സികെ വിനീത് കേരള ബ്ലാസ‍്‍റ്റേഴ‍്‍സ് വിട്ടേക്കുമെന്ന് റിപ്പോ‍ർട്ട്

കൊച്ചി: കേരള ബ്ലാസ്റ്റേഴ്‍സ് സ്ട്രൈക്ക‍ർ സി.കെ.വിനീത് ടീം വിടാനൊരുങ്ങുന്നുവെന്ന് സൂചന. പ്രമുഖ കായിക വെബ് സൈറ്റായ ഗോൾ.കോം ആണ് വാ‍ർത്ത് റിപ്പോ‍ർട്ട് ചെയ്തിരിക്കുന്നത്. ബ്ലാസ്റ്റേഴ്‍സ് മാനേജ്‍മെൻറുമായി പരസ്പര ധാരണയോടെയാണ് താരം ടീം വിടാനൊരുങ്ങുന്നതെന്നാണ് റിപ്പോ‍ർട്ട്.

എന്നാൽ ഇക്കാര്യത്തിൽ ഇത് വരെ ഔദ്യോഗിക സ്ഥിരീകരണമൊന്നും വന്നിട്ടില്ല. ഒരു കോടി രൂപയ്ക്കാണ് ഈ സീസണിൽ വിനീതിനെ ബ്ലാസ്റ്റേഴ്‍സ് നില നി‍ർത്തിയത്. ഇന്ത്യൻ സൂപ്പ‍‍ർ ലീഗിൽ പ്ലേ ഓഫ് കാണാതെ ടീം പുറത്തായി കഴിഞ്ഞു.

നേരത്തെ ബെംഗലൂരു എഫ്.സിക്ക് വേണ്ടിയും വിനീത് കളിച്ചിട്ടുണ്ട്. ബെംഗലൂരുവിനായി 85 മത്സരങ്ങളിൽ നിന്നായി അദ്ദേഹം 21 ഗോളുകൾ നേടിയിട്ടുണ്ട്.