ISL 2020: ഗോളടിക്കാതെ പിരിഞ്ഞ് ഹൈദരാബാദും ബെംഗളൂരുവും

ഇന്ത്യൻ സൂപ്പർ ലീഗിലെ ബെംഗളൂരു എഫ്.സിയും ഹൈദരാബാദും തമ്മിലുള്ള മത്സരം വിരസമായ ഗോൾരഹിത സമനിലയിൽ കലാശിച്ചു. 90 സമയം കളിച്ചിട്ടും ഇരുടീമുകൾക്കും ഗോളടിക്കാൻ സാധിച്ചില്ല. മത്സരത്തിൽ ഭേദപ്പെട്ട പ്രകടനം നടത്തിയത് ഹൈദരാബാദാണ്. ആദ്യമത്സരം വിജയിച്ച ഹൈദരാബാദ് രണ്ടാം മത്സരത്തിൽ സമനിലയോടെ നിലവിൽ ഐഎസ്എൽ പോയൻറ് പട്ടികയിൽ മൂന്നാം സ്ഥാനത്തുണ്ട്.

ബെംഗളൂരു തീർത്തും നിറംമങ്ങിയ പ്രകടനമാണ് നടത്തിയത്. ഒരേയൊരു തവണ മാത്രമാണ് അവർ ഹൈദരാബാദ് ഗോളിയെ പരീക്ഷിച്ച് ഷോട്ട് ഉതിർത്തത് പോലും. ആദ്യ മത്സരത്തിൽ പരാജയപ്പെട്ട അവർ ഇപ്പോൾ രണ്ടാം മത്സരത്തിൽ സമനിലയും വഴങ്ങിയിരിക്കുകയാണ്. രണ്ടാം പകുതിയിൽ പോലും പ്രതിരോധത്തിലൂന്നിയ കളിയാണ് ബെംഗളൂരു പുറത്തെടുത്തത്.

Also Read: രാഹുലിനെ സാക്ഷിയാക്കി മാക്‌സ്‌വെലിന്റെ വെടിക്കെട്ട്, കോലിയെ ഞെട്ടിച്ച് ഫിഞ്ചിൻെറ സെഞ്ച്വറി; ട്രോളുമായി ആരാധകര്‍!!

രണ്ട് വിദേശതാരങ്ങളെ പരിക്ക് കാരണം പിൻവലിക്കേണ്ടി വന്നത് ഹൈദരാബാദിന് തിരിച്ചടിയായി. അരിഡാനെ സൻറാനെയുടെ ഗോളെന്നുറപ്പിച്ച ഹെഡ്ഡർ ബെംഗളൂരു ഗോളി ഗുർപ്രീത് സിങ് സന്ധു തട്ടിയകറ്റുകയും ചെയ്തിരുന്നു.