ആരായിരിക്കും അത്?
എ ടി കെ മോഹന് ബഗാനുവേണ്ടി കഴിഞ്ഞ സീസണിലും മുംബൈ സിറ്റി എഫ് സി ക്കായി മുന് സീസണിലും കളിച്ച ഒരു കളിക്കാരന് കേരള ബ്ലാസ്റ്റേഴ്സ് എഫ് സി യില് എത്തും എന്നു മാത്രമാണ് റിപ്പോര്ട്ട് ചെയ്യപ്പെട്ടിരിക്കുന്നത്. ഈ മാനദണ്ഡങ്ങളുടെ അടിസ്ഥാനത്തില് അന്വേഷിക്കുമ്പോള് ആറ് കളിക്കാരാണ് പട്ടികയില് ഉള്പ്പെടുക. ഇതില് ആരായിരിക്കും കേരള ബ്ലാസ്റ്റേഴ്സ് എഫ് സി യില് എത്തുന്ന എന്നതാണ് സുപ്രധാന ചോദ്യം.
ഈ രണ്ട് പേരിലൊരാൾ?
സെന്റര് ബാക്ക് ആയ സുഭാശിഷ് ബോസ് ആണ് മുംബൈ സിറ്റി എഫ് സി ക്കായി കളിച്ച എ ടി കെ മോഹന് ബഗാന്റെ ക്യാമ്പിലുള്ള ഒരു താരം. 2018 - 2020 സീസണില് മുംബൈ സിറ്റി എഫ് സി ക്കായി കളിച്ച സുഭാശിഷ് ബോസ് 2020 മുതല് എ ടി കെ മോഹന് ബഗാന് ക്യാമ്പിലുണ്ട്.
ബിദ്യാനന്ദ സിംഗ് എന്ന മണിപ്പുര് സ്വദേശിയായ റൈറ്റ് മിഡ്ഫീല്ഡര് / സെന്റര് മിഡ്ഫീല്ഡര് ആണ് മുംബൈ സിറ്റി എഫ് സി ക്കായി കളിച്ച എ ടി കെ മോഹന് ബഗാന് ക്യാമ്പിലുള്ള മറ്റൊരു താരം. 2019 - 2021 സീസണിലാണ് മുംബൈ സിറ്റി എഫ് സി ക്കായി ബിദ്യാനന്ദ സിംഗ് ബൂട്ടണിഞ്ഞത്. 2021 - 2022 സീസണില് എ ടി കെ മോഹന് ബഗാനുവേണ്ടിയും ഇറങ്ങി.
ഈ താരമെത്താൻ സാധ്യത കൂടുതൽ?
റൈറ്റ് ബാക്ക് ആയ അഷുതോഷ് മേത്തയാണ് മറ്റൊരു താരം. 2015 - 2017 കാലഘട്ടത്തില് മുംബൈ സിറ്റിക്കായി കളിച്ച അഷുതോഷ് മേത്ത, 2021 - 2022 സീസണില് എ ടി കെ മോഹന് ബഗാനില് എത്തി. അഷുതോഷ് മേത്ത കേരള ബ്ലാസ്റ്റേഴ്സ് എഫ് സി യില് എത്താന് നല്ല സാധ്യതയുണ്ട്. കഴിഞ്ഞ സീസണില് ഹൈദരാബാദ് എഫ് സി യില് കളിച്ച ആശിഷ് റായ് എ ടി കെ മോഹന് ബഗാനില് എത്തിയിട്ടുണ്ട് എന്നതും ഈ സാധ്യതയ്ക്ക് ആക്കം കൂട്ടുന്നു.
ഡിഫെന്സീവ് മിഡ്ഫീല്ഡര് ആയ പ്രണോയ് ഹാള്ഡര് ആണ് മറ്റൊരു താരം. ബംഗാള് സ്വദേശിയായ പ്രണോയ്, 2016ല് മുംബൈ സിറ്റി എഫ് സി ക്കായി ലോണില് കളിച്ചിരുന്നു. 2018 മുതല് എ ടി കെ, എ ടി കെ മോഹന് ബഗാന് താരമാണ്. 2021 - 2022 സീസണില് ജംഷഡ്പുര് എഫ് സി ക്കായി ലോണ് വ്യവസ്ഥയില് കളിച്ചിരുന്നു.
Also Read : ബ്ലാസ്റ്റേഴ്സ് കഴിഞ്ഞ സീസണേക്കാൾ മികച്ച ടീം, ഇവാൻ കലിയൂഷ്നി അപകടകാരിയെന്നും ഇവാൻ വുകോമനോവിച്ച്
ഇവരാകില്ല എന്നത് ഉറപ്പ്
ഗോള് കീപ്പറായ അമരീന്ദര് സിംഗും മുബൈ സിറ്റി എഫ് സി ക്കായും എ ടി കെ മോഹന് ബഗാനു വേണ്ടിയും കളിച്ചു. എന്നാല്, അമരീന്ദര് സിംഗ് കേരള ബ്ലാസ്റ്റേഴ്സ് എഫ് സി യില് എത്താനുള്ള സാധ്യത വളരെ കുറവാണ്. ഫ്രഞ്ച് അറ്റാക്കിംഗ് മിഡ്ഫീല്ഡര് ആയ ഹ്യൂഗൊ ബൗമസും മുംബൈ സിറ്റി എഫ് സി ക്കായും എ ടി കെ മോഹന് ബഗാനു വേണ്ടിയും കളിച്ച താരമാണ്. 2020 - 2021 സീസണിലാണ് ബൗമസ് മുംബൈ സിറ്റി എഫ് സി ക്കായി ബൂട്ടണിഞ്ഞത്. 2021 മുതല് എ ടി കെ മോഹന് ബഗാനു വേണ്ടിയും കളിക്കുന്നു. എ ടി കെ മോഹന് ബഗാനായി 17 മത്സരങ്ങളില് അഞ്ച് ഗോളും ഹ്യൂഗൊ ബൗമസ് സ്വന്തമാക്കിയിട്ടുണ്ട്.