ട്രാൻസ്ഫർ ജാലകത്തിൽ ബ്ലാസ്റ്റേഴ്സിന്റെ പ്രധാന ലക്ഷ്യം ഈ താരം, പുറത്ത് വരുന്ന സൂചനകൾ ഇങ്ങനെ....

ഇന്ത്യന്‍ സൂപ്പര്‍ ലീഗ് ( Indian Super League ) ഫുട്‌ബോള്‍ 2023 - 2024 സീസണിലേക്കുള്ള തയാറെടുപ്പുകള്‍ ആരംഭിക്കാന്‍ കേരള ബ്ലാസ്റ്റേഴ്‌സ് എഫ് സി ( Kerala Blasters F C ). ഒരു എഫ് സി ഗോവന്‍ ( F C Goa ) താരത്തെ ടീമിൽ എത്തിക്കാനാണ് കേരള ബ്ലാസ്‌റ്റേഴ്‌സ് എഫ് സി നീക്കം നടത്തുന്നത് എന്നാണ് അഭ്യൂഹങ്ങൾ ഉയരുന്നത്.

Edited byഗോകുൽ എസ് | Samayam Malayalam 24 Mar 2023, 12:03 am

aiban dohling is one of the transfer targets for kerala blasters fc reports — ട്രാൻസ്ഫർ ജാലകത്തിൽ ബ്ലാസ്റ്റേഴ്സിന്റെ പ്രധാന ലക്ഷ്യം ഈ താരം, പുറത്ത് വരുന്ന സൂചനകൾ ഇങ്ങനെ....

2023 - 2024 സീസണ്‍ ഇന്ത്യന്‍ സൂപ്പര്‍ ലീഗ് ( Indian Super League ) ഫുട്‌ബോളിനു വേണ്ടിയുള്ള മുന്നൊരുക്കം ആരംഭിച്ച് കേരള ബ്ലാസ്‌റ്റേഴ്‌സ് എഫ് സി ( Kerala Blasters F C ). 2022 - 2023 സീസണ്‍ ഐ എസ് എല്ലില്‍ കേരള ബ്ലാസ്‌റ്റേഴ്‌സ് എഫ് സി ഏറ്റവും വലിയ പ്രതിസന്ധി നേരിട്ടത് ഡിഫെന്‍സ് ലൈനില്‍ ആയിരുന്നു. ക്രൊയേഷ്യന്‍ സെന്റര്‍ ഡിഫെന്‍ഡര്‍ മാര്‍ക്കൊ ലെസ്‌കോവിച്ചും വിംഗ് ബാക്ക് ആയ സന്ദീപ് സിംഗും പരിക്കേറ്റ് പുറത്തായത് കേരള ബ്ലാസ്റ്റേഴ്‌സ് എഫ് സി യുടെ ഡിഫെന്‍സിനെ താറുമാറാക്കിയിരുന്നു.

അതുകൊണ്ടു തന്നെ 2023 - 2024 സീസണിലേക്ക് ഏറ്റവും ആദ്യം കേരള ബ്ലാസ്റ്റേഴ്‌സ് എഫ് സി നോട്ടം ഇട്ടിരിക്കുന്നത് ഒരു ഇന്ത്യന്‍ ഡിഫെന്‍ഡറെ ആണ് എന്നതാണ് റിപ്പോര്‍ട്ട്.

നോട്ടമിടുന്നത് എഫ് സി ഗോവൻ താരത്തെ

എഫ് സി ഗോവയുടെ ഡിഫെന്‍ഡര്‍ ഐബാന്‍ ഡോഹ്ലിംഗിനെ ആണ് കേരള ബ്ലാസ്‌റ്റേഴ്‌സ് എഫ് സി ലക്ഷ്യം വയ്ക്കുന്നത് എന്നാണ് സൂചനകള്‍. ഐബാന്‍ ഡോഹ്ലിംഗ് ( Aiban Dohling ) സെന്റര്‍ ബാക്ക് പൊസിഷനിലും വിംഗ് ബാക്ക് ആയും കളിക്കാന്‍ കഴിവുള്ള താരമാണ്.

