ഫുട്ബോളില് ഒരു ചുവപ്പ് കാര്ഡ് കണ്ടാല്തന്നെ പിന്നെ കളത്തില് നില്ക്കുക അസാധ്യം. എന്നാല്, രണ്ട് ചുവപ്പ് കാര്ഡ് കണ്ടിട്ടും കളത്തില് മുഴുവന് സമയവും ഇഞ്ചുറി ടൈമും കളിച്ച് തീര്ത്താണ് ബ്രസീലിന്റെ ഗോളി ആലിസണ് ബെക്കര് മടങ്ങിയത്. അസാധ്യമെന്ന് തോന്നുന്ന കാര്യങ്ങളായിരുന്നു ഫിഫ 2022 ഖത്തര് ലോകകപ്പ് ഫുട്ബോള് ലാറ്റിനമേരിക്കന് യോഗ്യതാ റൗണ്ടില് അരങ്ങേറിയത്. ഇക്വഡോറിനെതിരായ മത്സരത്തില് ബ്രസീലിന്റെ ആലിസണ് രണ്ട് തവണ ചുവപ്പ് കാര്ഡ് കണ്ടു. രണ്ട് തവണയും വിഎആറിലൂടെ ആലിസണ് കളത്തില് തുടരുകയായിരുന്നു. ആദ്യ 20 മിനിറ്റിനുള്ളില്തന്നെ രണ്ട് ടീമുകളുടെയും അംഗ ബലം 10ലേക്ക് ചുരുങ്ങി. 15-ാം മിനിറ്റില് ഇക്വഡോറിന്റെ അലക്സാണ്ടര് ഡൊമിന്ഗ്വെസും 20-ാം മിനിറ്റില് എമേഴ്സണ് റോയലും ചുവപ്പ് കാര്ഡ് കണ്ടതോടെയായിരുന്നു അത്. 26-ാം മിനിറ്റില് ബോക്സിനു പുറത്തേക്ക് പാഞ്ഞെത്തി ആലിസണ് കാലുയര്ത്തി ഒരു പന്ത് ക്ലിയര് ചെയ്തു. പന്ത് നിയന്ത്രിച്ച് ഗോളടിക്കാന് ശ്രമിച്ച ഇക്വഡോറിന്റെ എന്നെര് വലന്സിയയെ മറികടന്നുള്ള ആ രക്ഷപ്പെടുത്തലിനിടെ ആലിസണിന്റെ കാല് വലന്സിയയുടെ മുഖത്തിടിച്ചു. റഫറി ഉടന് തന്നെ ചുവപ്പുകാര്ഡ് ഉയര്ത്തി. എന്നാല്, വിഎആറിലൂടെ (വീഡിയോ അസിസ്റ്റന്റ് റഫറി) റഫറി തീരുമാനം പുനഃപരിശോധിച്ചു. അലിസന്റെ ചുവപ്പ് കാര്ഡ് മഞ്ഞയായി കുറച്ചു. ഇഞ്ചുറി ടൈമില് ആലിസണിനു വീണ്ടും ചുവപ്പ് കാര്ഡ്. ഇക്വഡോറിന്റെ അയര്ടണ് പ്രെസിയാഡോയ്ക്ക് പന്ത് ലഭിക്കുന്നതിനു മുമ്പ് കുത്തിയകറ്റാന് ശ്രമിച്ച ആലിസണിന്റെ ഇടി ഇക്വഡോര് താരത്തിലും കൊണ്ടതിനായിരുന്നു അത്. റഫറി അലിസന് ചുവപ്പുകാര്ഡ് നല്കുകയും ഇക്വഡോറിന് അനുകൂലമായി പെനല്റ്റി വിധിക്കുകയും ചെയ്തു. എന്നാല്, വിഎആറിലൂടെ കാര്യങ്ങള് പഠിച്ചപ്പോള് അലിസണ് ലഭിച്ച ചുവപ്പ് കാര്ഡ് പിന്വലിച്ചു, പെനല്റ്റി റദ്ദാക്കി.
ALSO READ : നമ്പര് 20 ലൂണ മാജിക്; ബ്ലാസ്റ്റേഴ്സിന്റെ ചന്ദ്രോദയമായ അഡ്രിയാന് ലൂണ, ചരിത്ര പുരുഷന്
മത്സരത്തിന്റെ ആറാം മിനിറ്റില് കാസെമിറോയിലൂടെ മുന്നില് കടന്ന ബ്രസീലിനെ 75-ാം മിനിറ്റില് ഫീലിക്സ് ടോറെസിലൂടെയാണ് ഇക്വഡോര് സമനിലയില് പിടിച്ചത്. മറ്റൊരു മത്സരത്തില് അര്ജന്റീന 2 - 1 ന് ചിലിയെ കീഴടക്കി. എയ്ഞ്ചല് ഡി മരിയ (9-ാം മിനിറ്റ്), ലൗതാരൊ മാര്ട്ടിനെസ് (34-ാം മിനിറ്റ്) എന്നിവരാണ് അര്ജന്റീനയ്ക്കായി വലകുലുക്കിയത്. ബെന് ഡിയസ് (20-ാം മിനിറ്റ്) ചിലിക്കായി ഗോള് നേടി. ലൂയിസ് സുവാരസിന്റെ (50-ാം മിനിറ്റ്) ഗോളില് ഉറുഗ്വെ 1 - 0ന് പരാഗ്വെയെ തോല്പ്പിച്ചു.
