മത്സര ഫലങ്ങള് ഒറ്റ നോട്ടത്തില്.
സെനിത് 1-2 ക്ലബ്ബ് ബ്രുഗെസ്
ഡൈനാമോ കീവ് 0-2 യുവെന്റസ്
ചെല്സി 0-0 സെവിയ്യ
റെന്നെസ് 1-1 എഫ് കെ ക്രസ്നോദര്
ലാസിയോ 3-1 ബൊറുസിയ ഡോട്മുണ്ട്
ബാഴ്സലോണ 5-1 ഫെറെന്വറോസി
പിഎസ്ജി 1-2 മാഞ്ചസ്റ്റര് യുനൈറ്റഡ്
ആര്ബിഎല് 2-0 ഇസ്താംബൂള് ബാസക്സെഹിര്
മെസി ഗോളടിച്ചു, ഗിഗ്സിനൊപ്പം
ചാമ്പ്യന്സ് ലീഗില് പതിനാറ് സീസണുകളില് ഗോളടിച്ച മാഞ്ചസ്റ്റര് യുനൈറ്റഡിന്റെ റിയാന് ഗിഗ്സിന്റെ റെക്കോര്ഡിനൊപ്പമെത്തി മെസി. ഇരുപത്തേഴാം മിനുട്ടിലെ പെനാല്റ്റി ഗോളില് മെസിയാണ് ബാഴ്സക്ക് ആദ്യ ലീഡ് നേടിയത്. ഫാറ്റി, കുട്ടീഞ്ഞോ, ഗോണ്സാലസ്, ഡെംബെലെ എന്നിവരും സ്കോര് ചെയ്തു. ജെറാര്ഡ് പീക്വെ ചുവപ്പ് കാര്ഡ് കണ്ടു. പതിനേഴുകാരന് പെഡ്രി ബാഴ്സക്കായി കന്നി ഗോളടിച്ചു.
Also Read: ഡല്ഹിയെ തുറന്നുകാട്ടി പഞ്ചാബ്, യുവരാജിന്റെ പ്രവചനം ഫലിക്കുമോ? 25ല് റെക്കോര്ഡുമായി ഗെയ്ല്
റാഷ്ഫോഡിന്റെ ഹീറോയിസം
കഴിഞ്ഞ വര്ഷം ഫൈനലിസ്റ്റുകളായ പി എസ് ജിയെ അവരുടെ തട്ടകത്തില് തോല്പ്പിച്ചു കൊണ്ട് മാഞ്ചസ്റ്റര് യുനൈറ്റഡ് ആത്മവിശ്വാസം വര്ധിപ്പിച്ചു. മൂന്ന് മിനുട്ട് ശേഷിക്കെ മാര്കസ് റഷ്ഫോര്ഡാണ് വിജയ ഗോളടിച്ചത്. ആദ്യ പകുതിയിലും ഇംഗ്ലീഷ് ക്ലബ്ബായിരുന്നു മുന്നില്. ഇരുപത്തിമൂന്നാം മിനുട്ടില് ക്യാപ്റ്റന് ബ്രൂണോ ഫെര്നാണ്ടസ് പെനാല്റ്റി ഗോളില് മുന്നിലെത്തിച്ചു.
Also Read: ആര്സിബിക്കെതിരെ കെകെആര്; കൊല്ക്കത്ത കളിക്കുമ്പോള് നെഞ്ചിടിക്കുന്നത് ഇവര്ക്ക്, സാധ്യതാ ടീം
പി എസ് ജിയുടെ സമനില ഗോള് നെയ്മറിന്റെ കോര്ണര് കിക്കില് യുനൈറ്റഡ് സ്ട്രൈക്കര് ആന്റണി മാര്ഷ്വലിന്റെ സെല്ഫ് ആയിരുന്നു. നെയ്മറും എംബാപെയും രണ്ടാം പകുതിയില് തുടരെ ആക്രമിച്ചു കളിച്ചെങ്കിലും ലീഡ് ഗോള് നേടാന് സാധിച്ചില്ല. മാഞ്ചസ്റ്റര് ഗോളി ഡിഗിയ തകര്പ്പന് സേവുകള് നടത്തിയിരുന്നു.
അല്വാരോ മൊറാട്ടക്ക് ഇരട്ട ഗോളുകള്
ക്രിസ്റ്റിയാനോ റൊണാള്ഡോ കൊവിഡ് ബാധിച്ച് ഐസൊലേഷനിലായത് ഗുണം ചെയ്തത് സ്ട്രൈക്കര് അല്വാരോ മൊറാട്ടക്കാണ്. യുവെന്റസിന്റെ ആദ്യ ലൈനപ്പില് ഇടം പിടിച്ച മൊറാട്ട ഡൈനാമോ കീവിനെതിരെ ഇരട്ട ഗോളുകള് നേടി മികവറിയിച്ചു. യുവെ കോച്ചായതിന് ശേഷം ആന്ദ്രെ പിര്ലോക്ക് ചാമ്പ്യന്സ് ലീഗില് വിജയത്തുടക്കമിടാനും സാധിച്ചു.
ജര്മന് ക്ലബ്ബുകള്ക്ക് സംഭവിച്ചത്
ജര്മന് ക്ലബ്ബ് ബൊറുസി ഡോട്മുണ്ട് പരാജയപ്പെട്ടപ്പോള് ആര്ബിഎല് വിജയക്കുതിപ്പ് തുടരുന്ന കാഴ്ച. ലാസിയോ 3-1നാണ് ബൊറുസിയയെ തകര്ത്തത്. ഇമ്മോബില്, അക്പ എന്നിവര് ലാസിയോക്കായി ഗോളടിച്ചു. ഒന്ന് സെല്ഫ് ഗോളായിരുന്നു. ഡോട്മുണ്ടിനായി ഹാലന്ഡ് ഗോളടിച്ചു. തുര്ക്കി ക്ലബ്ബിനെതിരെ ലൈപ്സിഷിന്റെ ജയം ഏഞ്ചലീനോയുടെ ഇരട്ട ഗോളുകളില്.