റൈറ്റ് ആന്‍ഡ് ലെഫ്റ്റ് സെന്റര്‍ ബാക്ക് പൊസിഷനില്‍ ഒന്നു പോലെ പ്രാഗല്‍ഭ്യം ഉള്ള കളിക്കാരനാണ് 26 കാരനായ ഐബാന്‍ ഡോഹ്ലിംഗ്. 2019 മുതല്‍ എഫ് സി ഗോവയുടെ കളിക്കാരനായ ഡോഹ്ലിംഗ് ഈ മേഘാലയയിൽ നിന്നുള്ള താരമാണ്.

Also Read : ആല്‍വാരൊ വാസ്‌ക്വസ് ബ്ലാസ്റ്റേഴ്‌സിലേക്ക് തിരിച്ചെത്തുമോ? സാധ്യതകള്‍ ഇങ്ങനെ...

കരാർ അവസാനിക്കാൻ പോകുന്നു

ഇരുപത്തിയാറുകാരനായ ഈ താരത്തിന്റെ നിലവിലെ കരാര്‍ ഈ സീസണോടെ അവസാനിക്കും. 2023 മേയ് 31 ന് എഫ് സി ഗോവയുമായി ഡോഹ്ലിംഗിന്റെ കരാര്‍ അവസാനിക്കുന്നതോടെ താരത്തിനെ റാഞ്ചാം എന്നാണ് കേരള ബ്ലാസ്‌റ്റേഴ്‌സ് എഫ് സി യുടെ ലക്ഷ്യം. എന്നാല്‍, ഇക്കാര്യം സംബന്ധിച്ച് ഔദ്യോഗിക സ്ഥിരീകരണം ഒന്നും ലഭ്യമല്ല. ഐ എസ് എല്‍ ട്രാന്‍സ്ഫര്‍ റൂമര്‍ മാത്രമായി ഇത് മാറുമോ എന്നറിയാനാണ് മഞ്ഞപ്പട ആരാധകരുടെ കാത്തിരിപ്പ്.

സ്വന്തം ക്ലബ്ബിൻെറ ആരാധകരുടെ പ്രതിഷേധം|lionel messi | psg fans|

ലയണൽ മെസിക്കെതിരെ പ്രതിഷേധം ഉന്നയിച്ച് പിഎസ്ജി അൾട്രാസ് എന്നറിയപ്പെടുന്ന ആരാധക്കൂട്ടം. മെസി തൻെറ കരിയറിൽ ഇത് വരെ അനുഭവിക്കാത്ത ഒരു പ്രതിഷേധമാണ് ആരാധകരുടെ ഭാഗത്ത് നിന്നുണ്ടായത്. ചാമ്പ്യൻസ് ലീഗിൽ ബയേൺ മ്യൂണിക്കിനോട് തോറ്റ് ക്ലബ്ബ് പുറത്തായതോടെ ആരാധകർ താരത്തിനെതിരെ തിരിയുകയായിരുന്നു. ക്ലബ് നൽകുന്ന പ്രതിഫലത്തിനൊത്ത പ്രകടനം മെസി പുറത്തെടുക്കുന്നില്ല എന്നാണ് ഉയർന്നു വരുന്ന ആരോപണം. മെസിയുടെ മോശം പ്രകടനമാണ് തോൽവിക്ക് കാരണമായി ആരാധകർ കരുതുന്നത്. പ്രതിഷേധത്തിന് പിന്നാലെ നടന്ന മത്സരത്തിൽ പിഎസ്ജി ദയനീയമായി പരാജയപ്പെടുകയും കൂടി ചെയ്തതോടെ ടീമിന് അത് വലിയ തിരിച്ചടിയായി. സ്വന്തം കാണികൾക്ക് മുമ്പിൽ എതിരില്ലാത്ത രണ്ടു ഗോളുകൾക്കാണ് പിഎസ്ജി പരാജയപ്പെട്ടത്. പോയിൻറ് പട്ടികയിൽ പിഎസ്ജിയെക്കാൾ ഏറെ പിന്നിലുള്ള ടീമാണ് റെന്നസ്. എന്നാൽ അവരോട് പോലും പിടിച്ചുനിൽക്കാൻ ഫ്രഞ്ച് കരുത്തന്മാർക്ക് സാധിച്ചില്ല. ഇത് ആരാധകരെ ചൊടിപ്പിച്ചു. ചാമ്പ്യൻസ് ലീഗ് നേടുക എന്ന ലക്ഷ്യത്തോടുകൂടിയാണ് 2021ൽ പിഎസ്ജി മാനേജ്മെൻറ് ലയണൽ മെസിയെ ടീമിൽ ഉൾപ്പെടുത്തിയത്. എംബാപ്പയെയും നെയ്മറിനെയും പോലുള്ള ലോകോത്തര താരങ്ങളുടെ കൂട്ടുണ്ടായിട്ടുപോലും മെസ്സിയുടെ ടീമിന് യൂറോപ്യൻ ചാമ്പ്യൻഷിപ്പിൽ എവിടെയും എത്താൻ സാധിച്ചില്ല. ക്ലബ്ബ് ഫുട്ബോളിൽ മെസി ഒടുവിൽ വലിയ വിമർശനം ഏറ്റുവാങ്ങി തുടങ്ങിയിരിക്കുകയാണ്.

