2022 - 2023 സീസണ്‍ ഐ എസ് എല്‍ ഫൈനലിനു ശേഷമാണ് കല്യാണ്‍ ചൗബെ ( Kalyan Chaubey ) ഇക്കാര്യം അറിയിച്ചത്. എ ടി കെ മോഹന്‍ ബഗാനും ബെംഗളൂരു എഫ് സി യും തമ്മില്‍ നടന്ന ഫൈനലില്‍ റഫറി തങ്ങള്‍ക്ക് എതിരേ അന്യായമായി പെനാല്‍റ്റി കിക്ക് വിധിച്ചു എന്ന് ബെംഗളൂരു എഫ് സി ഉടമ പാര്‍ഥ ജിന്‍ഡാല്‍ ആരോപിച്ചിരുന്നു.
എടികെ ജേതാക്കൾ
2023ലെ ഐഎസ്എൽ ഫൈനൽ മത്സരത്തില്‍ എ ടി കെ മോഹന്‍ ബഗാന്‍ പെനാല്‍റ്റിയിലൂടെ രണ്ട് ഗോള്‍ നേടിയപ്പോള്‍ ബെംഗലൂരു എഫ് സി ഒരു പെനാല്‍റ്റി ഗോള്‍ സ്വന്തമാക്കി.
മത്സരം 2 - 2 സമനിലയില്‍ കലാശിക്കുകയും തുടര്‍ന്ന് പെനാല്‍റ്റി ഷൂട്ടൗട്ടില്‍ എ ടി കെ മോഹന്‍ ബഗാന്‍ 4 - 3 ന്റെ ജയത്തോടെ ഐ എസ് എല്‍ ചാമ്പ്യന്‍ പട്ടം കരസ്ഥമാക്കുകയും ചെയ്തു. എടികെയും മോഹൻ ബഗാനും ഒന്നിച്ചതിന് ശേഷം ടീമിൻെറ ആദ്യ കിരീടനേട്ടമാണ്.
വാറിൻെറ ചെറിയ പതിപ്പ്
ബെല്‍ജിയം രീതിയിലുള്ള വി എ ആറിന്റെ ചെറിയ പതിപ്പ് ആയിരിക്കും ഇന്ത്യയില്‍ പ്രാവര്‍ത്തികമാക്കുക എന്നാണ് വിവരം. ചെറിയ മുതല്‍ മുടക്കിലാണ് റോയല്‍ ബെല്‍ജിയം എഫ് എ വീഡിയൊ അസിസ്റ്റന്റ് റഫറി സിസ്റ്റം നടപ്പാക്കിയത്.
ബെല്‍ജിയം ഫുട്‌ബോള്‍ ആസ്ഥാനത്ത് 16 മോണിട്ടറും നാല് ആളുകളും മാത്രമാണ് വി എ ആറിനായി ഉള്ളത്. ഇത്രയും വെച്ച് അവര്‍ക്ക് ഒരേ സമയത്ത് നാല് മത്സരം വരെ നടത്താം.
പിഴവുകൾ സംഭവിച്ചിട്ടുണ്ട്
ഇന്ത്യയില്‍ ഐ ടി വിദഗ്ധര്‍ നിരവധി ഉണ്ട്. പഠിച്ച് ഇറങ്ങുന്ന കുട്ടികളും ഉണ്ട്. ഇവരുടെ എല്ലാം സഹായത്തോടെ ബെല്‍ജിയം മോഡലില്‍ വി എ ആര്‍ ലൈറ്റ് ഇന്ത്യയില്‍ നടപ്പില്‍ വരുത്താവുന്നതേ ഉള്ളൂ - കല്യാണ്‍ ചൗബെ പറഞ്ഞു.
ഐ എസ് എല്‍ 2022 - 2023 സീസണിലെ ചില മത്സരങ്ങള്‍ കണ്ടിരുന്നു എന്നും അതില്‍ പിഴവുകള്‍ സംഭവിച്ചിട്ടുണ്ട്എന്നും കല്യാണ്‍ ചൗബെ കൂട്ടിച്ചേര്‍ത്തു. റഫറിയിങ്ങിലെ പിഴവുകളാണ് വാ‍ർ കൊണ്ടുവരാൻ കാരണമായിരിക്കുന്നത്.
Also Read: ഐ എസ് എല്‍ ഫൈനലില്‍ ബെംഗളൂരുവിന് എതിരെ വിവാദ പെനാല്‍റ്റി; റഫറിയിംഗിനെ വിമര്‍ശിച്ച് ടീം ഉടമ
സുനില്‍ ഛേത്രി വിരമിക്കുമെന്ന് സൂചന | sunil chhetri
നേരത്തെ ചിന്തിച്ചിരുന്നു...
2020 ല്‍ എ ഐ എഫ് എഫ് ഇന്ത്യയില്‍ വി എ ആര്‍ നടപ്പിലാക്കാനായി പ്രാഥമിക അന്വേഷണം നടത്തിയിരുന്നു. വി എ ആര്‍ നടപ്പിലാക്കാന്‍ ഒരു മത്സരത്തിന് കുറഞ്ഞത് 18 മുതല്‍ 20 ലക്ഷം രൂപ വരെ ആകും എന്നും ഒരു സീസണില്‍ മുഴുവനായി വി എ ആര്‍ പ്രാവര്‍ത്തികമാക്കുമ്പോള്‍ ആകെ 15 മുതല്‍ 20 കോടി രൂപ വരെ ചെലവ് വരും എന്നും ആയിരുന്നു അന്നത്തെ കണ്ടെത്തല്‍. ഇത് വരെ നടപ്പാക്കിയിരുന്നില്ല.
വിവാദ ഗോൾ
പ്ലേ ഓഫ് എലിമിനേറ്ററില്‍ കേരള ബ്ലാസ്റ്റേഴ്സ് എഫ് സിക്ക് എതിരേ ബെംഗളൂരു എഫ് സി യുടെ സുനില്‍ ഛേത്രി ക്വിക് ഫ്രീ കിക്കിലൂടെ നേടിയ ഗോള്‍ റഫറി അനുവദിച്ചു. റഫറിയുടെ തീരുമാനത്തില്‍ പ്രതിഷേധിച്ച് മത്സരം ഉപേക്ഷിച്ച് കേരള ബ്ലാസ്റ്റേഴ്സ് എഫ് സി മൈതാനം വിട്ടിരുന്നു.
ആ പ്രതിഷേധം കൂടിയാണ് ഇപ്പോൾ ഫലം കാണുന്നത്. ബ്ലാസ്റ്റേഴ്സ് കോച്ച് ഇവാൻ വുകോമവനോവിച്ചിനെ വിമ‍ർശിച്ചവ‍ർക്കുള്ള മറുപടി കൂടിയാകും ഈ തീരുമാനം.