എെഎസ്എൽ: കിരീടം തിരിച്ച് പിടിക്കാൻ ചെന്നൈയിൻ എഫ് സി

കൊച്ചി: ഇന്ത്യൻ സൂപ്പർ ലീഗിൻെറ പുതിയ സീസണിൽ കിരീടം തിരിച്ച് പിടിക്കാൻ ചെന്നൈയിൻ എഫ്.സി. പുതിയ പരിശീലകൻെറ കീഴിൽ പുത്തൻ തന്ത്രങ്ങളുമായാവും ചെന്നൈയിൻ ഇക്കുറിയെത്തുക. കഴിഞ്ഞ സീസണിൽ ഏഴാം സ്ഥാനത്തേക്ക് വീണ് പോയതിൻെറ ക്ഷീണം തീർത്ത് തിരിച്ച് വരാനാവും അവരുടെ ശ്രമം.

2015 സീസണിലെ ചാമ്പ്യൻമാരായിരുന്ന ടീമിൻെറ പുതിയ പരിശീലകൻ ജോൺ ഗ്രിഗറിയാണ്. ഇംഗ്ലീഷ് ഫുട്ബോളിൽ കളിക്കാരനായും പരിശീലകനായും മികച്ച റെക്കോർഡ് ഉള്ള താരമാണ് ഗ്രിഗറി. ഇംഗ്ലണ്ട് ടീമിൽ മിഡ് ഫീൽഡറായി അദ്ദേഹം കളിച്ചിട്ടുണ്ട്.

സ്പാനിഷ് താരമായ ക്യാപ്റ്റൻ ഇനിഗോ കാൽഡറോൺ നയിക്കുന്ന പ്രതിരോധ നിരയാണ് ടീമിൻെറ ഏറ്റവും വലിയ കരുത്ത്. ബ്രസീലിയൻ താരം മെയിൽസൺ ആൽവസ്, പോർച്ചുഗൽ താരം ഹെൻറിക്ക് സെറനോ, ഇന്ത്യൻ പ്രതീക്ഷയായ യുവതാരം ജെറി ലാൽറിൻ സുവാല എന്നിവർ ചേരുന്ന പ്രതിരോധം ഏറ്റവും മികച്ചവരുടെ നിര തന്നെയാണ്.

ഡച്ച് താരം ഗ്രിഗറി നെൽസണും, നൈജീരിയൻ താരം ജൂഡ് എൻവെറുഹും നയിക്കുന്നതാണ് മുന്നേറ്റനിര. കരുത്ത് പകരാൻ ഇന്ത്യൻ താരങ്ങളായ ജെജെ ലാൽ പെഖുലയും ബോറ്ങ്ങാഡോ ബോഡോയും ഉണ്ട്. കൂടാതെ കേരള ബ്ലാസ്റ്റേഴ്സ് വിട്ട മലയാളി താരം മുഹമ്മദ് റാഫിയും.

മുൻ വലൻസിയ താരം ജാമി ഗാവിലാൻെറ നേതൃത്വത്തിലുള്ള മധ്യനിരയ്ക്ക് ബ്രസീൽ താരം റാഫേൽ അഗസ്തോ, സ്ലൊവേനിയൻ താരം റാഫേൽ അഗസ്തോ, ഇന്ത്യൻ താരങ്ങളായ ജെർമൻ പ്രീത് സിങ്, ബിക്രം ജിത് സിങ് എന്നിവർ കരുത്തേകും.

ഇന്ത്യൻ താരമായ കരൺ ജിത്ത് സിങാണ് ടീമിൻെറ ഗോൾകീപ്പർ. മലയാള താരം ഷഹിൻലാലും പവൻ കുമാറും ഒപ്പമുണ്ട്.