ഡോഹ്ലിംഗ് കരിയർ

ഐ ലീഗ് ക്ലബ്ബായ ഷില്ലോംഗ് ലാജോംഗിലൂടെ 2016 ല്‍ ആണ് ഐബാന്‍ ഡോഹ്ലിംഗ് സീനിയര്‍ കരിയര്‍ ആരംഭിക്കുന്നത്. ഐ എസ് എല്ലില്‍ ഇതുവരെ 44 മത്സരങ്ങളില്‍ എഫ് സി ഗോവയുടെ ജഴ്‌സി അണിഞ്ഞു. രണ്ട് ഗോള്‍ നേടുകയും രണ്ട് ഗോളിന് അസിസ്റ്റ് നടത്തുകയും ചെയ്തു. ഐ എസ് എല്‍ ലീഗ് വിന്നേഴ്‌സ് ഷീല്‍ഡ്, ഡ്യൂറന്റ് കപ്പ് എന്നിങ്ങനെ രണ്ട് കിരീടങ്ങളില്‍ എഫ് സി ഗോവയ്ക്ക് ഒപ്പം സ്വന്തമാക്കിയിട്ടുണ്ട്. ഇന്ത്യൻ ഫുട്ബോളിൽ മികച്ച പരിചയമുള്ള താരത്തെ സ്വന്തമാക്കാനായൽ അത് ബ്ലാസ്റ്റേഴ്സിനെ സംബന്ധിച്ച് നേട്ടമാകുമെന്നാണ് കരുതപ്പെടുന്നത്.

Also Read : ബ്ലാസ്റ്റേഴ്സ് ഈ നീക്കങ്ങൾ ഉടൻ നടത്തണം, ഇല്ലെങ്കിൽ വരും സീസണുകളിൽ പണി കിട്ടാൻ സാധ്യത