ബ്രസീലും അര്ജന്റീനയും 2022 ഖത്തര് ലോകകപ്പിന് ഇതിനോടകം യോഗ്യത സ്വന്തമാക്കിയതാണ്. ലാറ്റിനമേരിക്കന് യോഗ്യതാ റൗണ്ടില് ആദ്യ നാല് സ്ഥാനങ്ങളില് എത്തുന്ന ടീമുകള്ക്കാണ് നേരിട്ട് യോഗ്യത ലഭിക്കുക.
അഞ്ചാം സ്ഥാനക്കാര്ക്ക് പ്ലേ ഓഫിലൂടെ യോഗ്യത നേടാനുള്ള അവസരമുണ്ട്. 14 മത്സരങ്ങളില്നിന്ന് 36 പോയിന്റുമായി ബ്രസീലാണ് ഒന്നാമത്. ഇത്രയും മത്സരങ്ങളില്നിന്ന് 32 പോയിന്റുമായി അര്ജന്റീന രണ്ടാമതുണ്ട്. 15 മത്സരങ്ങള് പൂര്ത്തിയാക്കിയ ഇക്വഡോര് (24 പോയിന്റ്), ഉറുഗ്വെ (19 പോയിന്റ്) എന്നിവയാണ് മൂന്നും നാലും സ്ഥാനങ്ങളില്. 17 പോയിന്റ് വീതവുമായി കൊളംബിയ, പെറു, 16 പോയിന്റുമായി ചിലി എന്നിവയാണ് തുടര്ന്നുള്ള സ്ഥാനങ്ങളില്.
ALSO READ : നമ്പര് 20 ലൂണ മാജിക്; ബ്ലാസ്റ്റേഴ്സിന്റെ ചന്ദ്രോദയമായ അഡ്രിയാന് ലൂണ, ചരിത്ര പുരുഷന്
മത്സരത്തിന്റെ ആറാം മിനിറ്റില് കാസെമിറോയിലൂടെ മുന്നില് കടന്ന ബ്രസീലിനെ 75-ാം മിനിറ്റില് ഫീലിക്സ് ടോറെസിലൂടെയാണ് ഇക്വഡോര് സമനിലയില് പിടിച്ചത്. മറ്റൊരു മത്സരത്തില് അര്ജന്റീന 2 - 1 ന് ചിലിയെ കീഴടക്കി. എയ്ഞ്ചല് ഡി മരിയ (9-ാം മിനിറ്റ്), ലൗതാരൊ മാര്ട്ടിനെസ് (34-ാം മിനിറ്റ്) എന്നിവരാണ് അര്ജന്റീനയ്ക്കായി വലകുലുക്കിയത്. ബെന് ഡിയസ് (20-ാം മിനിറ്റ്) ചിലിക്കായി ഗോള് നേടി. ലൂയിസ് സുവാരസിന്റെ (50-ാം മിനിറ്റ്) ഗോളില് ഉറുഗ്വെ 1 - 0ന് പരാഗ്വെയെ തോല്പ്പിച്ചു.
ബ്രസീലും അര്ജന്റീനയും 2022 ഖത്തര് ലോകകപ്പിന് ഇതിനോടകം യോഗ്യത സ്വന്തമാക്കിയതാണ്. ലാറ്റിനമേരിക്കന് യോഗ്യതാ റൗണ്ടില് ആദ്യ നാല് സ്ഥാനങ്ങളില് എത്തുന്ന ടീമുകള്ക്കാണ് നേരിട്ട് യോഗ്യത ലഭിക്കുക.
അഞ്ചാം സ്ഥാനക്കാര്ക്ക് പ്ലേ ഓഫിലൂടെ യോഗ്യത നേടാനുള്ള അവസരമുണ്ട്. 14 മത്സരങ്ങളില്നിന്ന് 36 പോയിന്റുമായി ബ്രസീലാണ് ഒന്നാമത്. ഇത്രയും മത്സരങ്ങളില്നിന്ന് 32 പോയിന്റുമായി അര്ജന്റീന രണ്ടാമതുണ്ട്. 15 മത്സരങ്ങള് പൂര്ത്തിയാക്കിയ ഇക്വഡോര് (24 പോയിന്റ്), ഉറുഗ്വെ (19 പോയിന്റ്) എന്നിവയാണ് മൂന്നും നാലും സ്ഥാനങ്ങളില്. 17 പോയിന്റ് വീതവുമായി കൊളംബിയ, പെറു, 16 പോയിന്റുമായി ചിലി എന്നിവയാണ് തുടര്ന്നുള്ള സ്ഥാനങ്ങളില്.