ചാമ്പ്യന്‍സ് ലീഗ് ഫുട്ബോളില്‍ ഇന്ന് തീപാറും പോരാട്ടം

ഓള്‍ഡ് ട്രാഫോര്‍ഡ്: ചാമ്പ്യന്‍സ് ലീഗ് ഫുട്ബോളില്‍ ഇന്ന് നടക്കാനിരിക്കുന്നത് തീപാറുന്ന പോരാട്ടങ്ങള്‍. ലീഗിലെ കരുത്തന്മാരാണ് ഇന്ന് നേര്‍ക്കുനേര്‍ അങ്കത്തിനൊരുങ്ങുന്നത്. മുന്‍ ചാമ്പ്യന്മാരായ മാഞ്ചസ്റ്റര്‍ യുണൈറ്റഡിന് ഇറ്റാലിയന്‍ വമ്പന്മാരായ യുവന്‍റസാണ് എതിരാളികള്‍. ഇന്ത്യന്‍ സമയം രാത്രി 12.30നാണ് മത്സരം ആരംഭിക്കുക.

അതേസമയം മറ്റൊരു മത്സരത്തില്‍ റയല്‍ മാഡ്രിഡ് ചെക്ക് റിപബ്ലിക്കന്‍ ക്ലബ്ബായ വിക്ടോറിയ പ്ലാസനെ നേരിടും. താരതമ്യേന ചെറിയ ടീമാണെങ്കിലും സ്പാനിഷ് ലീഗില്‍ പരാജയം പതിവാക്കിയ റയലിന് വെല്ലുവിളി തന്നെയാണ് വിക്ടോറിയ പ്ലാസന്‍. പോയിന്‍റ് പട്ടികയില്‍ നിലവില്‍ ഏഴാം സ്ഥാനത്താണ് റയല്‍ മാഡ്രിഡ്.