നിസാരക്കാരനല്ല മഞ്ഞപ്പടയുടെ ആശാൻ | Ivan Vukomanovic |

കേരള ബ്ലാസ്റ്റേഴ്‌സ് ആരാധകർ ക്ലബ്ബിലെ താരങ്ങളേക്കാൾ ഒരുപക്ഷെ ഏറ്റവും കൂടുതൽ സ്നേഹിക്കുന്നത് കേരള ബ്ലാസ്റ്റേഴ്‌സ് എഫ് സിയുടെ കോച്ചിനെ ആകും. ആരാധകരുടെ സ്വന്തം ആശാൻ, ഇവാൻ വുകോമനോവിച്ച്. കിരീടം ഇന്നോളം സ്വന്തമാക്കാൻ സാധിച്ചില്ല എങ്കിലും ഇന്ത്യൻ സൂപ്പർ ലീഗ് ഫുട്‌ബോൾ ചരിത്രത്തിലെ ഏറ്റവും മികച്ച ക്ലബ്ബുകളിൽ ഒന്നാണ് കേരള ബ്ലാസ്‌റ്റേഴ്‌സ് എഫ് സി. ആരാധകരുടെ എണ്ണം കൊണ്ടും, സാമ്പത്തിക വരുമാനം കൊണ്ടും, കാണികളുടെ വരവുകൊണ്ടും ഐ എസ് എല്ലിലെ മറ്റേതൊരു ക്ലബ്ബിനേക്കാളും ഒരു പടി മുകളിൽ നിൽക്കുന്നത് കേരള ബ്ലാസ്റ്റേഴ്‌സ് എഫ് സി ആണ്. കേരള ബ്ലാസ്റ്റേഴ്‌സ് എഫ് സി കഴിഞ്ഞ 2 സീസണുകളായി സെർബിയൻ പരിശീലകനായ ഇവാൻ വുകോമനോവിച്ചിന്റെ ശിക്ഷണത്തിൽ ആണ്. അളമുട്ടിയാൽ ചേരയും കടിക്കും എന്ന ചൊല്ല് പോലെയാണ് ഇവാൻ വുകോമനോവിച്ചിന്റെ കാര്യം. ഇന്ത്യൻ സൂപ്പർ ലീഗ് ഫുട്‌ബോൾ ചരിത്രത്തിലെ ഏറ്റവും കൂളായ പരിശീലകൻ എന്ന പേര് ലഭിച്ച ആളായിരുന്നു ഇവാൻ വുകോമനോവിച്ച്. എന്നാൽ, ഐ എസ് എൽ ചരിത്രത്തിലെ കറുത്ത അധ്യായമായി ഇവാൻ വുകോമനോവിച്ച് കേരള ബ്ലാസ്‌റ്റേഴ്‌സ് എഫ് സി ടീമിനെ മത്സരത്തിന്റെ ഇടയിൽ പിൻവലിച്ചു. റഫറിമാരുടെ പിഴവിനെ തന്മയത്തത്തോടെ നേരിട്ട ഇവാൻ വുകോമനോവിച്ച് ഗതികെട്ട് നടത്തിയ പ്രതികരണമായിരുന്നു അത്.

ബ്ലാസ്റ്റേഴ്സിന് പരിഹരിക്കേണ്ടത് പ്രതിരോധത്തിലെ പ്രശ്നങ്ങൾ

2022 - 2023 സീസണ്‍ ഐ എസ് എല്‍ ലീഗ് റൗണ്ടില്‍ സന്ദീപ് സിംഗ് - മാര്‍ക്കൊ ലെസ്‌കോവിച്ച് എന്നിവര്‍ ഡിഫെന്‍സില്‍ ഇറങ്ങിയ സമയത്ത് കേരള ബ്ലാസ്റ്റേഴ്‌സ് എഫ് സി തുടര്‍ച്ചയായി ഏഴ് ജയം ഉള്‍പ്പെടെ എട്ട് മത്സരങ്ങളില്‍ തോല്‍വി അറിഞ്ഞിരുന്നില്ല. എന്നാല്‍, ഇരുവരും പരിക്കേറ്റ് പുറത്തായതോടെ കേരള ബ്ലാസ്‌റ്റേഴ്‌സ് എഫ് സിക്ക് താളവും ഫോമും നഷ്ടപ്പെട്ടു. ലീഗ് റൗണ്ടില്‍ അവസാന ഘട്ടത്തിലേക്ക് കടന്നപ്പോള്‍ തോല്‍വിയുടെ എണ്ണം വര്‍ധിക്കുകയും ചെയ്തു. പ്രതിരോധത്തിലെ പ്രശ്‌നം പരിഹരിക്കുക എന്നതായിരിക്കും 2023 - 2024 സീസണിലേക്കായി കേരള ബ്ലാസ്റ്റേഴ്‌സ് എഫ് സി ഏറ്റവും ആദ്യം ചെയ്യുക.

Read Latest Sports News and Malayalam News