോള് അസോസിയേഷൻറെ പുതിയ തീരുമാനം. ഇതോടെ സ്പെയിന് അനിശ്ചിത കാലത്തേക്ക് ഫുട്ബോളിനോട് വിട പറയുകയാണ്.
Also Read: ഐഎസ്എല്ലില് ഇക്കുറി ആദ്യ അങ്കത്തിനിറങ്ങി ആരാധകരെ കയ്യിലെടുത്ത അഞ്ച് താരങ്ങൾ
ലാലിഗ മത്സരങ്ങള് മാറ്റിവെച്ചതിനൊപ്പം തന്നെ സ്പെയിനിലെ മുഴുവന് ഫുട്ബോൾ മത്സരങ്ങളും അനിശ്ചിത കാലത്തേക്ക് നീട്ടാനാണ് തീരുമാനം. ഇനി പുതിയ അറിയിപ്പ് ഉണ്ടാകുന്നത് വരെ ഒരു മത്സരവും നടക്കില്ല. മെയ് അവസാനം വരെ ഇതേ രീതി തന്നെ തുടരും എന്നാണ് ഇപ്പോൾ മനസിലാക്കാനാകുക. സ്ഥിതിഗതികൾ വഷളാകുന്ന സാഹചര്യത്തിൽ മത്സരം നിർത്തിവെക്കുക അല്ലാതെ വേറെ മാര്ഗ്ഗമില്ലെന്ന് സ്പാനിഷ് എഫ് എ വ്യക്തമാക്കി.